Mistari Maarufu ya Biblia kutoka यूहन्‍ना 10

Shirikisha

चोर किणी और कांम रै सारू कोनीं पण कैवल चोरी करणै अर घात करणै अर नास करणै आवै है। म्हैं इण वास्तै आयौ की वे जीवन पावै, बल्कि पूरण जीवन पावै।

“बड़िया गवाळौ म्हैं हूं। बड़िया गवाळौ आपरी लरड़ियां रै खातर खुद रौ जीव दे दैवै।

म्हारी लरड़ियां म्हारौ हेलौ सुणै है, अर म्हैं वांनै ओळखूं, अर वे म्हारै लारै वहीर व्‍है जावै।

म्हैं वांनै अनत जीवन देवूं हूं, अर वे कदैई नीं मरेला। वांनै म्हारै हाथ ऊं कदैई कोई नीं खोस सकै।

फाटक म्हैं हूं। जे कोई म्हारी तरफ ऊं फाटक मांय परवेस करै, तो बचायो जावैला, अर मांय बारै आवतौ जावतौ रैवैला अर चारौ चरतौ रैला।

“बड़िया गवाळौ म्हैं हूं। म्हैं म्हारी लरड़ियां नै ओळखूं हूं, अर म्हारी लरड़ियां म्हनै ओळखे है।

क्यूंकै म्हारा पिता, वांनै म्हनै सूपिया है, अर वे सैंगा ऊं मोटा सामरथी है, इण वास्तै वांनै कोई पिता रै हाथ ऊं खोस नीं सकै। म्हैं अर म्हारा पिता एक हां।”

ज्यूं पिता म्हनै ओळखे, अर म्हैं पिता नै ओळखूं। अर म्हारी लरड़ियां रै वास्तै म्हारौ जीव देवूं हूं।

म्हैं म्हारी मरजी ऊं प्रांण देवूं कोई म्हारै खनै ऊं खोसे कोनीं। क्यूंकै म्हनै म्हारी इछा मुजब प्रांण देवणा रौ अर पाछा लेवणा रौ हक है। ओ हक म्हारै पिता परमेसर ऊं म्हनै मिळियौ है।”

तो यीसु उणौ नै वळै कयौ, “म्हैं थांनै साची-साची कहूं, की लरड़ियां रौ फाटक म्हैं इज हूं।

मजूर जिकौ नीं तो गवाळौ है अर नीं लरड़ियां रौ मालिक है, वो सियाळियां नै आवता देखनै लरड़ियां नै छोड़नै दौड़ जावै है, अर सियाळियां लरड़ियां नै पकड़े अर तितर-बितर कर दैवै है।

उणरै पछै यीसु कयौ, “म्हैं थांनै साची-साची बात कहूं, की जे कोई फाटक ऊं लरड़ियां रै बाड़ा मांय नीं वड़ै अर बाड़ कूदनै आवै तो वो चोर या डाकू है।