Soma Biblia Kila Siku Januari 2021Mfano

Twapaswa kuishinda dhambi (Mwa 4:5-7, Kaini akaghadhibika sana, uso wake ukakunjamana.Bwana akamwambia Kaini, Kwa nini una ghadhabu? Na kwa nini uso wako umekunjamana?Kama ukitenda vyema, hutapata kibali? Usipotenda vyema dhambi iko, inakuotea mlangoni, nayo inakutamani wewe, walakini yapasa uishinde). Kukemea dhambi kuanzie pale ulipo. Wakristo wakifanya dhambi kwa makusudi na hawapendi kutubu, wafukuzwe kanisani. Maana wakibaki, hali hii inaharibu na kuangamiza kanisa na jamii. Shabaha ya Pasaka ni kuiondoa dhambi. Kristo ni Pasaka wetu leo. Jitenge na maovu. Hiyo si kuhama, bali ni kutoshiriki maovu ya mdhambi. Pokea nguvu ya Neno la Kristo ili kusimama imara. Uwakemee na kuwaonya wanaoendeleza nguvu ya dhambi katika eneo lako.