Mistari Maarufu ya Biblia kutoka JAN 10

Shirikisha

Lókhɛ́n kasé sídowo ebhá, mɛ́n ékɛ áli sídosí, lephan wɛ́n, le áyí lɔ hɛ́nthé nɔn anmá. Lókhɛ́n mɛn-ɛ mɛn ma, ochɛ́sé ńgbankhran obhá mɛpɔ́, ló wo gɛ mɛpɔ́bhá othúbhɔ.

Mɛn nɔn mɛn ni gbankhran-bówo bhwá. Lephan ali gbankhran-bówo bhwá, anmó mɛ́n mɛpɔ́bhá sé mɛ́n gbankhran.

Mɛn gbankhran yé mɛn tɔ́. Mɛn yɛn wo, ló wo gɛ mɛn thá.

Mɛn se wo ńmɛpɔ́bhá álephú, wo bha le khú bhrɔ́ɔ́, ló álepɛ lephan ábha ló mɛn mɔ́n mɛn khwɛ́n wo yɛn.

Mɛn nɔn mɛn ni ákhúmɛ́n, kasé lephan ɛkhɔ mɛn phɔ ka kɔ mɛn, wo bhá swa hɛ. Hɛ lephan lókɔn ɛ́bha ká khúthé, ɛ́bha chán khúthé thándi, ló ɛ́bha gɛ hɛ nɛnlí.

Mɛn nɔn mɛn ni gbankhran-bówo bhwá. Lósi yábhɛ brɛ mɛn Nthe khɔ yɛn mɛn, lókhɛ́n mɛn lɔ mɛn yɛn mɛn Nthe, lósi yábhɛ brɛ nɔn mɛn khɔ yɛn mɛn gbankhran, ló mɛn gbankhran lɔ yɛn mɛn. Ló mɛn pɔ salé mɛn mó mɛn mɛpɔ́bhá sé mɛn gbankhran.

Mɛn Nthe yí ase mɛn, ábanbrɛn áyí khúnbrɛn, ló álepɛ lephan ábha ló mɛn Nthe mɔ́n mɛn bhó yíbɛn yɛn. Mɛn le Nthe ɔ́nmɔn oli lephan brɛ.

Mɛn nɔn mɛn ni gbankhran-bówo bhwá. Lósi yábhɛ brɛ mɛn Nthe khɔ yɛn mɛn, lókhɛ́n mɛn lɔ mɛn yɛn mɛn Nthe, lósi yábhɛ brɛ nɔn mɛn khɔ yɛn mɛn gbankhran, ló mɛn gbankhran lɔ yɛn mɛn. Ló mɛn pɔ salé mɛn mó mɛn mɛpɔ́bhá sé mɛn gbankhran.

Álepɛ lephan ábha gɛ bhó mɛn mɛpɔ́bhá yɛn. Mɛɛ́n nbrɛn thɛ́npɔ́ hrómɛn nɔn mɛn mó mɛn mɛpɔ́bhá sé néphan. Mɛn gɛ mɔ́nsi mɛn mó mɛn mɛpɔ́bhá sé néphan, ló saji mɛn gɛ mɔ́nsi mɛn mó yɛn. Mɛn Nthe yí achɛ mɛn lée mɛn tɛ́, lónɔn ali lókɔn.

Ló Jezwi cu étɔlé: – Mímí mɛɛ́n kranmán hɔ́n: ńgbankhran kɔ lókɔn wo ditre, mɛn nɔn mɛn ni lókhúmɛ́n.

Júmánwo aleli gbankhran-bówo, lókhɛ́n ńgbankhran le li mɛ́n ékɛ, lóka ńwu phópho ebhá, anyɔ́ ńgbankhran khwá wá féne, phópho wáká wo hromɛn, ló ánchranmán nkɔn lé.

– Mímí mɛɛ́n kranmán hɔ́n: lephan khɛ́n abha lé khɔ́ ákhúmɛ́n ká ńgbankhran kɔ mɛn, lókhɛ́n ábha khɔ́ si nankhɛ káne, lephan lókɔn ńni sídowo le khokhroháwo.