ភីលេម៉ូន ពាក្យលំនាំ
ពាក្យលំនាំ
លោកភីលេម៉ូនជាអ្នកធំមួយរូបដែលជឿព្រះគ្រិស្ត ហើយលោកប្រហែលត្រូវជាសមាជិកមួយរូបក្នុងក្រុមជំនុំនៅក្រុងកូឡូស។ គាត់ត្រូវជាមិត្តភក្ដិរបស់លោកប៉ូល(ខ១)។ គាត់មានខ្ញុំបម្រើម្នាក់ឈ្មោះ អូនេស៊ីម ដែលបានរត់ចេញពីផ្ទះ។ លោកអូនេស៊ីមបានទៅជួបលោកប៉ូល ហើយក៏ប្រែចិត្តជឿព្រះយេស៊ូដែរ។ លោកប៉ូលបានសម្រេចចិត្តចាត់គាត់ឲ្យវិលត្រឡប់ទៅរកម្ចាស់របស់ខ្លួនវិញ ហើយលោកបានសរសេរលិខិតឲ្យគាត់កាន់ទៅជាមួយផង។ ក្នុងលិខិតនោះ លោកប៉ូលបានសុំឲ្យលោកភីលេម៉ូនទទួលលោកអូនេស៊ីម ក្នុងឋានៈជាបងប្អូនរួមជំនឿ គឺមិនមែនជាខ្ញុំបម្រើទៀតទេ (ធម្មតាទាសករដែលរត់ដូច្នេះ តែងតែទទួលទោសជាទម្ងន់)។
គោលសំខាន់:
យើងសង្កេតឃើញថា លោកប៉ូលពុំបានបង្គាប់បញ្ជាលោកភីលេម៉ូនទេ ហើយលោកក៏ពុំបានជំទាស់នឹងសិទ្ធិរបស់លោកភីលេម៉ូន ដែលជាម្ចាស់លើអូនេស៊ីមដែរ។ លោកគ្រាន់តែរំឭកលោកភីលេម៉ូន និងអស់អ្នកដែលអានលិខិតនេះ អំពីព្រះហឫទ័យស្រឡាញ់របស់ព្រះគ្រិស្ត ដែលនាំមនុស្សឲ្យមានទំនាក់ទំនងរវាងគ្នានឹងគ្នា តាមបែបមួយថ្មី សមជាអ្នកដែលបានទទួលជីវិតថ្មី។
គម្រោងគម្ពីរភីលេម៉ូនៈ
• សេចក្ដីផ្ដើម ១‑៣
• លោកប៉ូលសរសើរលោកភីលេម៉ូន ៤‑៧
• លោកប៉ូលសុំអនុគ្រោះលោកអូនេស៊ីម ៨‑២២
• អវសានកថា ២៣‑២៥
ទើបបានជ្រើសរើសហើយ៖
ភីលេម៉ូន ពាក្យលំនាំ: គខប
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Khmer Standard Version © 2005 United Bible Societies.