រស់នៅជីវិតពេញដោយគោលបំណងគំរូ

“ពង្រីកសេចក្តីស្រលាញ់ទៅកាន់អ្នកដ៏ទៃ”

ជាមួយនឹងភាពរស់រវើក និងការរីកលូតលាស់នៃសេចក្តីស្រលាញ់សម្រាប់ព្រះជាម្ចាស់   កំពុងដំណើរការនៅក្នុងជីវិតរបស់យើង សមត្ថភាពរបស់យើងនៅក្នុងការស្រលាញ់អ្នកដទៃ   ត្រូវរីកចម្រើនឡើងជាមួយផងដែរ។ ជាមួយនឹងការស្រលាញ់ដ៏ពេញលេញទៅកាន់អ្នកដទៃ   កើតមកពីការលូតលាស់នៃបំណងប្រាថ្នាក្នុងការបង្ហាញសេចក្តីស្រលាញ់នោះ។ ហេតុដូច្នេះ   គឺជាការបំពេញចំនុចសំខាន់មួយនៃគោលបំណងរបស់ព្រះជាម្ចាស់ដែលបង្កើតយើងមក   ដើម្បីធ្វើការល្អសម្រាប់អ្នកដទៃ។ 

វាគឺជាផែនការរបស់ព្រះជាម្ចាស់តាំងពីយូរមកហើយ ដែលយើងត្រូវមានសេចក្តីស្រលាញ់ជាមួយនឹងសកម្មភាព។   យើងម្នាក់ៗមានចំណែកនៅក្នុងផែនការគោលរបស់ព្រះ ដើម្បីធ្វើការប៉ះពាល់ជីវិតអ្នកដទៃតារមរយ:ការធ្វើអំពើល្អ។   

គ្រប់ពេលដែលយើងប៉ះពាល់ជីវិតអ្នកណាម្នាក់ជាមួយនឹងពាក្យសម្តីល្អ   ដែលឆ្លើយតបទៅនឹងសេចក្តីត្រូវការជាក់លាក់   ឬក៏យើងគ្រាន់តែផ្តល់ត្រចៀករបស់យើងស្តាប់ដោយយកចិត្តទុកដាក់ ទៅកាន់ចិត្តដែលឈឺចាប់ គឺយើងមិនគ្រាន់តែបង្ហាញសេចក្តីស្រលាញ់របស់យើង   ប៉ុន្តែបង្ហាញសេចក្តីស្រលាញ់របស់ព្រះតាមរយ:យើងផងដែរ។   ការធ្វើដូច្នេះយើងក្លាយទៅជាភ្នាក់ងារដ៏សំខាន់ក្នុងការជះពន្លឺរបស់ព្រះជាម្ចាស់បំភ្លឺពិភពលោក   ដែលកំពុងពេញទៅដោយភាពងងឹត និងភាពអស់សង្ឃឹម។ 

ការជះពន្លឺរបស់យើងគឺអនុញ្ញាត្តិឲ្យពន្លឺរបស់ព្រះជាម្ចាស់   ចាំងចែងតាមរយ:យើង។ មានបីចំនុចដែលសំខាន់ក្នុងការជះពន្លឺរបស់ព្រះទៅកាន់អ្នកដទៃ:

១. ធ្វើជាសាក្សីដែលមានប្រសិទ្ធិភាព

២. បម្រើអ្នកដទៃ

៣. ប្រកបជាមួយគ្រិស្តបរិស័ទដទៃទៀត

ដាក់ជំនឿរបស់យើងទៅក្នុងសកម្មភាពតាមរយ:បីចំនុចនេះ   នឹងជួយអ្នកឲ្យដទៃ ទទួលបានបទពិសោធន៍នៃសេចក្តីស្រលាញ់ ព្រះគុណ និងសេចក្តីមេត្តា   ករុណារបស់ព្រះជាម្ចាស់ ទាំងអស់គឺជាសិរីរុងរឿងរបស់ព្រះអង្គ។