Spreuke – eenjaarleesplanSample

In die Hebreeus lui hierdie vers letterlik: “Die seën van Jahwe, dit maak ryk, en Hy vermeerder nie swaarkry daarmee saam nie.” Die NLV vertaal daarom: "Dit is die Here se seën wat rykdom bring. Hy gee nie hartseer daarmee saam nie.” Hy seën sonder swoeg!

Dit maak vir my meer sin as die Afrikaanse vertalings wat die tweede deel van die sin vertaal met: "jou geswoeg laat dit nie meer word nie,” (1983-vertaling) of “moeitevolle arbeid voeg daar niks by nie.” (1933/53-vertaling). Al is die boodskap daarvan ook waar – soos Die Boodskap dit so pragtig vertaal: "Dit kom nie uit onsself nie, maar net van Hom” (DB) – is die boodskap van die teks eerder dat God se seën nie bedoel is om jou swaarkry te vermeerder nie.