Рут: Бурханы чөлөөлөгч хайрын түүхЗагвар

Өнөөдрийн судлах эшлэлийн аль нь ч Рут номоос багтаагүй байгааг та гайхсан байх. Энгийн хариулт гэвэл уг ном эцсийн дүндээ Рутын тухай биш юм. Энэ бол Есүсийн тухай юм. Лук 24:27-д Есүс хамт явж буй хүмүүст хандан, Бичээс бүхэлдээ Өөрийнх нь тухай өгүүлсэн болохыг хэлдэг. Иохан 1-р бүлэгт, эхэнд Үг нь Бурхантай хамт байсан бөгөөд бүх зүйл Үгийн төлөө болон Үгээр дамжуулан буй болсон гэжээ. Эдгээр эшлэл дээрх Үг гэдэг нь Есүс Христийг илэрхийлдэг. Иймээс Хуучин Гэрээ бүхэлдээ буюу тэр дундаа Рут номын түүх нь эцсийн дүндээ Есүсийн тухай билээ.

Рут номыг зөвхөн эмэгтэйчүүд судлахад зориулагдаагүй гэдэг нь учиртай. Рут ном эцсийн дүндээ Есүсийн тухай бөгөөд Бичээс нь бүхэлдээ “заахуй, залруулахуйд тустай” юм бол, Бурхан бүх хүмүүс үүнийг судлахыг зорьсон нь лавтай. Тус ном эрэгтэй, эмэгтэй, баян ядуу, арьс өнгө ба шашин хоорондын ялгаа зэрэг нийгмийн бүхий л хэсгийг хамарсан элементүүдийг агуулдаг. Бурханы хайр ба аврал нь жирийн хүмүүсийн амьдралаар илэрхийлэгдсэнийг бид харах болно. Гэвч Бурхан төгс биш, гэм нүгэлт тэдгээр хүмүүсээр дамжуулан Өөрийн хүслийг биелүүлж, хүн төрөлхтөнд авралыг авчрахын тулд ашигладаг билээ.

Бурханы Үгийг судлах нэг шалтгаан гэвэл бид Бурханыг илүү гүн гүнзгийгээр таньж мэдэх явдал юм. Энэ тухай бодоод үзээрэй. Бичвэр бүр “Бурханы амьсгалснаар” буй тул энэ нь бид Түүнийг улам ойроос таньж мэдэх боломжийг олгодог. Өөрийн ивээл, хангамжаар дамжуулан төгс хүслээ хэрэгжүүлэхийн тулд Тэрээр аливааг хэрхэн чиглүүлдгийг хамтдаа анзаарах болно.

Бурханаас ирдэг ивээл, хангамж гэдэг нь биднийг Библи судлахад заримдаа таардаг теологийн нэр томьёоны хэллэг юм. Энэ нь яг юу гэсэн үг вэ гэвэл, Бурхан Өөрийн бүтээлийг, тэр тусмаа Өөрийн хүмүүсээ хэрхэн анхаарч, халамжилж байгааг хэлдэг. Бидний Бурхан аливаа тохиолдол, нөхцөл байдлаас үл шалтгаалан Өөрийн хүмүүстээ хүрч нөлөөлөх чадвартай учраас бид ч мөн ажил, үйлчлэл, харилцаа, гэрлэлт, эцэг эх байх тал дээр болон амьдралынхаа бусад бүхий л талбарт Түүний ивээл, хангамжийн мутарт итгэлтэй байж болно.

Христитгэлт дуучин Твила Парис “Бурхан захирдаг” дуугаа гаргасан. Хоёр дах бадгийн эхний хоёр мөрөнд Рут номд юу болдгийг төгс дүрсэлсэн байдаг: “Бурхан захирдаг. Тэр хүүхдүүдээ хаяж орхихгүй гэдэгт бид итгэж байна." Бурхан Өөрийн хүүхдүүдээ орхихгүй. Тэдэнд өвдөж, зовох үеийг туулж болох хэдий ч Тэр тэднийг орхихгүй. Рут номын гол санаануудын нэг бол Бурханы хамгийн дээд эрх мэдэл билээ.

Рутын түүхээс Библийн туршид Бурхан Өөрийнхөө хүмүүстэй хэрхэн ажиллаж, харилцдагийг харах боломжийг олгодог бөгөөд ингэснээр бидний амьдралд Түүнийг манай-д үүнтэй төстэй зүйл хийж байгааг нь ойлгож, итгэх боломжтой юм. Таагүй зүйлс заримдаа тохиолдох нь бий. Гэхдээ Бурхан тэдгээр үйл явдлаар дамжуулж бидний сайн сайхан, Өөрийн алдрын төлөөх хүслээрээ хэрэгжүүлэхээр төлөвлөсөн гэдэгт бид итгэж болно.

Рут ном бидэнд Бурханы хайр дүүрэн хангамжийн тухай заадагчлан мөн бидэнд Аврагч хэрэгтэйг өгүүлдэг. Рут номын эгзэгтэй хэсэг бол төрөл садны хүн нь авран чөлөөлөх үүргийг Боазын гүйцэтгэсэн юм. Тухайн яаралтай нөхцөл байдлаас аврах хүн туйлын хэрэгтэй байгааг Рут, Наоми хоёр ойлгосон. Бурхан тэдний залбиралд хариулж, хэрэгцээг нь хангаж явцдаа Өөрөөс нь хүнийг холдуулдаг нүглээс гэтэлгэхээр хүсэл таалал, эш үзүүллэгээ гүйцэлдүүлэхээр ажиллаж байсныг бид харах болно. Рут номын хосгүй үйл явдлууд нь хүний төлөөх Бурханы эцсийн авралыг Есүс Христэд хүргэдэг. Тэр Өөрийн хүсэл, эш үзүүллэгийг гүйцэлдүүлдэг. Рут номын ер бусын үйл явдлууд нь үндсэндээ хүний төлөөх Бурханы аврагч болох Есүс Христ уруу хөтөлдөг.