Simuluho 47
47
Jakobo ni bana ba hae ba bonana ni Faro
1Josefa kih'a y'o bulelela Faro, a li, “Bo ndate ni bahulwani ba ka ba tile ku zwa kwa Kanana ni mitapi ya bona ya lingu ni likomu, ni ze ba luile kaufela. Ka nako ye ba mwa naha ya Gosheni.” 2Cwale a fitisa ku Faro bahulwani ba hae ba ketalizoho b'a n'a zamaile ni bona. 3Faro a ba buza, a li, “Mu ziba musebezi mañi?”
Ba mu alaba, ba li, “Luna lu balisana, muñ'a ka, sina bo ndat'a luna. 4Lu til'o yaha mwa naha mo kakuli tala ki ye tuna hahulu mwa Kanana, mi ha ku na mafulisezo a mande a limunanu za luna. Cwalehe, muñ'a ka, u lu lumelele ku yaha mwa naha ya Gosheni.” 5Mulena a li ku Josefa. “Cwale bo ndat'aho ni bahulwani ba hao se ba tile ku wena. 6Naha kaufela ya Egepita i mwa mazoho a hao. U ba batele sibaka se sinde ka ku fitisisa mwa naha ko ba ka yaha. Ba ine mwa naha ya Gosheni, mi haiba ku na ni ba ba na ni butali mwahal'a bona, u ba fe mitapi ya ka, ba i babalele.”
7Cwale Josefa a isa ndat'ahe ku Faro. Jakobo a fuyaula Faro. 8Faro kih'a mu buza, a li, “U s'o na ni lilimo ze kai?”
9Jakobo a mu alaba, a li, “Bupilo bwa ka bwa ku yambaela mwa lifasi i s'e li bwa lilimo ze mwanda ni mashumi a malalu. Lilimo zeo ki ze nyinyani mi hape li bile ze tata. Ha li swani ni lilimo ze ne ba nze ba yambaela bo ndate.” 10Jakobo a laeza Faro, mi a zamaya. 11Josefa a inisa cwalo bo ndat'ahe ni bahulwani ba hae mwa naha ya Egepita, mi a ba fa sibaka se sinde mwa naha ya Ramisese, ka taelo ya Faro. 12Josefa a fa ndat'ahe ni bahulwani ba hae lico. A fa ni lubasi lwa ndat'ahe, hamohocwalo ni ba banyinyani.
Puso ya Josefa ka nako ya tala
13Tala n'e li ye tuna hahulu. Ne ku si na lico mwa lifasi kamukana, mi batu ba mwa Egepita ni Kanana ba fokoliswa ki tala. 14Josefa a kubukanya mali kaufela a ba ne ba leka lico ka ona, batu ba mwa Egepita ni ba mwa Kanana cwalo. A tisa mali ao ku Faro. 15Mali a mwa Egepita ni Kanana ha s'a felile, Maegepita kamukana ba taha ku Josefa, ba li, “Lu fe lico! Eza ka mukwa o muñwi! U si ke wa lu tuhela lu nze lu shwa! Mali a luna kaufela a felile.”
16Josefa a alaba, a li, “Mu tise limunanu za mina. Ni ta mi cinceza lico ka zona, haiba mu felezwi ki mali.” 17Cwale ba tisa limunanu za bona ku Josefa, mi yena a ba fa lico ka lipizi za bona, lingu, lipuli, likomu ni limbongolo. Silimo seo a ba fa lico ka ku cincana ni limunanu za bona.
18Silimo se si tatama, ba taha ku yena, ba li, “Ha lu koni ku ku patela niti, muñ'a ka, kuli mali a luna a felile. Hape ni zona limunanu za luna i s'e li za hao. Ha ku sa na se lu ka ku fa, muñ'a ka, kwand'a mibili ya luna ni mibu ya luna. 19Eza ka mukwa o muñwi! U si ke wa lu tuhela lu nze lu shwa! Lu si ke lwa sinyehelwa ki mibu ya luna. U lu leke ni masimu a luna, kuli lu fumane lico. Lu ta ba batanga ba Faro, mi u ta luwa mibu ya luna. U lu fe peu kuli lu si ke lwa bulaiwa ki tala, mi masimu a luna a si ke a fetuha litite.”
