Simuluho 48
48
Jakobo u tohonolofaza Eferaimi ni Manase
1Mwamulahonyana, Josefa a zibiswa cwana, kuli, “Ndat'aho wa kula.” Kiha s'a nga bana ba hae ba babeli, bo Manase ni Eferaimi, mi a y'o bona Jakobo. 2Ba y'o bulelela Jakobo, mi ha ba li, “Mwan'a hao Josefa ki yo, u til'o ku lekula,” a itiisa, mane a ba a ina mwa mumbeta. 3#Sim 28.13-14 Jakobo a li ku Josefa, “Mulimu ya Maata Kaufela u n'a iponahalize ku na kwa Luzi mwa naha ya Kanana, mi a ni tohonolofaza.” 4A li ku na, “Ni ta ku fa bana ba bañata, kuli mane baikulu ba hao ba fetuhe licaba ze ñata. Ni ta fa naha ye kwa baikulyowe kuli i be ya bona kuya kuile.”
5Bana ba hao ba babeli, ba ba pepezwi mwa Egepita ni si ka taha kale ku wena kwanu, ni bona ki ba ka. Eferaimi ni Manase ba ta swana feela ni Rubeni ni Simioni. 6Kono bana b'o ta pepa mwamulaho a ba, bona ki bana ba hao. Ba ta fumana lifa la bona ka ku balelwa ni bahulwani ba bona. 7#Sim 35.16-19 Ni eza cwalo, kakuli ha ni se ni kutile kwa Mesopotamia, m'aho Rahele, ka maswabi a matuna, a tokwahala mwa naha ya Kanana, ha ne lu sa li kwahulenyana ni Eferata. Na mu buluka hona mo, kwatuko a nzila ye ya kwa Eferata. Eferata ki ona Betelehema.
8Jakobo h'a bona bana ba Josefa, a li, “Bashimani ba, ki bo mañi?”
9Josefa a li, “Ba ki bana ba ka b'a ni file Mulimu mo mwa Egepita.”
Jakobo a li, “Ba suteleze kwanu ni ba fuyaule.” 10Jakobo n'a sa boni hande kabakala bucembele, mi n'a palelwa ku bona. Josefa a mu tiseza bashimani. Kih'a ba ambeka, a ba tubeta. 11Jakobo a li ku Josefa, “Ne ni si na sepo ya ku ku bona hape, kono ki fohe Mulimu mane u s'a ni bonisize ni bana ba hao.” 12Cwale Josefa a ba zwisa fa mahutu a kukw'a bona, mi a inamela fafasi.
13Josefa a ba swala ka lizoho, bubeli bwa bona, Eferaimi ku la bulyo kuli a be kwa nzohoto ya Jakobo ni Manase ku la nzohoto, kuli a be ku la bulyo la Jakobo, mi a ba tisa ku yena. 14Kono Jakobo a fapanya mazoho a hae, mi a beya lizoho la hae la silyo fa toho ya Eferaimi, ya n'a li yo munyinyani, ni la nzohoto fa toho ya Manase yo muhulu. 15Cwale a fuyaula Josefa, a li,
“Mulimu a fuyaule bashimani ba,
Mulimu ya zamailwe ki ndate
Abrahama ni Isaka fapili.
Mulimu ya ni bulukile ku t'o fita
ku lona lizazi la kacenu le,
a ba fuyaule.
16Lingeloi le li ni pilisize
mwa likozi kaufela, li ba fuyaule.
Libizo la ka, ni libizo la ndate
Abrahama ni Isaka,
li pile cwalo ku bona.
Ba hule mi ba ate mwa lifasi.”
17Josefa n'a filikanyizwe ki ku bona ndat'ahe a beya lizoho la hae la silyo fa toho ya Eferaimi. Cwale a zwisa lizoho la ndat'ahe, a li shimbululela fa toho ya Manase ku li zwisa ku ya Eferaimi. 18A li ku ndat'ahe, “Isiñi ka mukwa wo, ndate! Yo ki yena yo muhulu. Beya lizoho la hao la silyo fa toho ya hae.”
19Ndat'ahe a hana, a li, “Na ziba, mwan'a ka! Na ziba! Lusika lwa Manase lu ta ba ni batu ba bañata. Kono lwa munyan'a hae ki lona lo lu ta ba ni ba bañata ku fita lwa yo muhulu. Mi lusika lwa hae lu ta fetuha macaba a matuna.”
20 #
Maheb 11.21
Cwale a ba fuyaula lona lizazi leo, a li,
“Mu fumanise Isilaele mbuyoti ye tuna.
Batu ba te ba li,
‘Mulimu a mi eze ba ba swana
sina Eferaimi ni Manase!’ ”
Kamukwaocwalo a beya Eferaimi fapil'a Manase.
21Cwale Jakobo a li ku Josefa, “Wa bona, ni tuha ni shwa, kono Mulimu u ta ba ni wena, mi u ta ku kutiseza mwa naha ya ndat'aho. 22Ni ku ekeleza Shekemi fahalimw'a se ni file banabahenu, ili naha ye nde, ye ni hapile kwa Maamori ka sabule ya ka ni ka buta bwa ka.”
ទើបបានជ្រើសរើសហើយ៖
Simuluho 48: Lozi09
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lozi Interconfessional Bible, Catholic Edition © Bible Society of Zambia, 2009.
