OpgestaanSample

Lees: Romeine 8:12-17; Efesiërs 1:17-21

SOAP: Efesiërs 1:17-21

Die opstanding van Christus vernuwe ons gedagtes. Waneer ons in Christus glo, verander Hy ons gedagtes en openbaar Hy voortdurend meer van Homself aan ons. Die wysheid en kennis wat ons het oor sy karakter groei hoe meer ons groei in ons verhouding met Hom. Dit begin die oomblik wanneer ons ons geloof in Hom plaas. 

Om in ons geloof te groei beteken dat ons gedagtes voortdurend vernuwe word deur die Heilige Gees. Soos ons groei in geloof, leer ons meer en meer oor die hoop wat ons in Christus het, wat ons sal ontvang as 'n ewige erfporsie as gevolg van Christus en die krag en sterkte van God.

God se groot krag kan reg deur die skepping en deur die lewens van sy mense gesien word. Die krag wat Hy getoon het toe Hy Christus uit die dood opgewek het, hom in die hemel laat sit het en Hom die krag oor elke mag en gesag gegee het, is ver bo ons begrip. Soos God voortgaan om ons gedagtes te vernuwe en ons meer soos Christus te maak, mag ons dieselfde woorde as Paulus bid, dat Hy ons geestelike wysheid en openbaring in ons groeiende kennis van Hom sal gee. 

Here God, ek staan in ootmoed oor u groot krag. U het Christus uit die dood opgewek en Hom in die hemel laat sit, oor elke mag en gesag. U alleen is waardig vir my lofprysing en my toewyding. Gee my geestelike wysheid en openbaring soos ek groei in my verhouding met U. Amen.