ข้อพระคัมภีร์ยอดนิยมจาก Ef 6

แบ่งปัน

Qa'a ja jeloquiaĝaye gaa'me jiyaĝa'u jo'ne ch'e napat nataq'aen p'inaqa, qa'a gaa'me qadaute'u nach'egaua gaa'me payagodipi jo'ne lejaliaqa' di'me p'ajeguem, nach'egaua jo'ne nejaliaĝatelo'te gaa'me 'nonataqa jo'ne chiyoqodaue ga'me 'lalaĝa.

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

A'ueuoĝoñiyot da'me dojo' 'leuoĝonaĝa't joñe'me Dios jo'ne ami yanema, qaedi yataqata adaloi'tagueta yema gaa'me payac letaĝaloĝoco.

Chane'eja, yataqata auañidiñe yemeda gaa'me mach'e qoye'n qat'euoĝonaqa'te, qaedi yataqata a'nañaĝachi qom male ami novitalo gaa'me noloqo'ote jo'ne yataqata ja 'noe'n, qama'le yataqata auaqanachichi ta'le ja anajeñe'tegueta gaa'me adaute'udi'.

Da'me adepi'i joñe'me Dios ena'am ta'le adequepaĝanaĝachi, qaedi auaqanachichi ta'le a'uomaĝachi yema gaa'me payac lechiquenal jo'ne edañguilo. Nataq'aen jetaque da'me adec'alaqai ami de'uolo'te, ena'am ga'me jaĝa'to jo'ne laicaua 'me de'uolegue na'me laqaic ga'me coico le'ec. Nach'e ena'ama daa'me Dios 'laqataqa jo'ne ena'am ta'le daĝanaĝat 'me ami yanema ñe'me Dios Lepaqal, qama'le yataqata noma't na'me adauteua.

'Noota qom nach'e eta't a'nañaĝacheta't, qama'le da'me eja choqoda'me liyamaqataĝanaĝac joñe'me Dios ami netayelo nataq'aen ami netelalo, qa'a naajo' male qoye'n at'euoĝonaqachidi'. Nach'e eta't aniyamaĝacheta't qaedi a'uaĝachetac da'me Dios 'laqataĝanaĝac 'me chiyaqayi da'me 'nemaĝac, qama'le aueñiya'am ga'me coico le'ec jo'ne yaidiñe gaa'me lapela'te da'me niyamaĝateta't.

Ami yaqaya'olqa jo'ne yataqata ademii'teguet joñe'me Cristo, nach'e eta't a'nañaĝachiyeguet da'me 'lañaĝac joñe'me.

Jena'me jenjo' Dios lamaĝajoĝonaĝac enaac: “'Noota qom yataqata a'nonaĝachiyeguilo gaa'me adet'aldi'”, nach'ena jo'ne 'uo ga'me chiyaqayi: “qaedi onaĝaic na'me adadiqui, nataq'aen qaedi jalote da'me anejiyaĝauayaĝaqui da'me anec'aliitalegue jena'me aleua.”

Ami ñoqolqa, 'noota qom yataqata auoqochiiyalo nale gaa'me adet'aldi', jouaĝat da'me ami nataq'aen ovi'tajop joñe'me Cristo, qa'a chimaqachiñe ta'le naq'aeta da'me auauoyi.