យ៉ូហាន 20:19-23 នៅល្ងាចថ្ងៃអាទិត្យនោះ ពួកសិស្ស*នៅក្នុងផ្ទះខ្ទាស់ទ្វារយ៉ាងជាប់ ព្រោះខ្លាចជន‌ជាតិយូដា។ ស្រាប់តែព្រះ‌យេស៊ូយាងមកឈរនៅកណ្ដាលចំណោមពួកគេមានព្រះ‌បន្ទូលថា៖ «សូមឲ្យអ្នករាល់គ្នាបា | ព្រះគម្ពីរភាសាខ្មែរបច្ចុប្បន្ន ២០០៥ (គខប)

យ៉ូហាន 20:19-23 គខប

នៅល្ងាចថ្ងៃអាទិត្យនោះ ពួកសិស្ស*នៅក្នុងផ្ទះខ្ទាស់ទ្វារយ៉ាងជាប់ ព្រោះខ្លាចជន‌ជាតិយូដា។ ស្រាប់តែព្រះ‌យេស៊ូយាងមកឈរនៅកណ្ដាលចំណោមពួកគេមានព្រះ‌បន្ទូលថា៖ «សូមឲ្យអ្នករាល់គ្នាបានប្រកបដោយសេចក្ដីសុខ‌សាន្ត!»។ ព្រះអង្គមានព្រះ‌បន្ទូលដូច្នេះ ទាំងបង្ហាញស្នាមរបួសនៅព្រះ‌ហស្ដ និងនៅត្រង់ឆ្អឹងជំនីរឲ្យគេឃើញផង។ ពួកសិស្សសប្បាយចិត្តជាខ្លាំង ដោយបានឃើញព្រះ‌អម្ចាស់។ ព្រះ‌យេស៊ូមានព្រះ‌បន្ទូលទៅគេសាជាថ្មីថា៖ «សូមឲ្យអ្នករាល់គ្នាបានប្រកបដោយសេចក្ដីសុខ‌សាន្ត! ដូចព្រះ‌បិតាបានចាត់ខ្ញុំឲ្យមកយ៉ាងណា ខ្ញុំចាត់អ្នករាល់គ្នាឲ្យទៅយ៉ាងនោះដែរ»។ បន្ទាប់ពីមានព្រះ‌បន្ទូលហើយ ព្រះអង្គផ្លុំលើពួកគេ ទាំងមានព្រះ‌បន្ទូលថា៖ «ចូរទទួលព្រះ‌វិញ្ញាណ!។ បើអ្នករាល់គ្នាលើក‌លែងទោសអ្នកណាឲ្យរួចពីបាប* ព្រះ‌ជាម្ចាស់ក៏នឹងលើក‌លែងទោសអ្នកនោះឲ្យរួចពីបាបដែរ។ ផ្ទុយទៅវិញ បើអ្នករាល់គ្នាប្រកាន់ទោសអ្នកណា អ្នកនោះមុខជាត្រូវជាប់ទោសមិនខាន»។

អាន យ៉ូហាន 20

ស្ដាប់នូវ យ៉ូហាន 20