MƐ̀KÌKÌÌ MƐ ƁƐKƐ̀NÌ-FÌTOM 6
6
Rìrɛsì ɗi ɓɛdyaakìrɛ̀
1Ɓi cààmɛ̀n kiǹ, yɛ̀ɛ bàlì ì ɓɛ̀gherɛ̀n ì tèèghtèghɛ̀ngà nni ɓumɓɛ ɓɛ totòkà rìgìrɛg ɓɛ tumɛ̀ngà rìcɛɛ̀cɛ̀mdɛ̀n ɗi ɓɛroɓɛ ɓɛ totòkà kìtòkì ki Ɓɛ̀yudɛ̀n, ɓisuulɛ ɓɛ ǹti ɓɛ ɗimzàg mɛ̀kpɔɓ maa ɓi kàɓ à ɓìɗilàg ànɛ ɓɛ ǹkìlàg ɓɛ̀ŋwos ɓɛ̀cèm. 2Ɓɛ̀kɛ̀nì-fìtom ǹtɛ̀ɗ ɗì ɓɛɓɛɛ̀ ɓɛ taŋzɛ̀ngà ɓɛ̀kìristɛ̀n ɓɛ̀cèm ɓɛ kpaa lɛ: Ki ghɛɛ̀sɛɛ ɓi lɛ, ti caɗ rìghagsì ɗi jɛ̀ɛ̀ ì Bɛ̀ll, lɛ ti kaàkàɓsì ɓum ɓìɗilàg. 3Fɔɔnnɛ mìni ɓɔɔsoŋ̀, ɓì ghɛ̀ɛ̀sɛɛ kì ɓɔ̀ni ɓum taàɓɛ̀ɛ̀ ɓi nyìinyìm wiǹ, ɓɛ ɓum ɓɛ yii lɛ, ɓɛ rɔɔtaagh ɓìsyɔ̀ɔ̀, ɓɛ ki ɓa ɓɛronɛn ɗì Kìtɛntɛ̀ɛ̀n ki Nghay, rì ɗyomzɛ̀n, ɓɛɛ̀ ɓɛ ti fa kìsay ki rikàɓsì ɗi ɓiɗilàg. 4Fɔɔnnɛ ɓìsii ri ɓiì kɛ̀ɛ asu, tì sììrɛ̀n ɓi bɔ̀ŋzɛ̀n, rì ɓi rìghagsì ɗi jɛ̀ɛ̀ ì Bɛ̀ll.
5Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n. 6Nni ɓɛ yughày rì ɓumɓɛ kitaàɓɛ̀ɛ̀, ɓɛ resì ɓɛ̀kɛ̀nì-fìtom, ɓɛ̀kɛ̀nì-fìtom, ɓɛ ɓɔŋzàg Bɛ̀ll, ɓɛ ki saaghràg ɓɔ ɓyàg ɓi nyòò.
Ɓɛ ɓani Ityɛn
7Fɔɔnnɛ jɛ̀ɛ̀ ì Bɛ̀ll ì kɛ̀ngà asu di yɛ̀ɛ sààsàà, ɓàlì ì ɓɛ̀gherɛ̀n ì ki ɓɔg lɛɛ̀gwey a Yorisalɛm, kìgwey ki ɓɛpìrɛɛtìrɛ̀ ki ki foŋ ǹtyweeyi ɓi Yeesus.
8Ityɛn à ɓaghà ǹɗonɛn lɛ, rì geesɛ̀n, rì ìtèɗ wu Bɛ̀ll, à kìkìghà lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan ɓi nyìinyìm à kìlɔ̀ŋ. 9Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii. 10Wɔ̀lɛ ɓɛ ɓaghà ɓi lɛ, ɓɛ yagsàg Ityɛn ɓi nyoey, ɓisuulɛ, nyii totòkà rì ɗyomzɛ̀n ɗi Kitɛntɛ̀ɛ̀n ki Nghay ki fafàghà nyi. 11Fɔɔnnɛ ɓɛ lakìyà ɓum lɛ ɓɛɛ kpaà lɛ: Tìi nwoogh di Ityɛn a feefengì Moyis, à feèfèngì Bɛ̀ll. 12Ɓɛ kighà lɛ ɓum ɓɛ kilɔ̀ŋ, rì ɓɛ̀sɛ̀ɛ̀mɛn, rì ɓɛ̀rèsàg-ɓìdɔ̀gsɛna, ɓɛɛ wog bim, ɓɛ yu ɓɛ sɛn ɓi Ityɛn, ɓɛ kɛǹ ɗì nyi a Sànèdìrɛŋ. 13Ɓɛ kɛɛ̀dì wɔɔ ri ɓɛ̀wusìnɛ̀ɗ ɓɛdɛŋ ɓɛ ɓɛ pwaapwààghà Ityɛn ɓìɓan ɓi nyoo di ɓɛɛ kpaakpaa lɛ: Ŋwaànɛ à rì lɔŋ cààmɛ̀n kìcèm ɓi rìfen ɗi naà-Bɛ̀ll, rì ɓìdɔ̀gsɛna ɓi Moyis. 14Tìi ǹwoogh di a kakali lɛ: Yeesus ànɛ a Nazarɛt à rì ɓiì wààghii jàŋ inɛ, à ki cenɗag ɓidɔ̀gsɛna ɓi Moyis à faghà ɓìsi.
15Ɓum ɓɛ̀cèm ɓɛ ɓɛ ɓaghà ɓi kìkpanà ki ɓɛyɔ̀m ɓɛ pɛɛzìghà mis dì Ityɛn, ɓɛ ki ghɛn lɛ ìsu wii wɛɛ̀ lònlom yɛ̀ɛ wu ŋwaà-fìtom a Bɛ̀ll.
ទើបបានជ្រើសរើសហើយ៖
MƐ̀KÌKÌÌ MƐ ƁƐKƐ̀NÌ-FÌTOM 6: BAFNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bafia Nouveau Testament © Bible Society of Cameroon, 2019.
