Ardhja: Udhëtimi drejt KrishtlindjesShembull

“Sar Shalom” (Princi i Paqes)

Nëpërmjet profetit Isaia, Zoti zbuloi se do të lindte një fëmijë i cili do të quhej Princ i Paqes. Në hebraisht, fjala "Princ" ("sar") tregon një udhëheqës ose kapiten, dhe fjala "paqe" ("shalom") do të thotë "plotësi". Kur Jezusi erdhi në tokë, ai erdhi për të udhëhequr një botë të thyer në një vend ku ne mund të shërohemi përsëri. Ai erdhi për të na bashkuar me Perëndinë, duke e mbushur boshllëkun e krijuar nga mëkati ynë. Jezusi erdhi për të qetësuar ankthet tona dhe për të na dhënë një mendje të shëndoshë. Paqja që solli në botë për Krishtlindje, na lejon të jemi të kënaqur dhe të prehemi tek Ai, pavarësisht se çfarë kaosi na rrethon.

Me çfarëdo që të jesh duke u përballur këtë sezon—sëmundje, një marrëdhënie e shkatërruar, depresion ose vetmi—lejo që paqja e Jezusit të të ngushëllojë aty ku je. Nuk ke pse të përfundosh deri në fund të mundimit tënd për të përjetuar plotësinë. Jezusi dëshiron ta qetësojë shpirtin tënd me dashurinë e Tij dhe të përsosë besimin tënd tek Ai. Ti mund ta largosh këtë stuhi duke ia besuar plotësisht Atij.

Lutje: Jezus, faleminderit që erdhe për të më sjellë paqe. Unë e pranoj sot që mund të pushoj në Ty, pa marrë parasysh se çfarë po përjetoj. Kurdo që frika ose rëndesa të kërcënojnë paqen time, më ndihmo të vrapoj drejt sigurisë tek Ti. Drejtoje shpirtin tim në plotësinë që është në dispozicion tek Ti.

Shkarko imazhin e sotëm këtu.