Ardhja: Udhëtimi drejt KrishtlindjesShembull

Fillimet e Përulura

Betlehemi ishte një qytet i vogël, i parëndësishëm në krahasim me qytetet më të mëdha të zonës. Në Parafrazën e Mesazhit të Mikeas 5:2, Betlehemi referohet si "më i vogli ndër mijëra vende". Pse do të zgjidhte Zoti të vinte në tokë në një vend kaq të parëndësishëm? A duket si një vendlindje e denjë për Mbretin e Mbretërve?

Çështja është, se Zoti kurrë nuk ka qenë i interesuar në përkufizimin e botës për madhështinë. Pasuria, fama, popullariteti, fuqia—asnjëra nga këto nuk është e rëndësishme për Zotin. Pali u tha Korintasve, "Perëndia zgjodhi gjërat e marra të botës për të turpëruar të mençurit; Perëndia zgjodhi gjërat e dobëta të botës për të turpëruar të fortët.” Ajo që mund të bëjë Ai në jetën e dikujt nuk është e kufizuar nga statusi i tyre tokësor. Nëse Betlehemi ishte "më i vogli ndër mijëra vende", sa më shumë lavdi do të merrte Zoti duke vendosur jetën e Birit të Tij atje? Aty ku filloi udhëtimi i Jezusit, nuk përcakton se çfarë mund të arrinte për Mbretërinë. A nuk është e njëjta gjë edhe me ne?

Lutje: At, faleminderit që nuk lejove që pikat më të ulëta të jetës sime të kufizojnë potencialin tim. Faleminderit që i dhe qëllim hyjnor dikujt po aq të papërsosur sa unë. Unë të lavdëroj për fuqinë tënde të mahnitshme që më mban në momente dobësie. Unë e di se pa marrë parasysh se ku kam filluar, Ti do të më çosh atje ku Ti do që unë të shkoj. Faleminderit, Jezus, që më tregove që gjërat e mrekullueshme fillojnë në vende të përulura.

Shkarko imazhin e sotëm këtu .