Soma Biblia Kila Siku Januari/2022Sample

Akishatoka Yakobo, akaja Esau kujitambulisha mbele ya baba yake. Ndipo Isaka akatambua wazi kwamba amedanganywa. Ilipoonekana Isaka hana uwezo wa kuifuta tena mbaraka wa Yakobo, Esau akasikitika sana! Isaka akikumbuka ule unabii, alitambua kwamba yaliyotendeka ni mapenzi ya Mungu (ling. 25:23, Kabila moja litakuwa hodari kuliko la pili, na mkubwa atamtumikia mdogo). Kwa hiyo aliogopa kubadilisha tena maneno yake. Mwisho akamhurumia Esau na kumpa maneno, ila si mbaraka (m.39-40; tafsiri ya Biblia Habari Njema ni halisi: Makao yako yatakuwa mbali na ardhi yenye rutuba).