Marko 3
3
Hesus ta kura hende riba dia di sabat
(Mateo 12:9-14; Lukas 6:6-11)
1Hesus a bolbe bai snoa i aya tabatin un hòmber ku un man mankaron. 2E fariseonan tabata blo wak Hesus pa mira si E ta kura e hòmber riba dia di sabat, pa nan por a haña algu pa nan akus'É di dje. 3Hesus a bisa e hòmber: ‘Lanta bai para meimei.’ 4El a puntra e hendenan: ‘Kiko ta pèrmití riba dia di sabat? Hasi bon òf hasi malu? Salba bida di un hende òf akaso mata un hende?’ Nan a keda ketu. 5Hesus a drei wak rabiá, ma na e mes momento E tabata sintiÉ tristu komo nan kurason tabata duru. El a bisa e hòmber ku e man mankaron: ‘Rèk bo man.’ E hòmber a rèk su man i su man a bira bon atrobe. 6E fariseonan a sali pafó i mesora nan a bai traha plan ku e hendenan di Heródes pa wak kon por a kaba ku Hesus.
Hesus kantu di lago di Galilea
7Hesus a retirá huntu ku su disipelnan bai kantu di lago di Galilea. Un kantidat grandi di hende for di Galilea a siguiÉ. 8Ora nan a tende di e kosnan ku Hesus tabata hasi, hopi hende di e region di Hudea, di Herusalèm, di Idumea, di e teritorio na otro banda di Yordan, i di e region den bisindario di e siudatnan Tiro i Sidon, a bini serka djE. 9El a bisa su disipelnan pa tene un boto kla p'E, en kaso ku E kore peliger ku e multitut basha bini riba djE. 10Komo El a kura asina hopi hende, e hende malunan tabata pusha bini dilanti pa nan mishi kunÉ.#Marko 4:1; Lukas 5:1-3 11Ki ora ku e mal spiritunan mir'É, nan tabata benta nan kurpa abou na suela i grita: ‘Abo ta e Yu di Dios.’ 12Hesus tabata ordená nan severamente pa nan no propagá su nòmber.
Hesus ta skohe diesdos disipel
(Mateo 10:1-4; Lukas 6:12-16)
13Hesus a subi seru i a yama esnan ku E tabata ke i nan a bini serka djE. 14Asina El a forma un grupo di diesdos ku El a yama ‘apòstel’.#3:14 ku El a yama ‘apòstel’: tin manuskrito ku no tin e palabranan akí El a skohe nan pa nan kompañ'É i pa manda nan prediká, 15ku poder pa saka demoño. 16E diesdosnan tabata: Simon, ku El a yama Pedro, 17Hakobo yu di Zebedeo i su ruman Huan; nan dos El a yama ‘Boanerges’, loke ta nifiká: yunan di bos; ademas 18Andreas, Filipo, Bartolomeo, Mateo, Tomas, Hakobo yu di Alfeo, Tadeo, Simon e Zeloso#3:18 Simon e Zeloso literalmente: Simon e Kananeo. Zeloso; probablemente un atversario di e gobièrnu romano ku tabata okupá Palestina. Den e añanan djis promé ku e rebeldia ku a kousa kaida di Herusalèm, e zelosonan a kuminsá mustra nan oposishon na un forma organisá. 19i Hudas Iskariot, esun ku a traishoná Hesus.
Hesus i Belzebul
(Mateo 12:22-32; Lukas 14:11-23; 12:10)
20Hesus#3:20 Hesus; otro manuskrito tin: Nan a bai kas. E bia akí atrobe hopi hende a bini huntu serka djE di manera ku Hesus i su disipelnan ni sikiera a haña chèns di kome pida pan. 21Ora su hendenan a tende kiko tabata pasa, nan a bin busk'É pa nan bai kunÉ, pasobra nan a bisa: ‘Su kabes no ta bon.’
