អេសាយ 53:1-6 ប្រជា‌ជនតបថា តើនរណាជឿ សេចក្ដីដែលគេប្រាប់យើង? តើព្រះ‌អម្ចាស់បានសម្តែងឫទ្ធិ‌បារមី ចំពោះនរណា? នៅចំពោះព្រះ‌ភ័ក្ត្រព្រះ‌អម្ចាស់ អ្នកបម្រើប្រៀបបាននឹងពន្លកមួយ ដែលលូតលាស់មិនសូវល្អ ដ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

អេសាយ 53:1-6 គខប

ប្រជា‌ជនតបថា តើនរណាជឿ សេចក្ដីដែលគេប្រាប់យើង? តើព្រះ‌អម្ចាស់បានសម្តែងឫទ្ធិ‌បារមី ចំពោះនរណា? នៅចំពោះព្រះ‌ភ័ក្ត្រព្រះ‌អម្ចាស់ អ្នកបម្រើប្រៀបបាននឹងពន្លកមួយ ដែលលូតលាស់មិនសូវល្អ ដូចដំណាំដែលដុះចេញពីដីហួត‌ហែង។ លោកគ្មានរូបសម្បត្តិ និងគ្មានកិត្តិយសថ្លៃ‌ថ្នូរ គួរឲ្យចាប់អារម្មណ៍ឡើយ ហើយលោកក៏គ្មានរូបរាងអ្វីគួរឲ្យ ទាក់‌ទាញចិត្តយើងដែរ។ លោកជាមនុស្សដែលត្រូវគេមើល‌ងាយ គ្មាននរណារាប់រក។ លោកជាមនុស្សស្គាល់តែការឈឺចាប់ ធ្លាប់តែរងទុក្ខវេទនា លោកដូចមនុស្សដែលគេខ្ពើម គេខ្ទប់មុខមិនហ៊ានសម្លឹងមើលទេ។ យើងបានមើល‌ងាយលោក ហើយមិនរាប់រកលោកឡើយ។ តាមពិត លោកបានរងទុក្ខវេទនាជំនួសយើង លោកទទួលយកការឈឺចាប់របស់យើង មកដាក់លើខ្លួនលោក។ រីឯយើងវិញ យើងស្មានថា ព្រះ‌ជាម្ចាស់បានដាក់ទោសលោក ព្រះអង្គបានវាយ និងបន្ទាបបន្ថោកលោក។ ប៉ុន្តែ លោកត្រូវគេចាក់ទម្លុះ ព្រោះតែការបះ‌បោររបស់យើង លោកត្រូវគេជាន់ឈ្លី ព្រោះតែអំពើទុច្ចរិតរបស់យើង លោកបានរងទារុណ‌កម្ម ដើម្បីឲ្យយើងទទួលសេចក្ដីសុខ‌សាន្ត ហើយដោយ‌សារស្នាមរបួសរបស់លោក យើងក៏បានជាសះ‌ស្បើយ។ កាលពីមុន យើងទាំងអស់គ្នាសុទ្ធតែវង្វេង ដូចចៀមដែលបែកចេញពីហ្វូង ម្នាក់ៗដើរតាមផ្លូវរបស់ខ្លួនផ្ទាល់ តែព្រះ‌អម្ចាស់បានទម្លាក់កំហុសរបស់ យើងទាំងអស់គ្នាទៅលើលោក។

អាន អេសាយ 53

ស្ដាប់នូវ អេសាយ 53

ប្រៀបធៀបគ្រប់ជំនាន់បកប្រែ: អេសាយ 53:1-6