Soma Biblia Kila Siku 4Mfano

Leo twasoma yaliyoamriwa na Mungu kuhusu Pasaka. Pasaka ya Wana wa Israeli ni kielelezo cha Pasaka ya Wakristo. Jambo la msingi ni damu ya mwana-kondoo. Hiyo damu waliagizwa kuitia katika miimo miwili na katika kizingiti cha juu. Maana ya ile damu iliyotiwa inasomeka katika m.13: Ile damu itakuwa ishara kwenu katika zile nyumba mtakazokuwamo; nami nitakapoiona ile damu, nitapita juu yenu, lisiwapate pigo lo lote likawaharibu, nitakapoipiga nchi ya Misri. Hivyo Waisraeli waliokoa maisha yao. Sisi pia tunayo damu ya namna hii. Damu ya Kristo iliyomwagika Golgotha. Kuitia kwao milangoni ile damu ya mwana-kondoo kulikuwa ni kielelezo kwetu cha kumwamini Yesu na damu yake iliyolipa deni la dhambi zetu!