SOMA BIBLIA KILA SIKU 01/20Mfano

Katika huduma yake, Yohana alitambua kuwa yeye ni mjumbe aliyetangulia tu, maana atakuja mwingine aliye mkuu zaidi. Yesu alipokuja ndiye aliyekamilisha yale aliyoyaeleza Yohana. Yesu alianza kwa kunyenyekea anapokubali kubatizwa na Yohana. Ni tendo la kujitoa wakfu kwa kazi ya kuwakomboa wanadamu. Baada ya Yesu kubatizwa, ubatizo wa Kikristo ulianza ukiashiria mwanzo wa kipindi kipya cha wana wa Mungu. Ubatizo wa Kikristo ni katika jina la Mungu wa Utatu, na pia Yesu alipobatizwa tunaona utatu wa Mungu: Sauti ya Baba inasikika kutoka mbinguni, akimtambulisha Yesu kuwa ni Mwana, na Roho Mtakatifu anakuja juu ya Yesu kwa mfano wa hua.