Soma Biblia Kila Siku Julai 2021Mfano

Mji wa Yerusalemu ulitekwa mwaka 586 k.K. Usiku kabla habari hiyo haijafikia Babeli alipokuwepo Ezekieli, neno la Mungu tulilolisoma lilimfikia. Ezekieli alipotabiri juu ya Yerusalemu, ujumbe huo haukupokelewa. Sasa taarifa ya kutimia kwa unabii wa Ezekieli inapowafikia Waisraeli wanaoishi huko Babeli, wanaanza kuhimizana kufika kwa Ezekieli ili kumsikiliza. Wanafika kwa wingi – lakini hawayatendi (m.31, 32) maneno anayowapa Nabii. Tuwe wasikiaji na watendaji wa Neno, tukikumbuka Yesu analosema katika Yn 8:31-32, Ninyi mkikaa katika neno langu, mmekuwa wanafunzi wangu kweli kweli; tena mtaifahamu kweli, nayo hiyo kweli itawaweka huru.