Laat my groei

Here, in hierdie donker tye bly ek vra: “Hoekom?” Hoekom lyk genietinge en sukses so buite my bereik? Hoekom lyk dit of ander veilige, liefdevolle verhoudings het, maar ek kry seer en ly verliese? Hoekom moet swaar emosies my vreugde steel en my moeg, swak en bang maak? Hoekom moet ek hoegenaamd verwag dat dit beter sal word? Ek het geloof nodig om te glo dat swaarkry die pad van hoop na U toe is.

U Woord belowe dat U sal sorg dat my seer nie verniet is nie. As ek op U vertrou en op U staatmaak, kan ek volhou. U sal my krag, wysheid en deernis vir ander wat swaarkry, vermeerder. Ek sal U beter leer ken soos U u liefde openbaar. Help my om aan U vas te hou tot hoop weer in my hart kom.

Amen.