Кайл Айделмэнтэй хамт Төөрсөн хүүгийн өөрчлөлтийг үзьеЗагвар

"АНХААРЛЫН ДОХИО-Таны Мэдрэмж рүү Айсуй"

Ихэнхдээ бид амьдралдаа ирж буй сануулгыг анзаардаггүй учраас түүнд мэдрэмжгүй ханддаг. Намуухан уянгалах ятгын дуунд сэрдэггүй бол—хангинатал орилох сэрүүлэг биднийг босгох болно. Сэрүүлгээ сонсоод эртхэн хариу өгчих байтал бид дэмий л зүүрмэглэсээр байдаг. Сэрүүлэг улам чангарсаар сүүлдээ бүр чихэнд чийртэй болтол хангинасаар байх нь тэсвэрийг маань алдахад хүргэдэг. Тэгээд бид сэрээд, нүдээ нухлан, хэдэн гахайн сүрэг дундаас төөрсөн хүүгээ хайж байгаа мэт өдий хүртэл яаж ингэж байснаа гайхширна.

Тэгэхлээр надад нэг асуулт байна: Таны амьдралд яг одоо сэрүүлэг дуугарсаар байгаа юм биш биз?

Бурхан хэрхэн анхааруулгын дохио өгдгийн хэд хэдэн жишээ Библи дээр бий. Ихэнх тохиолдолд бүх зүйл нуран унахаас бүүр өмнө анхаарлын дохио дуугарсан байдаг. Хүмүүс заримдаа өөрийнхөө байдлыг мэдрэх нь бүү хэл бүр өөр яах ч аргагүй байдалд орон, тартагтаа тулж байж ойлгоно доо гэж боддог бол харин Бурхан таныг сэтгэлийн хүнд дарамтаас Тусгай Газар Нутагт заагдсаны чинь дараа биш харин одоо сэрээхийг хүсэж байвал яах вэ?

2 Шастир 36:15-р эшлэлд Бурхан элч нараараа дамжуулан тэдэнд дахин дахин үг илгээж, анхааруулж байжээ гэж бий. "Эртхэн хөдлөх" гэсэн үг бол Бурхан өглөө эрт босдог гэдэг утгыг илэрхийлдэггүй. Харин "арга хэмжээ эртхэн авах" утгаар тодруулж болно. Тэрээр алив асуудал болохоос урьдчилан сануулга, анхааруулга өгдөг гэсэн үг.

Тэгэхлээр бид Түүнийг яагаад анхааруулга өгснийг харахдаа"... яагаад гэвэл Тэрээр Өөрийнхөө хүмүүсийг үнэхээр энэрэн хайрладаг..." Анхаарлын дохио нь бидний тусын тулд юмаа гэж бид ойлгож болно.

* Сэрүүлэг тань дохиогоо хангинуулан дуугарахад, сэрэхийнхээ оронд ундууцан цааргалсаар байгаа тийм зүйлс амьдралд тань байна уу? Таныг хожмын алдаанаас/гэмээс урьдчилан сэргийлж, аврахын тулд анхааруулга ба дохио өгч байсан үеийг та санаж байна уу?