OpgestaanSample

Lees: Matteus 28; 1 Petrus 1:18-21

SOAP: 1 Petrus 1:20-21

Die Israeliete van die antieke tyd moes 'n ongeskonde dier aan God offer om van hulle sondes gereinig te word (Levitikus 4-5). Jesus was die ongeskonde lam wat geoffer is vir die sondes van al God se mense. Omdat Jesus self God is, het sy ewige kwaliteite sy offerande ewig gemaak, en die sonde van al God se mense vir alle tye gedek. 

Terwyl die mense wat voor Christus geleef het ook deur geloof gered is (Hebreërs 11), het ons 'n groot voorreg om na die opstanding van Jesus te leef. Ons kan ons geloof in die lewe, dood en opstanding van Christus plaas. Die glorie van sy belofte en sy verlossing is aan ons bekend gemaak deur God se Woord en deur die getuienis van gelowiges wat voor ons geleef het. 

Ons is in staat om 'n verhouding te hê met Jesus Christus en Hom te ken. Wat 'n wonderlike waarheid, dat selfs as was Christus se werk bekend voor die grondlegging van die wêreld, het ons die voorreg om aan hierdie kant daarvan te leef. Ons kan ons geloof in God plaas, wetende dat die verlossingswerk voltooi is. 

Vader God, ek loof U dat u my toelaat om aan hierdie kant van die opstanding te leef. Dankie dat U Christus gestuur het om die wêreld te verlos en dat U my toegelaat het om Hom te ken. Ek loof U, Jesus, dat U die verlossingswerk voltooi het en dat U my aanvaar het as een van u kinders. Amen.