Nahum 3
3
1Kapianarmek iglugasaksuit aungînait! Tatadlarput saglonermiglo aᴋsârningnermiglo; aliktuinermiglo iperaijomangilat.
2Iperautab serᴋortarninga, aksaloallo nipjârningit; horsit tukᴋartoksuit, ᴋamutillo unatautit pikkijut nippingit;
3Horsilijartut kajusidlartut, saviksoak ᴋeblertok, ᴋalugiarlo ᴋaumalâjok; toᴋotallo unuktoᴋsuit, toᴋungajut timingit ᴋalerêt; toᴋungajut timingit kigleᴋangilat; toᴋungajut timingit aporvigivait;
4Anguniarpaktûb takoranidlartûb ajortuliningita unuktoksôningit pivlugit, angakoktonermik ilisimadlartûb, inôᴋatigêksoarnik ajortulinerminut aulaijûb, ᴋitorngarêniglo angakonerminut.
5Ahâk, sâvigijomârpagit, oᴋarpok Nâlegak Zebaot, annorâtit ᴋongmuartitsomârpakka, kênarnut pitilugit; ussinganîllo takojautitsomârpara inôᴋatigêksoarnut, kangunarnîllo atanioviᴋatigêngnut.
6Egitsivigijomârpagillo maᴋojungnartomik, naggonartitsomârlutillo, annusingorsautiksangortilutillo.
7Ilûnatiglo takonârtut ilingnik ᴋemâlârpâtit, oᴋarlutik: Ninive asserortauvok, kia oggoriniarᴋaûk? Nakillo manigoijuksanik tâpsominga ᴋenerniarᴋêk?
8Ananauluarᴋêt No-amonemit, kôt akorngane ineᴋalauktomit, imarnut ilumajaulauktomit, taluᴋalauktomit kôksoarmik, avaluᴋalauktomillo imaksoarnîk?
9Etiopia Egiptenelo kigleᴋangitomik pitsartutigilaukpâk; Putelo Lubimelo ikajortigilaukpâk.
10Taimaigaloartilugole tigujauvlune aularutijauvok; sorusearsungit egitauvlutik serᴋalitaulauᴋput apᴋosineâlungita ilûnatik issungine; erᴋanartungit imerautigijauvut, angutingitalo piluartungit ilûnaita ᴋelaumgujanut ᴋelaksortaulauᴋput.
11Igvittauk talalârpotit, ijertaulârpotit; igvittauk uneᴋsiorviksarsiolârpotit ômigijingnit.
12Ungalujijoksoatit ilûnatik napârtutitut paungatannaktaliktutitut pijariorutinik ilingavut, aulajârtitaugunik katakput kâdlartûb ᴋaninganut.
13Ahâk, inuᴋotitit ilingne arnauvut; itertarvit nunangnut angmarput ômigijingnut; ikâtit nungutauvut ikomamut.
14Imeᴋtarit ilumajaunernut, ungalujijoksoatit sôngositikit; maggaksiorit, maggarlo tullerajâruk, ivitaliorvik idluarsâruk.
15Tagvane ikomab nungulârpâtit; saviksûb kipilârpâtit piglertaujatitut sorlo; unuksitilerit piglertaujatitut, unuksitilerit piglertatitut.
16Niuverniartitit ununersautipatit ᴋilaub uvlorianginit; piglertaujat asseroivut, tingisilutiglo tagvangat.
17Niaᴋôsertaumajut piglertatitut iput, angajoᴋâksoatillo piglertatitut katimgajutitut, avalut okᴋoaliningine tangmârtertutitut uvlorme niglatâdlartome, seᴋinerle nuisimalerpat tingilutik ᴋemâvut, noᴋarvingillo ᴋaujimajaulungilat.
18Mianersijitit sinidlarput, ataniojotit Assiriame; erᴋanartatit merngoêrserput; inuᴋotitit ᴋaᴋaksoarne siamangavut, katersoijuksaᴋangilarlo tâpkoninga.
19ᴋanoetoᴋarnît oᴋitlititaujungnangilak; ikkitit piungitovaksôvut; tusartut ilûnatik unipkautaunernik aggatik pattaktorpait pivlutit; kikunut ajornitit soraingitomik tôlungilât?
ទើបបានជ្រើសរើសហើយ៖
Nahum 3: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.