Populära bibelverser från aMatiyu 5

Dela

A te kuro̱ng na apitila, ne a bun a whe̱e̱n baꞌ. A sak na agarang nong koangan a tana no̱ ta di akanang'e. Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

“Yin ne i nye yin akanang kazatse, kuwo̱p kuya a tá no̱k na agarang ku ta buruk baꞌ.

Áner riye̱ rikan ne á nye aner aya aye̱ ba ta se zhe̱l, kamok ba ne a tà di Adakunom.

Áner riye̱ rikan ne á nye aner aya a ta be ifeng ne á shim kunye ike̱re̱ iya i ta se gye̱r nasho̱o̱n Adakunom, Adakunom tu ku no̱o̱k ba ike̱re̱ ife ba tà shim'e.

Amma mi fe̱ be yin kyo̱o̱rna'me ye: Shim yin ámudo̱n yin, ne nye yin áfe á ta ka tabak yin aduwa.

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

Áner riye̱ rikan ne á nye aner aya a ta shim kugung rice, kamok a tù ku yis ba ye inoon Adakunom.

Áner riye̱ rikan ne á nye aner aya a ta se kaye̱e̱r riye̱ riwe, kamok Adakunom tù ku tsesek ba.

Áner riye̱ rikan ne á nye aner aya a tu ku tabak ba kamok ba nye ike̱re̱ iya i ta se gye̱r nasho̱o̱n Adakunom, rigwo̱m kaza nye rifu ba.

Áner riye̱ rikan ne á nye aner aya a ta be kuro̱ riye̱ kamok Adakunom tà ro̱ riye̱ ba gip.

“Áner riye̱ rikan ne á nye áner aya ánerawe ta ka kas yin, ne á ka no̱o̱k yin risam, ne á ti bo̱s abo̱o̱s natoon yin, kamok mi. Nye yin adide̱ngde̱ng be riye̱ rikan kamok agbang ishorong yin se naza, kamok anong ne á tabak áner kuzarap aya a tá be̱s nasho̱o̱n yin.

Áner riye̱ rikan ne á nye aner aya a ta mees rice ba, kamok ba ne á tà ya kazatse.

“Yin ne i nye yin ito̱k kazatse. Ke ito̱k kam be kurereng wu, a ta nye ne ane̱ nong i ta bun i rereng e̱? A ta bin nye ike̱ng ikak baꞌ, ma ke a ta nyosong, ne ánerawe she̱sh.

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

Ike̱ng iya yin tana fe̱ yin tsek nye, ‘Ei’ ka ‘Wayo’ ayi. Koakye i ta bun i nar anong ne nufe Amaan aner.

“Yin fok yin a tá fe̱ ye, ‘Rinyisi natoon rinyisi, rinyi natoon rinyi.’ Amma ike̱ng iya mi ta fe̱ be yin kyo̱o̱rna se ye, Sang tu rayin aner aya a tá ka nye yin anyas baꞌ. Ke aner akak ta rus nufok kukak, ne wan ku kirik kufe afa.

Ke rinyisi abas kubo̱k riya wan tà sak nong tà nye rine̱n, tun nong ta barak! I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng. Ke kubo̱k riya wan tà sak wan tà nye rine̱n, tun nong ta barak. I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng.