Populära bibelverser från Abaroma 12

Dela

Ne murakwisibwa khukhufwana khweshialo shino ta; ne mbu mukalukhasibwe khulwa emioyo emiyia echia muheebwa, mbu mukateeme nimukamanyila elala aka Nyasaye yeenya, niko akali amalayi, akachamisinjia, akali amalamba habwene.

Niko akachila, baana beefwe, nimusaaya khulwa tsimbabasi tsiaNyasaye mbu mwihaane emibili chieenywe chibe omusango okuli mwoyo, omutakatifu, okwa Nyasaye anyala okhuchama; shichila nibwo obukhalabani bweenywe obweshiroho.

mubunaayi bweenywe musangaalenje; mwisimilisie mumasila; mulumililenje mukhusaaya

Orahulwa nobubii ta, nebutswa ohulenje obubii nende obulayi.

Mukhuheela abaana beefwe, muheelanenje abeene nabeene; mumakhuwa koluyali, buli mundu yeemisie owashie

Obuheeli bube bwobwatieeli. Sile amabii; muhande khumalayi.

Nikaba nikanyalikha, halubeka Iweenywe mumenyenje nomulembe nabandu bosi.

Abaheelwa banje, mureemalilanga abeene eshikwoli ta, ne muheelesie Oburima obwo obwiyangu; shichila kahandiikwa kari Omwami yasunga mbu Okhumala eshikwoli nokhwanje, nasi ndilirunga.

mukeshinani, muratofuhala tawe; mube nobulumilifu muroho tsieenywe; kholelenje Omwami shinga abasumbabe

Shichila khulwa obukoosia obwa ndaheebwa emboolela buli mundu yesi mwinywe mbu aleshe okhupaaranga akokhwichinjimisia; ne mbu apaarenje noburechelefu, shinga Nyasaye olwa yakabila buli mundu inengo yobusuubili.

Muramurunga omundu yesi obubii khulwa obubii ta. Yitsulilenje akachamwa nabandu bosi.

Mufuchilisaninjie abeene nabeene. Mureechinjimisia ta, ne muwinjanenje nende abamanani. Muleshe okhwipaara shinga olwa muli abachesi.

Ne omusukuwo naba nali inzala, omuhe eshiokhulia; naba nali nobuloho, omuhe eshiokhunywa; shichila olwa okhola orio, omubumba amaanda komulilo khumurwekwe.

Mubasabile ikhabi abamusandia; sabe ikhabi, nimuralaka ebilaka munwa ta. Mwikhoyelenje halala nende abo abeekhoya; mulililenje halala nende abo abalila amasika.

musanjilanenje nende abatakatifu mubutambi bwabwe; mubeetsenje abaangu okhwinjisia abacheni.

Okhuba shinga olwa khuli nebiungo ebinji mumubili mulala, ne ebiungo ebio biosi shibikholanga omulimo mulala ta, neefu fwesi khurio, kata olwa khuli abanji, khuli omubili mulala muKristo, nikhuli ebiungo, buli mundu khuwashie.