Hoop

"Vriend, moenie hoop verloor nie."

Maak aanpassings en bring nodige veranderings aan. Maar moet nooit hoop verloor nie (Spreuke 13:12).Wanneer 'n mens hoop verloor, verloor jy jou houvas op die lewe. Met hoop kan jy skep. Met hoop kan jy verby gegrendelde deure kyk om 'n blink toekoms te sien. Hoopvolle mense word nie slawe van hulle omstandighede nie. Om hoopvol te bly beteken nie om in ontkenning te leef nie. Beslis nie. Om hoopvol ten spyte van omstandighede te wees beteken dat jy weet in wie jy glo (2 Timoteus 1:12) — en dat jy daarvan oortuig is dat Hy by magte is om oneindig meer te doen as wat jy ooit kan bid of dink (Efesiërs 3:20).