22Algun dòktor di lei, ku a baha bini for di Herusalèm, a bisa: ‘E ta poseé pa Belzebul; ta ku yudansa di hefe di demoño e ta saka demoño.’#Mateo 9:34; 10:25 23Hesus a yama nan serka djE i kontestá nan ku un komparashon: ‘Ta kon satanas por saka satanas for di un hende? 24Si tin divishon den un reino, e reino ei ta kaba na nada. 25Si un kas di famia ta dividí, e no por keda eksistí. 26Si satanas lanta kontra su mes, su reino ta dividí i e no por keda para. Ta su fin! 27Niun hende no por drenta kas di un hòmber fuerte i kohe su kosnan sin ku e mar'é promé. Ta asin'ei so e por kohe e kosnan.
28Mi ta sigurá boso ku hende por haña pordon pa tur piká ku e hasi i tur kos malu ku e papia.#3:28 tur kos malu ku e papia; otro posibel tradukshon: tur blasfemia kontra Dios 29Ma esun ku blasfemá Spiritu Santu lo no haña pordon#Lukas 12:10 nunka mas; lo e keda kulpabel pa semper.’ 30Hesus a bisa asina pasobra nan a bisa ku E tabata poseé pa mal spiritu.
Mama i e rumannan di Hesus
(Mateo 12:46-50; Lukas 8:19-21)
31Miéntras Hesus tabata papia ku e dòktornan di lei, su mama ku su rumannan a bini; nan a keda para pafó i manda yam'É. 32Tabatin un grupo grandi di hende sintá rònt di Hesus. Nan a bis'É: ‘Bo mama i bo rumannan ta pará pafó, i nan ta puntra pa Bo.’ 33Hesus a kontestá nan: ‘Ken ta mi mama? Ken ta mi rumannan?’ 34El a drei wak e hendenan sintá abou rònt di djE i a bisa: ‘Ata mi mama i mi rumannan akí! 35Ken ku hasi boluntat di Dios ta mi ruman hòmber, mi ruman muhé, mi mama.’
ទើបបានជ្រើសរើសហើយ៖
Marko 3: PBDC13
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Papiamentu Bible with DC © Bible Society in Netherlands Antilles and Aruba, 2012, 2013
Marko 3
3
Hesus ta kura hende riba dia di sabat
(Mateo 12:9-14; Lukas 6:6-11)
1Hesus a bolbe bai snoa i aya tabatin un hòmber ku un man mankaron. 2E fariseonan tabata blo wak Hesus pa mira si E ta kura e hòmber riba dia di sabat, pa nan por a haña algu pa nan akus'É di dje. 3Hesus a bisa e hòmber: ‘Lanta bai para meimei.’ 4El a puntra e hendenan: ‘Kiko ta pèrmití riba dia di sabat? Hasi bon òf hasi malu? Salba bida di un hende òf akaso mata un hende?’ Nan a keda ketu. 5Hesus a drei wak rabiá, ma na e mes momento E tabata sintiÉ tristu komo nan kurason tabata duru. El a bisa e hòmber ku e man mankaron: ‘Rèk bo man.’ E hòmber a rèk su man i su man a bira bon atrobe. 6E fariseonan a sali pafó i mesora nan a bai traha plan ku e hendenan di Heródes pa wak kon por a kaba ku Hesus.
Hesus kantu di lago di Galilea
7Hesus a retirá huntu ku su disipelnan bai kantu di lago di Galilea. Un kantidat grandi di hende for di Galilea a siguiÉ. 8Ora nan a tende di e kosnan ku Hesus tabata hasi, hopi hende di e region di Hudea, di Herusalèm, di Idumea, di e teritorio na otro banda di Yordan, i di e region den bisindario di e siudatnan Tiro i Sidon, a bini serka djE. 9El a bisa su disipelnan pa tene un boto kla p'E, en kaso ku E kore peliger ku e multitut basha bini riba djE. 10Komo El a kura asina hopi hende, e hende malunan tabata pusha bini dilanti pa nan mishi kunÉ.#Marko 4:1; Lukas 5:1-3 11Ki ora ku e mal spiritunan mir'É, nan tabata benta nan kurpa abou na suela i grita: ‘Abo ta e Yu di Dios.’ 12Hesus tabata ordená nan severamente pa nan no propagá su nòmber.
