Nga kjo ditë e tutje i Craig & Amy GroeschelShembull

“Kënaquni”





Të jesh i fejuar mund të jetë kënaqësi e madhe. Kjo kohë është e mbushur me pritje dhe emocione, megjithatë është veçse një kornizë e vogël e kohës në kontekstin e një jete të tërë të kaluar bashkë. Si mund të mbartni kënaqësinë e kohës së njohjes, të fejesës dhe të muajit të mjaltit në vitet e shumta të martesës? Si mund të gjeni kënaqësi kur përballeni me vështirësi financiare, probleme me fëmijët apo thjesht me ndryshimet normale të jetës? A duhet të vazhdosh të ndjekësh partnerin tënd edhe pasi tashmë e ke “kapur” atë?





PO! Ti duhet ta bësh kënaqësinë një prioritet. Mund të duket si një luks që nuk e përballon dot, por realiteti është, kjo është një pjesë e nevojshme për të pasur një martesë që ecën gjatë. Kënaqësia është një kërkesë. Dhe ti mund TË ZGJEDHËSH të kënaqesh me partnerin tënd.





Po kur martesa e dikujt tjetër duket më e kënaqshme se tuaja? Po nëse ajo vajza në bankë qesh me shakatë e tua? Po nëse ai djali në zyrë duket sikur ka gjithnjë plane më të mira për fundjavën? Nëse bari duket më i gjelbër diku tjetër — ujit oborrin tënd! Ji i qëllimtë për afrimitetin dhe lidhjen e ngushtë. Punoni për t'u kthyer te të qenët miq të ngushtë: qeshni bashkë, luani bashkë, shkoni te njëri-tjetri për rehati dhe gëzim. Mund të mos duket kënaqësi të caktoni kohë për kënaqësi, por kjo mund të jetë ku duhet të filloni. Dhe kjo marrëdhënie është ajo që dëshironi në fund të fundit, apo jo?





Le të lutemi bashkë: Atë, ne pendohemi për gjërat që kemi lejuar të mbingarkojnë kohën tonë me njëri-tjetrin. Na ndihmo të gjejmë kohë për t'u ulur si çift. Na jep urtësi dhe krijueshmëri për të gjetur mënyra që na gëzojnë së bashku. Në Emrin e Jezusit, amen.