ข้อพระคัมภีร์ยอดนิยมจาก Ef 5

แบ่งปัน

Chane'eja queda'me yataqata ami lec'oqo'tepi joñe'me Dios nataq'aen yataqata ami noqopitalo, qama'le 'noota qom auadenaĝachi joñe'me. Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Chane'eja 'noota qom yataqata auenache'ta nale joga'me jetaque auauoyi, qama'le ena'te auadenaĝachi' gaa'me chiyoĝo's dite gaa'me yatenaĝanaĝayaqa. Nale 'uo ga'me ladic da'me 'uo ga'me a'vichiye, 'noota qom yataqata a'vichiye jena'me 'noota, qa'a jouaqatauelo naa'me noloqo'ote jo'ne yataqata qalache.

Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale. Chane'eja nale ademiya'a't, a'uoñi naa'me nalaco jo'ne yodapecache, uotaĝa namaico jo'ne onaĝayaqa 'me ja 'nalo'te. Nach'e ena'am a'uonaĝañi qama'le yataqata a'nonaĝachiyegui joñe'me Qadejaliaĝanec. Nataq'aen nach'e eta't auañem da'me adamaiqui joñe'me Dios jo'ne mach'e Qadet'a, jouaĝat da'me ademii'teguet joñe'me Qadejaliaĝanec Jesucristo.

Chane'eja ena'te ami chiyoĝo's, dite da'me yataqata anachoĝodeñiyot joñe'me Dios, qaedi ami yaloĝonalo joga'me 'noota ta'le a'vichiye.

Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat

Ga'me ja yateton joñe'me Dios, ena'am ta'le uetaue joga'me 'naltapiye, ja yayaten joga'me ya'uo. Ca'li da'me ami naq'aeta da'me at'oyaĝaqui, qa'a ja auatetoñi ca'li joñe'me Dios. Qalaĝaja nayi male yataqata auatetoñi joñe'me, qama'le ena'am ta'le male ovitaue da'me yoqochiñe. Chane'eja 'noota qom male auadenaĝachi' gaa'me uetedaue da'me yoqochiñe.

Nataq'aen anecochiyapega't nale onolqa'tape da'me ami, yajouaĝat da'me yataqata a'nonaĝachiyegui joñe'me Cristo.

Gaa'me yauo', 'noota ta'le yataqata yoqocha'alo jogaa'me loua', nach'e ena'am ta'le yoqochideta joñe'me Qadejaliaĝanec.

Qalaĝaja da'me dojo' 'naqatac nach'e ena'am yelo'teguet da'me noqopitaĝanaĝana't jogaa'me noua'. Chane'eja joga'me le'em, 'noota qom yataqata noqopita jaga'me loua, ena'am nale noqopitela't, qama'le jaga'me yauo, 'noota qom 'nonaĝachigui joga'me loua, yataqata lecochiya.

Qoyediñe joca'li da'me Dios 'laqatac jo'ne enaac: “Chane'eja joñe'me jiyaĝaua 'uo ga'me nolo' male ca'ae gaa'me let'al, da'me equegue jaga'me en loua, qama'le da'me nejiyaĝauayaĝa'j naa'me naajo' dojolqa male qoyen onolec.”

Ena'te auadenaĝachi' gaa'me 'yetedac ga'me jo'ne uetaue joga'me 'naltapiye, qa'a yataqata qaya'te chiyaqayi, dite da'me aueñi di'yoq ga'me ladi'j qaedi yataqata male yayate'n da'me eja.