Hesus ta skohe diesdos disipel
(Mateo 10:1-4; Lukas 6:12-16)
13Hesus a subi seru i a yama esnan ku E tabata ke i nan a bini serka djE. 14Asina El a forma un grupo di diesdos ku El a yama ‘apòstel’.#3:14 ku El a yama ‘apòstel’: tin manuskrito ku no tin e palabranan akí El a skohe nan pa nan kompañ'É i pa manda nan prediká, 15ku poder pa saka demoño. 16E diesdosnan tabata: Simon, ku El a yama Pedro, 17Hakobo yu di Zebedeo i su ruman Huan; nan dos El a yama ‘Boanerges’, loke ta nifiká: yunan di bos; ademas 18Andreas, Filipo, Bartolomeo, Mateo, Tomas, Hakobo yu di Alfeo, Tadeo, Simon e Zeloso#3:18 Simon e Zeloso literalmente: Simon e Kananeo. Zeloso; probablemente un atversario di e gobièrnu romano ku tabata okupá Palestina. Den e añanan djis promé ku e rebeldia ku a kousa kaida di Herusalèm, e zelosonan a kuminsá mustra nan oposishon na un forma organisá. 19i Hudas Iskariot, esun ku a traishoná Hesus.
Hesus i Belzebul
(Mateo 12:22-32; Lukas 14:11-23; 12:10)
20Hesus#3:20 Hesus; otro manuskrito tin: Nan a bai kas. E bia akí atrobe hopi hende a bini huntu serka djE di manera ku Hesus i su disipelnan ni sikiera a haña chèns di kome pida pan. 21Ora su hendenan a tende kiko tabata pasa, nan a bin busk'É pa nan bai kunÉ, pasobra nan a bisa: ‘Su kabes no ta bon.’
22Algun dòktor di lei, ku a baha bini for di Herusalèm, a bisa: ‘E ta poseé pa Belzebul; ta ku yudansa di hefe di demoño e ta saka demoño.’#Mateo 9:34; 10:25 23Hesus a yama nan serka djE i kontestá nan ku un komparashon: ‘Ta kon satanas por saka satanas for di un hende? 24Si tin divishon den un reino, e reino ei ta kaba na nada. 25Si un kas di famia ta dividí, e no por keda eksistí. 26Si satanas lanta kontra su mes, su reino ta dividí i e no por keda para. Ta su fin! 27Niun hende no por drenta kas di un hòmber fuerte i kohe su kosnan sin ku e mar'é promé. Ta asin'ei so e por kohe e kosnan.
28Mi ta sigurá boso ku hende por haña pordon pa tur piká ku e hasi i tur kos malu ku e papia.#3:28 tur kos malu ku e papia; otro posibel tradukshon: tur blasfemia kontra Dios 29Ma esun ku blasfemá Spiritu Santu lo no haña pordon#Lukas 12:10 nunka mas; lo e keda kulpabel pa semper.’ 30Hesus a bisa asina pasobra nan a bisa ku E tabata poseé pa mal spiritu.
Mama i e rumannan di Hesus
(Mateo 12:46-50; Lukas 8:19-21)
31Miéntras Hesus tabata papia ku e dòktornan di lei, su mama ku su rumannan a bini; nan a keda para pafó i manda yam'É. 32Tabatin un grupo grandi di hende sintá rònt di Hesus. Nan a bis'É: ‘Bo mama i bo rumannan ta pará pafó, i nan ta puntra pa Bo.’ 33Hesus a kontestá nan: ‘Ken ta mi mama? Ken ta mi rumannan?’ 34El a drei wak e hendenan sintá abou rònt di djE i a bisa: ‘Ata mi mama i mi rumannan akí! 35Ken ku hasi boluntat di Dios ta mi ruman hòmber, mi ruman muhé, mi mama.’
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Papiamentu Bible with DC © Bible Society in Netherlands Antilles and Aruba, 2012, 2013