Markuse 15
15
Jêsusib kiglisiniartauninganik Pilatusemut. Toᴋotaksaunerartauninganik mitautigijauninganiglo. kikiaktortauninganik iluvertauninganiglo.
1Kaulermallo erinesuklutik ajoᴋertuijoᴋsuit, angajoᴋâllo, aglangniglo illisimajut, kiglisiniarpaktullo ilûnatik ᴋaggimiolerput, Jêsuselo ᴋelaᴋsorlugo aularutivât, Pilatusemullo unertujutigivât.
2Pilatusiblo aperivâ: Jûdinut ataniovêt? kiovâle oᴋautivlugo: (Nalâgut) oᴋarpotit.
3Ajoᴋertuijoᴋsuillo angijomik pasidlarpât.
4Pilatusib ama aperivlugo oᴋautivâ: Ahâk, angijomik pasidlarmatit, kiungilatît?
5Jêsusele kiojungnairmat, Pilatusetauