FCA 365 Өдрийн Чимээгүй ЦагSample

УЛ МӨР ҮЛДЭЭХ НЬ

Дэн Брийтон

Амьд байгаа нь би биш, харин миний дотор амьдардаг Христ юм. Эдүгээ махбоддоо
миний амьдарч байгаа нь намайг хайрлаж, миний төлөө Өөрийгөө өргөсөн
Бурханы Хүүд итгэх итгэлээр амьдарч байгаа хэрэг юм.
- Галат 2:20

Найман настай байхдаа би ахынхаа мотоциклийг унах боломж олдсон юм.Ахдаа би
“том”болсноо харуулахыг хүссэн тул маш хүчтэй ухасхийж,шороон замаар 100 орчим
ярд яваад урд дугуйгаараа нүх рүү орчихов.Би агаарт хөвж буй мэт санагдсан бөгөөд
мотоцикльдоо дарагдан шуудуунд уналаа.Азаар шуудуунд ус байсан ч мотоциклийн яндан
цамцыг минь шатааж нурууг минь түлж орхисон юм. Ах маань намайг маш хурдан аварч,
дахин мотоциклийг нь унаж болохгүй талаар сануулж билээ.Уг нь энэ явдал олон жилийн
өмнө болсон ч гэсэн түлэгдлийн сорви одоо ч бий.
Ул мөр бол сийлбэрлэх, сийлэх, бичих гэсэн утгатай үг бөгөөд энэ нь арилдаггүй.Тэр
мотоциклийн яндан над дээр тэмдэгээ үлдээсэн шиг бид тэмцэлдэж, дасгалжуулах бүртээ
эргэн тойрны хүмүүстээ өөрийн тэмдгийг үлдээдэг. Энэ тэмдэг нь миний хэрхэн ажиллаж
байгаагаас шалтгаалан сөрөг эсвэл эерэг сэтгэгдэл төрүүлдэг.
Дасгалжуулагч эсвэл тамирчны хувиар та ямар тэмдэг үлдээж байна вэ? Хүмүүс
танаас Есүсийг харж байна уу гэдэг маш чухал. Бид Есүстэй хамт алхахдаа Түүнтэй хамт
цовдлогдсон бөгөөд Түүний эргэн ирсэн амьдрал нь биднийг өөрчилдөг. Бид Түүнд итгэж,
биднийг хэрхэн хайрладаг болон бидний төлөө Өөрийгөө зориулсныг ойлговол бидний
амьдрал хэмжээлшгүй ихээр өөрчлөгдөх болно.

1.Тэмцээний талбар дээр та ямар ул мөр үлдээж байна вэ?
2.Та Есүсийг багийнхныхаа амьдралд хэрхэн харуулж чадах вэ?
3.Та Христтэй хамт цовдлогдсон гэдэг нь ямар утгатай вэ?
4.Нэмэлтээр унших: Иохан 12:23-26; Ром 14:7-8; 1Иохан 3:16

Эзэн Есүсээ,намайг хайрлаж, загалмай дээр миний төлөө Өөрийгөө зориулсанд
талархаж байна. Үр дүнд нь би өөртөө үхэж, Тантай амьд байх боломжтой боллоо.
Амен.