ข้อพระคัมภีร์ยอดนิยมจาก 2 R 6

แบ่งปัน

'Ix leslwi Eliseo 'ixtic: Tzin tew 'aych Mamin Jehová, to tza jac sat win in checb' tic sec to 'oj yila', xchi. 'Ix sjacn Jehová sat win checb' cha, 'ix yiln winac to a 'a jolmctac witz, oyn cot eb' soldado, 'ay q'ue eb' 'a yib'n̈ chej yet' 'a yol caruaje to nab'a c'ac', oyn 'och eb' 'a Eliseo cha.

—Man̈ 'ach xiwoc, caw niwn mach 'ayc' quet'oc, 'ec'b'al 'a yib'n̈ eb' 'ayc' yet' eb' cha, xchi Eliseo.

'Ix seb' q'ue wan win schecb' Eliseo 'a sq'uin̈b'ial, ax yic 'ix 'elta, 'ix yilni man̈x jantcoc soldado oyn 'och 'a spatquil jun chon̈b' cha, yet' chej yet' caruaje yic owal; yuj cha, 'ix 'at win 'at yal 'a Eliseo 'ixtic: —'Oltacn̈ mamin, ¿tas 'oj cutc qui b'a? xchi win checb' cha.

Ax eb' sirio cha, a yic wan ya'n lista sb'a eb' yoch 'a owl cha, 'ix leslwi Eliseo 'ixtic: —Mamin Jehová, tzin c'an 'ayach to tzac' somchjoc snab'en eb', sec man̈xtzac cab' stac' yiln eb' tic, xchi. Yuj cha, man̈x 'ic stac' yiln eb' yuj Jehová, 'icha 'ix yutj Eliseo sc'anni.

—¿'Ajtil 'ix 'at q'ue'en? xchi win schecb' Dios cha. 'Ix sch'oxn win 'ajtil 'ix 'at q'ue'en. Xlajw cha, 'ix stzu'n 'elt Eliseo jun te te', 'ix scoln 'ejm jun te 'a yojl a', 'ix q'uel b'achchoc q'uen 'a yib'n̈ a'.

Ax x'aji, a yic wan stzu'w te eb' cha, 'ix 'el socnjoc sch'acb' jun winac, 'ix 'at 'a yol a', yuj cha, 'ix 'el yaw winac, 'ix yaln win 'ixtic: —'Oltacn ach in cuymal, a jun q'uen ch'acb' tic, majn yaj q'uen wu'uj, hierro pax q'ue'en, xchi winac.

—'Ij q'uet q'ue'en, xchi Eliseo 'a winac. 'Ix ya'n 'at win sc'ab', 'ix yi'n q'uet win q'ue'en.