Kha vha Tshile Vhutshilo ho Ḓalaho Ndivho!Sample

Kha vha shumele Vhaṅwe

Ṱhalutshedzo ya u shumela ndi u sokou vha hone u itela u fhindula ṱhoḓea ya muṅwe muthu. Phindulo yeneyo i nga ṱoḓa tshifhinga tshashu, vhukoni, zwishumiswa na vhuḓidini hashu; fhedzi u shumela nga ṅwambo wa u funa Mudzimu na vhaṅwe zwi nga vha zwiṅwe zwa zwithu zwi takadzaho na zwi vhuyedzaho vhukuma.

“Muṅwe na muṅwe a tonde vhaṅwe nga yeneyo mpho ye Mudzimu a mu ṋea, sa vhakovhi vha fulufhedzeaho vha vhuthu ha Mudzimu ha tshakha-tshakha” 1 Pitrosi 4:10

“Vhakhethwa vha Mudzimu vha tshi shaya ni vha kovhele zwine na vha nazwo, ni takalele vhaeni.” Vharoma 12:13

U fhindula ṱhoḓea dza vhaṅwe zwi nga ḓa nga nḓila nnzhi nahone zwi nga livha kha ṱhoḓea dza Vhakhriste na vha sa tendi u fana. Tshifhinga tshoṱhe hu na zwikhala zwa u shuma kerekeni yapo, nga vhoṱhe kana nga u dzhenela tshigwada. Vha NA tshithu tsha ndeme vhukuma tshine a nga tshi ṋekedza!

Hu dovha ha vha na zwikhala zwine zwa vha hone kha vhukwamani ho leluwaho ha muthu nga muthu na vhathu, kana u sokou sedza ṱhoḓea ya muthu, na u fhindula nga thuso i songo humbelwaho.

Thuso iṅwe na iṅwe ine na i ṋea, hu nga vha tshifhinga, zwishumiswa, vhukoni kana ipfhi ḽi ṱuṱuwedzaho fhedzi, ndi nyito ya u shumela. Fhedzi Mudzimu u dovha a pfhesesa uri ri na vhukoni vhuṱuku kha zwine ra nga zwi ṋekedza, nga zwenezwo u lavhelela uri ri sumbedze vhuḓifhinduleli na vhulavhelesi havhuḓi musi ri tshi ḓiṋekedza.

“Muṅwe na muṅwe nga a bvise nga he a elekanya mbiluni yawe, a tshi tou zwi funa a sa kombetshedzwi; Mudzimu u takalela ane a ṋea nga mbilu tshena.” 2 Vhakorinta 9:7

Lutamo lwa Mudzimu ndi lwa uri ri ṋekedze nga dakalo. Naho nga zwiṅwe zwifhinga zwi tshi konḓa uri vhaṅwe vhashu vha ri hane, ngoho ndi ya uri u ḓiṋekedza lwo kalulaho zwi nga fhedza zwo ri dzhiela u takala na dakalo ḽine Mudzimu a ṱoḓa ri tshi vha naḽo musi ri tshi shumela vhaṅwe.