Soma Biblia Kila Siku Januari 2021Mfano

Mgawo wa zawadi ya Mungu ni kinyume na wanadamu. Hakuna maendeleo na mafanikio yanayomzidi Kristo. Wokovu wa Mungu unawafikia wote sawa. Matajiri, maskini, wanyonge, wenye ulemavu, watoto kwa wazee, wote wana haki sawa katika wokovu. Hakuna anayebaguliwa wala kupokea wokovu kumzidi mwingine. Kinachotuzuia tusiupokee ni hiki tu kujiona kuwa wenye kitu (m.26, Angalieni mwito wenu, ya kwamba si wengi wenye hekima ya mwilini, si wengi wenye nguvu, si wengi wenye cheo walioitwa). Wito wetu ni kufungua mikono ya mioyo ili kumpokea Kristo kwa imani na kuendelea kuishi atuongozavyo. Soma tena m.30-31,Kwa [Mungu] ninyi mmepata kuwa katika Kristo Yesu, aliyefanywa kwetu hekima itokayo kwa Mungu, na haki, na utakatifu, na ukombozi;kusudi, kama ilivyoandikwa, Yeye aonaye fahari na aone fahari juu ya Bwana.