Ариун Сүнстэй өглөөЗагвар

Та намайг хайрладгийн адил би Танд хайртай

Өөрийнхөөрөө бус бусдынхаар байх гэж хичээх хэрэг чамд байхгүй. Чамайг бүтээсэн тэр л байдлаар чинь Би чамайг хайрладаг. Өөрийгөө өөр хэн нэгэнтэй бүү харьцуул. Би чамайг онцгой бэлэг авьяасаар ерөөсөн. Түүнчлэн Би чамайг энэ цаг үед байгаагаар чинь дуудсан. Өөрийнхөө зүрхийг бухимдлаар үерлүүлэх юм бол Надаас чам руу урсах нигүүсэл хаагдаж боогдохоос өөр зүйл болохгүй. Харьцуулалтыг эсэргүүц. Бухимдлыг эсэргүүц. Өрсөлдөөнийг эсэргүүц. Одоо чи хэн байна, тэр л энгээрээ бай. Чамайг хэн байлгахаар Би дуудсан, тийм л хүн болохын төлөө урагшил. Тэгвэл чиний онцгой бэлгүүд чамд зориулсан орон зайг бүрдүүлэх болно.

Залбирал

Миний хардаггүйг Та миний зүрхнээс хардаг. Бусадтай өөрийгөө харьцуулахгүй байхад мөн өдөр бүрийн амьдралын бухимдлуудаар өөрийгөө зовоохгүй байхад надад туслаач. Өрсөлдөхийн оронд Танд найдахад минь туслаач. Өөрийнхөөрөө биш харин Таны арга замаар энэ бүгдийг хэрхэн даван туулахыг надад харуулаач.