Solid Joys ShqipShembull

Arsyeja pse i dorëzohesh mëkatit seksual

Bëj që të ndiej gëzim dhe ngazëllim; bëj që kockat që ke thyer të kremtojnë... Kthemë gëzimin e shpëtimit dhe përkrahmë me frymë dashamirësie. (Psalmi 51:8, 12)

Pse nuk përgjërohet Davidi për kufizim seksual? Përse nuk lutet ai që burra të tjerë t’i kërkojnë llogari? Përse nuk lutet për mbrojtjen e syve dhe për mendime pa natyrë seksuale? Në këtë psalm rrëfimi dhe pendimi, të shkruar pasi Davidi e kishte përdhunuar realisht Bathshebën, presim që ai ta kërkojë një gjë të tillë.

Arsyeja është që ai e di se mëkati seksual është një simptomë dhe jo vetë sëmundja.

Njerëzit i dorëzohen mëkatit seksual, për shkak se nuk e kanë plotësinë e gëzimit dhe ngazëllimit në Krishtin. Shpirti i tyre nuk është i qëndrueshëm, as i vendosur dhe as i themeluar. Ata lëkunden. Ata joshen dhe dorëzohen, për shkak se Perëndia nuk e ka vendin suprem, që duhet të ketë, në mendimet dhe ndjenjat e tyre.

Davidi e dinte këtë gjë për veten e tij. Kjo është e vërtetë edhe për ne. Përmes mënyrës se si lutet, Davidi po na tregon se cila është nevoja reale për ata që mëkatojnë seksualisht: Perëndia! Gëzimi në Perëndinë.

Kjo është urtësi e thellë për ne.