Markuse 2
2
Tumângajub âᴋiktauninganik. Mattêusib ᴋaiᴋojauninganik. Illiniartit nerᴋiksarsiorninginik Sabbateme.
1Uvlullo ikitut kingorngatigut Kapernaumut aigivoᴋ: iglomêtorlo tussaramitsuk,
2Inugasaksuit katisâlerput, iniksairutjivlutik, pângane aglât; ajoᴋertorpaillo.
3Illangitalo tikipât, âtsivlutik tumângajomik, sitamanut akigartaujomik.
4Tikitsungnanginamitsuglo inungnut, iglo ᴋângagut kilakpât; angmaramitsuglo, aumit tumângajub nelavia ningitipât.
5Jêsusible okperningat takogamiuk, tumângajoᴋ oᴋautivâ: Ernera, ajornitit issumagijaujungnairput.
6Aglangnigle illisimajut illangit tagvane iksivajut issumalerput ômatimingne:
7Una ᴋanoetunik oᴋauseᴋarᴋâ akkerartortunik Gûdemût? Kia, Gûdib assiata, ajornerit issumagijungnaijungnarᴋagît?
8Jêsusiblo anernermine issumangit tagvainaᴋ ᴋaujileramigit, aperivait: Sôᴋ ômatipsingne taimak issumavisê?
9Neliak oᴋinersauvâ oᴋarlune tumângajomut: Ajornitit issumagijaujungnaiput; ubvalo: Makitit, aumititit pikit, arvertarlutillô?
10Nelojungnairᴋovlusele, Inûb Erninga pitsartuneᴋarmat nuname ajortoêrutjinermik, tumângajomut oᴋarpoᴋ:
11Oᴋaupagit, makitit, aumititit pikit, angerarlutillo.
12Tautuktilugillo makisârpoᴋ, aumitinelo neksarlugit anivoᴋ; ilûnatiglo tataminiarput, Gûdelo nakoridlarpât, oᴋarlutiglo; Taimaitomik mattoma sivorngagut takolaungimarikpogut.
13Ama anigivoᴋ ailunelo tesseᴋsûb sinânut, inuillo ilûnatik tikipât, ajoᴋertorpaillo.
14Jêsusiblo ᴋângiutilerame, Lêvi takovâ, Alfêusib erninga, tuniorᴋaivingme iksivajoᴋ, oᴋautivlugolo: Malinga! Nikovidlunelo malikpâ.
15Iglunganelo nerrimârvingme iksivatilugo, pimaklertit idluitulijullo unuktut Jêsuse illiniartingillo ikterᴋatigivait nerrimârvingmut. Tâpsominga maliktut unungmatta.
16Aglangnik illisimajut Farisêerillo takogamitsuk, pimaklertit idluitulijullo nerreᴋatigingmagit, illiniartinginut oᴋarput: Sôᴋ pimaklertit idluitulijullo nerreᴋatigivlugilo imerᴋatigivagît?
17Jêsusib tamanna tussaramiuk, oᴋautivait: Atsuilît inûlijeᴋariaᴋangilat, ᴋanimajut kissimik. Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.
18Jôhannesiblo Farisêerillo illiniartingit nerritailivakput akulaitomik. Illangitalo tikipât, oᴋarlutik: Sôᴋ Jôhannesiblo Farisêerillo illiniartingit nerritailivakkât akulaitomik, illiniartitille nerritailivangilât?
19Jêsusiblo kiovait: Nulianiktomut tikitut ᴋanoᴋ nerritailinajarᴋât, uiksaᴋ illagigamitsûk? uiksaᴋ taipkonunga illautilugo, nerritailijungnangilat.
20Neliutsomârporle uiksamik aᴋsârtauvingat, tagva nerritailivangniarput.
21Annorâtoᴋaᴋ illâᴋpangilât nutâmik illâksamik; nutâb aliktorniarmago nutaungitoᴋ, aliktornerlo pivalianiarpoᴋ.
22Vainelo nutâᴋ imerᴋautinut nutaungitunut imertûtinginivât; vainib nutâb aliktorniarmagit imerᴋautit, vainelo kovituinarpoᴋ, imerᴋautillo asserorlugit. Vainele nutâᴋ imerᴋautinut nutânut imertûtijaksauvoᴋ.
23Taipsomane perortut ᴋaᴋᴋôjaksat apᴋotigingmagit sabbateme, illiniartingita ingergavlutik sulugainingit nutsulerpait.
24Farisêerillo oᴋautivât: Ahâk, illiniartitit sabbateme pijaksaungitomik pivut.
25Oᴋautivaillo: Atuarsilaungilasê, Davidib iliorninganik, ajoᴋsalerame kâleramelo, najortingillô?
26Gûdib iglunganut iterame, Abjâtar ajoᴋertuinerotilugo; ᴋaᴋᴋôjat takojaksat nerrivait, ajoᴋertuijut assinginut kimullônêt nerrijauᴋojaungitut, tunivlugillo illangit najortiminut.
27Oᴋautivaillo: Inuk pivlugo sabbate pingortisimavoᴋ, sabbatele pivlugo inuk pingortitaungilaᴋ,
28Inûb Erninga sabbatemuttauᴋ Nâlegauvoᴋ.
