Mistari Maarufu ya Biblia kutoka मत्ती 7

Shirikisha

“मुँगलै ता तुसाबै देणा; तोपलै ता तुसाबै मिलणा होर खटखटालै, ता तुसरी तैंईंयैं दुआर खोलिणा।

किबैकि ज़ुण मुँगा सा तेइबै देआ सी, ज़ुण तोपा सा तेइबै मिला सा होर ज़ुण खटखटा सा तेइरी तैंईंयैं दुआर खोलिया सा।”

“ज़ुण कोई मेरी गैला बै शुणा सा होर मैना सा सौ तेई समझ़दार मांहणु सांही सा ज़ुणियै आपणा घौर पक्की ज़ैगा पैंधै बणाऊ।

ज़ैण्ढा बर्ताव तुसै होरी न च़ाहा सी तुसै भी तिन्हां सैंघै तैण्ढाऐ बर्ताव केरा। मूसै रा बिधान होर भविष्यवाणी केरनु आल़ा भी ऐण्ढी शिक्षा देआ सा।”

सौंगड़ा सा सौ दुआर होर मश्किल सा सौ बौत ज़ो हमेशा री ज़िन्दगी देआ सा होर थोड़ै सी ज़ो तेसा बै पा सी।”

“सौंगड़ै दुआरै हागै ज़ाणै री कोशिश केरा किबैकि चौऊड़ा सा सौ दुआर होर सान सा सौ बौत ज़ो विनाशा धिरै बै नेआ सा; बोहू सी ज़ो तेई दुआरै हागै ज़ा सी।

ज़ैबै तुसै बुरै होईया आपणै शोहरू बै शोभली चीज़ा देणा ज़ाणा सी ता तुसरै स्वर्गीय बापू तुसाबै शोभली चीज़ा किबै नी देणी?

“दोष मता लादैं, ताकि तुसा पैंधै भी दोष नी लागा लोड़ी। किबैकि ज़ैण्ढा तुसै होरी पैंधै दोष ला सी, तैण्ढाऐ तुसा पैंधै भी दोष लागणा। होर ज़ुणी नापै तुसै नापा सी तेही नापा सैंघै तुसरी तैंईंयैं भी नापिणा।

पर ज़ुण मेरी गैला बै शुणा सा पर तिन्हां पैंधै नी च़लदा सौ तेई मूर्ख मांहणु सांही सा ज़ुणियै आपणा घौर बालू पैंधै बणाऊ।

“तू आपणै भाई री औछ़ी रै आल्है सांही होछ़ी गलती बै हेरा सा ज़ैबैकि तौ न आपणी औछ़ी रै लक्ड़ा सांही बड़ी गलती नी हेरिदी। ज़ैबै तेरी आपणी औछ़ी न लक्ड़ा सांही बड़ी गलती नी हेरिदी ता तू आपणै भाई बै कैण्ढै बोली सका सा कि एज़ ‘हांऊँ तेरी औछ़ी रै आल्है बै खोलनू?’

“झ़ूठी भविष्यवाणी केरनु आल़ै न होशियार रौहात्, ज़ो भेड़ै रै रूपा न तुसा हागै एज़ा सी, पर आँध्रै न ते खाँणु आल़ै भेड़ियै सी। तिन्हरै कोमा न तुसा ते पछ़ियाणनै। कि लोका झ़ौकड़ा न अँगूर होर ज़िढ़ी झ़ौकड़ा न फेगड़ै चोड़ा सी?

ठीक तैण्ढी तैरहा हर एक शोभलै बूटै न शोभलै फ़ौल़ लागा सी होर माड़ै बूटै न बुरै फ़ौल़ लागा सी।

शोभलै बूटै न बुरै फ़ौल़ नी लागी सकदै होर माड़ै बूटै न शोभलै फ़ौल़ नी लागी सकदै।

ज़ुणी बूटै न शोभलै फ़ौल़ नी लागदै तेइबै काटा सी होर औगी न फुका सी, तैण्ढाऐ झ़ूठी भविष्यवाणी केरनु आल़ै बै सज़ा मिलणी।