Mistari Maarufu ya Biblia kutoka Zuwã 10

Shirikisha

Isimisaihuri hã simisaihuri da si, te we 're ne, duré dapãrĩ zô si, duré dahâimanazé te te dawi iprub da si. Tazahã, wa hã pone'ẽrebâ norĩ ma, ihâimanazé te 're anhomri mono da, wa tô wei mo, rowẽ u'âsi 're ihâimana za'ra mono zé hã.

— Wa hã pone'ẽrebâ 'madâ'â'wa ĩwẽ. Pone'ẽrebâ 'madâ'â'wa iwẽ hã te za sisõ, pone'ẽrebâ norĩ zawi te.

Ĩte pone'ẽrebâ norĩ hã ĩmreme te za wapari za'ra. Ta norĩ hã ĩma waihu'u pese za'ra di. Duré te za ĩzarina ai'aba'ré.

Ta norĩ ma, wa za dahâimanazé isi'utõrĩ'õ hã pisutu za'ra. Tahawa niwa idâ'â za'ra da hã, mare di. Ni'wa ĩnhib'rata hawimhã te te ĩwi isani za'ra da hã waihu'u õ di.

Wa hã 'ridawa. Ni'wa hã ĩ'ãma sébré wamhã, tinho'reptuzé te za sina uwaimra. Sébré wamhã, duré apâ watobro wamhã, ro iwẽ hã te za sõpẽtẽ, rowẽ u'âsi 're ihâimana mono zé hã.

Wa hã pone'ẽrebâ 'madâ'â'wa ĩwẽ. Ĩma waihu'u pese di, ĩte pone'ẽrebâ norĩ hã. Tane duré tãma ĩwaihu'u pese za'ra di

Ĩmama, ĩma ipisutu'wa za'ra hã, uburé danhipai u sa'ẽtẽ uptabi di. Ni'wa hã Ĩmama nhib'rata hawimhã te te tiwi isani za'ra da hã waihu'u õ di. Wa norĩ hã Ĩmama me hã, misi wa 're wahâimana.

Ĩmama hã te te ĩwaihu'u pese ne, duré Ĩmama hã ĩma iwaihu'u pese ne. Tahawa, ĩte pone'ẽrebâ norĩ da hã ĩsisawi ãna wa za ĩsisõ.

Ni'wa hã ĩhâimanazé te te ĩwi iwazere da hã, mare di. Tazahã, ĩsi'uihâ na wa za ĩsisõ, te ĩsima iwẽzéb zarina. Ĩnhimiroti pire hã te ĩma tihâiba, ĩsisõmrizéb da hã, duré apâ te ĩsima i'âri da hã. Tô ã hã ma tô Ĩmama hã ĩma ti'ru, te 'manharĩ da.

Tawamhã Zezusi hã te duré sina tinha, ãne: — Tô sena wa za aima ĩsiwasu'u za'ra wa'wa, ãne: Wa hã 'ridawa, pone'ẽrebâ 're isisisi mono zé.

Romhuri'wa hã rob'uiprazém na tipawa'âbâ zô si te te 're romhuri. Tahawa ta hã, pone'ẽrebâ 'madâ'â'wai õ di. Duré pone'ẽrebâ norĩ hã itei õ di. Tahawa, abaze zahi hã sô imorĩ za'ra na te te 'madâ'â wamhã, te za tãma rẽme za'ra. Te za tãma wara. Tawamhã abaze zahi hã te za wano'õ. Te za duré ãma ropé.

Tawamhã Zezusi hã te duré rowahutu, ãne: — Tô sena wa za aima rowasu'u za'ra wa'wa, ãne: Ni'wa hã pone'ẽrebâ norĩ wa'ra 're, 're isimasa mono zéb u 'ridawa na za isébré õ hã, wa'ra na si za isarõno hã, ta hã isimisaihuri, duré danhibrob zô dapãrĩ'wa.