ទើបបានជ្រើសរើសហើយ៖
Markuse 2: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
Markuse 2
2
Tumângajub âᴋiktauninganik. Mattêusib ᴋaiᴋojauninganik. Illiniartit nerᴋiksarsiorninginik Sabbateme.
1Uvlullo ikitut kingorngatigut Kapernaumut aigivoᴋ: iglomêtorlo tussaramitsuk,
2Inugasaksuit katisâlerput, iniksairutjivlutik, pângane aglât; ajoᴋertorpaillo.
3Illangitalo tikipât, âtsivlutik tumângajomik, sitamanut akigartaujomik.
4Tikitsungnanginamitsuglo inungnut, iglo ᴋângagut kilakpât; angmaramitsuglo, aumit tumângajub nelavia ningitipât.
5Jêsusible okperningat takogamiuk, tumângajoᴋ oᴋautivâ: Ernera, ajornitit issumagijaujungnairput.
6Aglangnigle illisimajut illangit tagvane iksivajut issumalerput ômatimingne:
7Una ᴋanoetunik oᴋauseᴋarᴋâ akkerartortunik Gûdemût? Kia, Gûdib assiata, ajornerit issumagijungnaijungnarᴋagît?
8Jêsusiblo anernermine issumangit tagvainaᴋ ᴋaujileramigit, aperivait: Sôᴋ ômatipsingne taimak issumavisê?
9Neliak oᴋinersauvâ oᴋarlune tumângajomut: Ajornitit issumagijaujungnaiput; ubvalo: Makitit, aumititit pikit, arvertarlutillô?
10Nelojungnairᴋovlusele, Inûb Erninga pitsartuneᴋarmat nuname ajortoêrutjinermik, tumângajomut oᴋarpoᴋ:
11Oᴋaupagit, makitit, aumititit pikit, angerarlutillo.
12Tautuktilugillo makisârpoᴋ, aumitinelo neksarlugit anivoᴋ; ilûnatiglo tataminiarput, Gûdelo nakoridlarpât, oᴋarlutiglo; Taimaitomik mattoma sivorngagut takolaungimarikpogut.
13Ama anigivoᴋ ailunelo tesseᴋsûb sinânut, inuillo ilûnatik tikipât, ajoᴋertorpaillo.
14Jêsusiblo ᴋângiutilerame, Lêvi takovâ, Alfêusib erninga, tuniorᴋaivingme iksivajoᴋ, oᴋautivlugolo: Malinga! Nikovidlunelo malikpâ.
15Iglunganelo nerrimârvingme iksivatilugo, pimaklertit idluitulijullo unuktut Jêsuse illiniartingillo ikterᴋatigivait nerrimârvingmut. Tâpsominga maliktut unungmatta.
16Aglangnik illisimajut Farisêerillo takogamitsuk, pimaklertit idluitulijullo nerreᴋatigingmagit, illiniartinginut oᴋarput: Sôᴋ pimaklertit idluitulijullo nerreᴋatigivlugilo imerᴋatigivagît?
17Jêsusib tamanna tussaramiuk, oᴋautivait: Atsuilît inûlijeᴋariaᴋangilat, ᴋanimajut kissimik. Ajortulit ᴋaiᴋojartorpakka, ablatsâmik issumaᴋarᴋovlugit, idluartut pinagit.
18Jôhannesiblo Farisêerillo illiniartingit nerritailivakput akulaitomik. Illangitalo tikipât, oᴋarlutik: Sôᴋ Jôhannesiblo Farisêerillo illiniartingit nerritailivakkât akulaitomik, illiniartitille nerritailivangilât?
19Jêsusiblo kiovait: Nulianiktomut tikitut ᴋanoᴋ nerritailinajarᴋât, uiksaᴋ illagigamitsûk? uiksaᴋ taipkonunga illautilugo, nerritailijungnangilat.
20Neliutsomârporle uiksamik aᴋsârtauvingat, tagva nerritailivangniarput.
21Annorâtoᴋaᴋ illâᴋpangilât nutâmik illâksamik; nutâb aliktorniarmago nutaungitoᴋ, aliktornerlo pivalianiarpoᴋ.
22Vainelo nutâᴋ imerᴋautinut nutaungitunut imertûtinginivât; vainib nutâb aliktorniarmagit imerᴋautit, vainelo kovituinarpoᴋ, imerᴋautillo asserorlugit. Vainele nutâᴋ imerᴋautinut nutânut imertûtijaksauvoᴋ.
23Taipsomane perortut ᴋaᴋᴋôjaksat apᴋotigingmagit sabbateme, illiniartingita ingergavlutik sulugainingit nutsulerpait.
24Farisêerillo oᴋautivât: Ahâk, illiniartitit sabbateme pijaksaungitomik pivut.
25Oᴋautivaillo: Atuarsilaungilasê, Davidib iliorninganik, ajoᴋsalerame kâleramelo, najortingillô?
26Gûdib iglunganut iterame, Abjâtar ajoᴋertuinerotilugo; ᴋaᴋᴋôjat takojaksat nerrivait, ajoᴋertuijut assinginut kimullônêt nerrijauᴋojaungitut, tunivlugillo illangit najortiminut.
27Oᴋautivaillo: Inuk pivlugo sabbate pingortisimavoᴋ, sabbatele pivlugo inuk pingortitaungilaᴋ,
28Inûb Erninga sabbatemuttauᴋ Nâlegauvoᴋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.