Mistari Maarufu ya Biblia kutoka ማቶስ 7

Shirikisha

“ምክስከቴ የካንታ እምምተሬ፥ ዝከቴ የታ Ꮊፍተረቴ፥ ፍልተን ቆንከቴ የካንታ ፎችምተሬ።

ምግዝድባብ ሙደና ተይተሬ፥ ዝግድባብ Ꮊፍተሬ፥ ፍልተንመረ ቆንግድባብካንታ ፎችምተሬ።

“ኮም እስታ ቃለንም ኤሰርሶ ፍክስዘን Ꮊቅዝድባብ ሙደና፥ ይንታ ኤሄንም ሰይን ላዝንዘን ዎጅባብ ኤችንም ካምዴ።

ይና ኤድንከስ የካንታ ይድንግንዳ የ ዝግድንደትም ሙዳ፥ የተረ ከትካንታ ኮትግንዳ ይከቴ፥ ሙሴታ ህግኬ ሳብዘንካ ኤስርሶ ከዘቅባብከስታ ኤስስነረ ኮትኮመተ።

ኦስ ዶቅንተናር አርጅድን ፍልተና ማቼ ጩንጭሜ፥ ጎግነረ ሉጋ ጎግንግንዴ፥ ኮትም Ꮊብድባብከሰረ ቶክም ኤድንከሰኬ።

ጩንጭማ ፍልተንካ አርድከቴ፥ ካይንተናር አርጅድንዳ ፍልተና ዳልጌ፥ ጎግነረ ኮታ ሳክምዬ። ኮትካ አይድባብ ኤድና በድንከሰኬ።

ይና የታ ዳቅል ማትሶ ዶቅድ፥ የንታ ይንችንካንታ ኡርማ ሪም እምንተን የ ኤሳንካ ይና፥ ጭላር ዶቅድባብ የንታ ባበና ምግዝድባብከስካንታ Ꮊስግንዳ ስክስሶ ኡርማ ርን እማይንዳ?”

ኮታዘከረ የሱስ፥ “የዘን ፋረድምተራክንግንዳ፥ Ꮊየንታ ዘነረ Ꮊይ ፋረደቴ። አብንከዘን የ ፍርድን ፍርደና፥ የንታዘን ፋርድምዴ፥ ኮትኮግንደረ የ ማግድንደትካ ማስትዮ የካንታ ማክምዴ”።

ኮም እስታ ቃለንም ኤሰርሶ ፍክስዘን Ꮊቅዝዳክባብ ማቼ፥ ኤሄንም ሸምዘን ዎጅባብ ዳቻ ኤችንም ካምዴ።

የስታ አፋር ዶቅድንደተም ቱስን ሰዳከይ ዶቆ Ꮊረተስ የስታ እስመንታ አፍናር ዶቅድን ዳቅልን ሰዳ? ጉጅሶ የስታ አፍናር ቱስ ከከና ዶቅድንካ የስታ እስመንም “ይና ‘የስታ አፍናር ዶቅድን ዳቅልን ዉችትቴ’ Ꮊስግንደስ ጋይዳ?

“ቆልታ ጉፍተም ቆበርሶ የንደር Ꮊድባብከዘንካ፥ ኬታ ዋርጎክንዳ ማቼ ቆልንም የድን ጋርመንከስግንዳ ማችባብከስ ካርከካ ሳብዘንካ ኤሰራከክዶቆ ከዝድባብከዘንካ ካርስምከቴ። ከትመረ የ ኤዝድንዳ ከታ ፍክስንታ አፍንኬ። ኡክምታ እክመዘንካ ዎይንታ አፍ፥ ኦንደዘንካ በለስታ አፍን ካምምዶ?

ኮግንደረ ኡርማ Ꮊቃ ሙደና ኡርማ አፍ ኡዝዴ፥ ዳቅል Ꮊቃ ማቼ ዳቅል አፍ ኡዝዴ።

ኡርማ Ꮊቀና ዳቅል አፍ ኡስካንታ ማታዬ ዳቅል Ꮊቀነረ ኡርማ አፍ ኡስካንታ ማታዬ።

ኡርማ አፍ ኡዝዳክን Ꮊቃ ሙደና፥ ፋክምሶ ኖሀር ኦይትምዴ።