20Josefa a lekela Faro naha kamukana ya Egepita. Muegepita kaufela a lekisa mubu wa hae, kakuli tala n'e li ye tuna. Naha kamukana ya ba ya Faro. 21Haili batu, bona, Josefa a ba eza batanga ku zwa kwa makalelo a naha mane ku y'o fita kwa mafelelezo a yona. 22Mubu w'a n'a si ka leka, n'e li wa baprisita feela. Bona ne ba sa tokwi ku lekisa mibu ya bona, kakuli Faro n'a ba fanga lico ze ne ba pila. 23Josefa a li kwa batu, “Mwa bona, ni mi lekile kacenu, mina ni mibu ya mina. Se mu li batanga ba Faro. Peu ya mina ki yeo, ye mu swanezi ku y'o cala mwa masimu a mina. 24Ka nako ya kutulo, mu swanezi ku fa Faro kalulo ya buketalizoho. Lico ze ta siyala ki za mina. Mu itusise zona kwa peu, kwa lico za mina ni bana ba mina.”
25Ba alaba, ba li, “U lu pilisize. U mutu yo munde hahulu, muñ'a ka. Lu ta ba batanga ba Faro.” 26Kamukwaocwalo, Josefa a eza mulao ka mibu ya mwa Egepita kuli kalulo ya buketalizoho ya kutulo ki ya Faro. Mulao wo u sa tiile mwa Egepita ni la kacenu le. Konji mibu ya baprisita feela ki yona ye si ka ya ku Faro.
Tato ya Jakobo ya mafelelezo
27Maisilaele ba ina mwa Egepita mwa naha ya Gosheni. Ba fuma, mi ba ba ni bana ba bañata. 28Jakobo a pila lilimo ze lishumi ka ze supile mwa Egepita, mi a shwa s'a na ni lilimo ze mwanda ni mashumi a mane ka ze supile. 29#Sim 49.29-32; 50.6 Nako ya ku shwa kwa Jakobo ha i s'e li fakaufi, a biza mwan'a hae Josefa, mi a li ku yena, “U ni sepise mwan'a ka. U beye lizoho la hao mwatas'a lilupi za ka mi u itame kuli u ta sepahala ni ku ba ni musa ku na, ni kuli ha u na ku ni buluka mwa Egepita mo muta ni shwa. 30Ni bata ku y'o bulukwa ko ba lobezi bo ndate. U ni zwise mwa Egepita, u y'o ni buluka mwa mayumbelo a bona.”
Josefa a alaba, a li, “Ni ta eza m'o bulelela.”
31Jakobo a li, “Konka kuli u ta eza cwalo.” Josefa a konka, mi Jakobo a inamela kwa litoho za mumbeta wa hae.
ទើបបានជ្រើសរើសហើយ៖
Simuluho 47: Lozi09
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lozi Interconfessional Bible, Catholic Edition © Bible Society of Zambia, 2009.
Simuluho 47
47
Jakobo ni bana ba hae ba bonana ni Faro
1Josefa kih'a y'o bulelela Faro, a li, “Bo ndate ni bahulwani ba ka ba tile ku zwa kwa Kanana ni mitapi ya bona ya lingu ni likomu, ni ze ba luile kaufela. Ka nako ye ba mwa naha ya Gosheni.” 2Cwale a fitisa ku Faro bahulwani ba hae ba ketalizoho b'a n'a zamaile ni bona. 3Faro a ba buza, a li, “Mu ziba musebezi mañi?”
Ba mu alaba, ba li, “Luna lu balisana, muñ'a ka, sina bo ndat'a luna. 4Lu til'o yaha mwa naha mo kakuli tala ki ye tuna hahulu mwa Kanana, mi ha ku na mafulisezo a mande a limunanu za luna. Cwalehe, muñ'a ka, u lu lumelele ku yaha mwa naha ya Gosheni.” 5Mulena a li ku Josefa. “Cwale bo ndat'aho ni bahulwani ba hao se ba tile ku wena. 6Naha kaufela ya Egepita i mwa mazoho a hao. U ba batele sibaka se sinde ka ku fitisisa mwa naha ko ba ka yaha. Ba ine mwa naha ya Gosheni, mi haiba ku na ni ba ba na ni butali mwahal'a bona, u ba fe mitapi ya ka, ba i babalele.”
7Cwale Josefa a isa ndat'ahe ku Faro. Jakobo a fuyaula Faro. 8Faro kih'a mu buza, a li, “U s'o na ni lilimo ze kai?”
9Jakobo a mu alaba, a li, “Bupilo bwa ka bwa ku yambaela mwa lifasi i s'e li bwa lilimo ze mwanda ni mashumi a malalu. Lilimo zeo ki ze nyinyani mi hape li bile ze tata. Ha li swani ni lilimo ze ne ba nze ba yambaela bo ndate.” 10Jakobo a laeza Faro, mi a zamaya. 11Josefa a inisa cwalo bo ndat'ahe ni bahulwani ba hae mwa naha ya Egepita, mi a ba fa sibaka se sinde mwa naha ya Ramisese, ka taelo ya Faro. 12Josefa a fa ndat'ahe ni bahulwani ba hae lico. A fa ni lubasi lwa ndat'ahe, hamohocwalo ni ba banyinyani.
