Soma Biblia Kila Siku Januari 2021Mfano

Dhambi ipo! Ni lazima ikemewe kwa nguvu zote. Isipokemewa na kuondolewa inadhoofisha ushuhuda na Neno la Mungu. Kukemea si kulipa kisasi, bali ni kuponya. Ni kurudisha wapotevu katika kundi la Kristo. Uzinzi wa aina zote hauvumiliki katika Injili. Mdhambi anapoachwa kama ilivyoelezwa katika m.4-5, inalenga kumwezesha kutubu (Katika jina la Bwana wetu Yesu, ninyi mkiwa mmekusanyika pamoja na roho yangu, pamoja na uweza wa Bwana wetu Yesu;kumtolea Shetani mtu huyo, ili mwili uadhibiwe, ili na roho iokolewe katika siku ya Bwana Yesu). Lakini wengine wakiachwa bila kuonywa hupotea kabisa. Ikemee dhambi bila huruma. Tumia upendo katika kuwarudisha waliopotea.