Populära bibelverser från Abaroma 11

Dela

Okhuba amakhuwa kosi karula khuye, nikeetsa khululwe, nikachooma khuye. Ye aheebwe oluyali obushia nobushia. Amina.

Bayaye, obwiyinikhu bwobuyinda bwobuchesi nende obumanyi bwaNyasaye nobwamakana! Obukhalachibwe shibunyoolekha kata tsinjilatsie okhumanyikha tawe.

Okhuba niwina owamanya amayililisio kOmwami? Niwina owali omuchesiyiiwe?

Kho nolwa kali kario khushise shino, mbu kuliho omusikalo okwalobolwa khulwa obukoosia. Ne nikaba nikali akobukoosia, kho shikali akebikhole ta; nebutswa obukoosia shibuba obukoosia khandi tawe.

Ne amasaka kandi nikaba nikafunakwa, nawe omutseituni omunabulimo niwoongasibwamwo hakari wako, niwasanga ninako khubunulu bweshisina shiomutseituni; oreetsiala mumasaka ako ta; mbula, noba niwitsiala, shioli iwe ouchinga eshisina ta, ne eshisina shikhuchinga iwe.