Puso ya Josefa ka nako ya tala
13Tala n'e li ye tuna hahulu. Ne ku si na lico mwa lifasi kamukana, mi batu ba mwa Egepita ni Kanana ba fokoliswa ki tala. 14Josefa a kubukanya mali kaufela a ba ne ba leka lico ka ona, batu ba mwa Egepita ni ba mwa Kanana cwalo. A tisa mali ao ku Faro. 15Mali a mwa Egepita ni Kanana ha s'a felile, Maegepita kamukana ba taha ku Josefa, ba li, “Lu fe lico! Eza ka mukwa o muñwi! U si ke wa lu tuhela lu nze lu shwa! Mali a luna kaufela a felile.”
16Josefa a alaba, a li, “Mu tise limunanu za mina. Ni ta mi cinceza lico ka zona, haiba mu felezwi ki mali.” 17Cwale ba tisa limunanu za bona ku Josefa, mi yena a ba fa lico ka lipizi za bona, lingu, lipuli, likomu ni limbongolo. Silimo seo a ba fa lico ka ku cincana ni limunanu za bona.
18Silimo se si tatama, ba taha ku yena, ba li, “Ha lu koni ku ku patela niti, muñ'a ka, kuli mali a luna a felile. Hape ni zona limunanu za luna i s'e li za hao. Ha ku sa na se lu ka ku fa, muñ'a ka, kwand'a mibili ya luna ni mibu ya luna. 19Eza ka mukwa o muñwi! U si ke wa lu tuhela lu nze lu shwa! Lu si ke lwa sinyehelwa ki mibu ya luna. U lu leke ni masimu a luna, kuli lu fumane lico. Lu ta ba batanga ba Faro, mi u ta luwa mibu ya luna. U lu fe peu kuli lu si ke lwa bulaiwa ki tala, mi masimu a luna a si ke a fetuha litite.”
20Josefa a lekela Faro naha kamukana ya Egepita. Muegepita kaufela a lekisa mubu wa hae, kakuli tala n'e li ye tuna. Naha kamukana ya ba ya Faro. 21Haili batu, bona, Josefa a ba eza batanga ku zwa kwa makalelo a naha mane ku y'o fita kwa mafelelezo a yona. 22Mubu w'a n'a si ka leka, n'e li wa baprisita feela. Bona ne ba sa tokwi ku lekisa mibu ya bona, kakuli Faro n'a ba fanga lico ze ne ba pila. 23Josefa a li kwa batu, “Mwa bona, ni mi lekile kacenu, mina ni mibu ya mina. Se mu li batanga ba Faro. Peu ya mina ki yeo, ye mu swanezi ku y'o cala mwa masimu a mina. 24Ka nako ya kutulo, mu swanezi ku fa Faro kalulo ya buketalizoho. Lico ze ta siyala ki za mina. Mu itusise zona kwa peu, kwa lico za mina ni bana ba mina.”
25Ba alaba, ba li, “U lu pilisize. U mutu yo munde hahulu, muñ'a ka. Lu ta ba batanga ba Faro.” 26Kamukwaocwalo, Josefa a eza mulao ka mibu ya mwa Egepita kuli kalulo ya buketalizoho ya kutulo ki ya Faro. Mulao wo u sa tiile mwa Egepita ni la kacenu le. Konji mibu ya baprisita feela ki yona ye si ka ya ku Faro.
Tato ya Jakobo ya mafelelezo
27Maisilaele ba ina mwa Egepita mwa naha ya Gosheni. Ba fuma, mi ba ba ni bana ba bañata. 28Jakobo a pila lilimo ze lishumi ka ze supile mwa Egepita, mi a shwa s'a na ni lilimo ze mwanda ni mashumi a mane ka ze supile. 29#Sim 49.29-32; 50.6 Nako ya ku shwa kwa Jakobo ha i s'e li fakaufi, a biza mwan'a hae Josefa, mi a li ku yena, “U ni sepise mwan'a ka. U beye lizoho la hao mwatas'a lilupi za ka mi u itame kuli u ta sepahala ni ku ba ni musa ku na, ni kuli ha u na ku ni buluka mwa Egepita mo muta ni shwa. 30Ni bata ku y'o bulukwa ko ba lobezi bo ndate. U ni zwise mwa Egepita, u y'o ni buluka mwa mayumbelo a bona.”
Josefa a alaba, a li, “Ni ta eza m'o bulelela.”
31Jakobo a li, “Konka kuli u ta eza cwalo.” Josefa a konka, mi Jakobo a inamela kwa litoho za mumbeta wa hae.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lozi Interconfessional Bible, Catholic Edition © Bible Society of Zambia, 2009.