Simuluho 48
48
Jakobo u tohonolofaza Eferaimi ni Manase
1Mwamulahonyana, Josefa a zibiswa cwana, kuli, “Ndat'aho wa kula.” Kiha s'a nga bana ba hae ba babeli, bo Manase ni Eferaimi, mi a y'o bona Jakobo. 2Ba y'o bulelela Jakobo, mi ha ba li, “Mwan'a hao Josefa ki yo, u til'o ku lekula,” a itiisa, mane a ba a ina mwa mumbeta. 3#Sim 28.13-14 Jakobo a li ku Josefa, “Mulimu ya Maata Kaufela u n'a iponahalize ku na kwa Luzi mwa naha ya Kanana, mi a ni tohonolofaza.” 4A li ku na, “Ni ta ku fa bana ba bañata, kuli mane baikulu ba hao ba fetuhe licaba ze ñata. Ni ta fa naha ye kwa baikulyowe kuli i be ya bona kuya kuile.”
5Bana ba hao ba babeli, ba ba pepezwi mwa Egepita ni si ka taha kale ku wena kwanu, ni bona ki ba ka. Eferaimi ni Manase ba ta swana feela ni Rubeni ni Simioni. 6Kono bana b'o ta pepa mwamulaho a ba, bona ki bana ba hao. Ba ta fumana lifa la bona ka ku balelwa ni bahulwani ba bona. 7#Sim 35.16-19 Ni eza cwalo, kakuli ha ni se ni kutile kwa Mesopotamia, m'aho Rahele, ka maswabi a matuna, a tokwahala mwa naha ya Kanana, ha ne lu sa li kwahulenyana ni Eferata. Na mu buluka hona mo, kwatuko a nzila ye ya kwa Eferata. Eferata ki ona Betelehema.
8Jakobo h'a bona bana ba Josefa, a li, “Bashimani ba, ki bo mañi?”
9Josefa a li, “Ba ki bana ba ka b'a ni file Mulimu mo mwa Egepita.”
Jakobo a li, “Ba suteleze kwanu ni ba fuyaule.” 10Jakobo n'a sa boni hande kabakala bucembele, mi n'a palelwa ku bona. Josefa a mu tiseza bashimani. Kih'a ba ambeka, a ba tubeta. 11Jakobo a li ku Josefa, “Ne ni si na sepo ya ku ku bona hape, kono ki fohe Mulimu mane u s'a ni bonisize ni bana ba hao.” 12Cwale Josefa a ba zwisa fa mahutu a kukw'a bona, mi a inamela fafasi.
13Josefa a ba swala ka lizoho, bubeli bwa bona, Eferaimi ku la bulyo kuli a be kwa nzohoto ya Jakobo ni Manase ku la nzohoto, kuli a be ku la bulyo la Jakobo, mi a ba tisa ku yena. 14Kono Jakobo a fapanya mazoho a hae, mi a beya lizoho la hae la silyo fa toho ya Eferaimi, ya n'a li yo munyinyani, ni la nzohoto fa toho ya Manase yo muhulu. 15Cwale a fuyaula Josefa, a li,
“Mulimu a fuyaule bashimani ba,
Mulimu ya zamailwe ki ndate
Abrahama ni Isaka fapili.
Mulimu ya ni bulukile ku t'o fita
ku lona lizazi la kacenu le,
a ba fuyaule.
16Lingeloi le li ni pilisize
mwa likozi kaufela, li ba fuyaule.
Libizo la ka, ni libizo la ndate
Abrahama ni Isaka,
li pile cwalo ku bona.
Ba hule mi ba ate mwa lifasi.”
17Josefa n'a filikanyizwe ki ku bona ndat'ahe a beya lizoho la hae la silyo fa toho ya Eferaimi. Cwale a zwisa lizoho la ndat'ahe, a li shimbululela fa toho ya Manase ku li zwisa ku ya Eferaimi. 18A li ku ndat'ahe, “Isiñi ka mukwa wo, ndate! Yo ki yena yo muhulu. Beya lizoho la hao la silyo fa toho ya hae.”
19Ndat'ahe a hana, a li, “Na ziba, mwan'a ka! Na ziba! Lusika lwa Manase lu ta ba ni batu ba bañata. Kono lwa munyan'a hae ki lona lo lu ta ba ni ba bañata ku fita lwa yo muhulu. Mi lusika lwa hae lu ta fetuha macaba a matuna.”
20 #
Maheb 11.21
Cwale a ba fuyaula lona lizazi leo, a li,
“Mu fumanise Isilaele mbuyoti ye tuna.
Batu ba te ba li,
‘Mulimu a mi eze ba ba swana
sina Eferaimi ni Manase!’ ”
Kamukwaocwalo a beya Eferaimi fapil'a Manase.
21Cwale Jakobo a li ku Josefa, “Wa bona, ni tuha ni shwa, kono Mulimu u ta ba ni wena, mi u ta ku kutiseza mwa naha ya ndat'aho. 22Ni ku ekeleza Shekemi fahalimw'a se ni file banabahenu, ili naha ye nde, ye ni hapile kwa Maamori ka sabule ya ka ni ka buta bwa ka.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lozi Interconfessional Bible, Catholic Edition © Bible Society of Zambia, 2009.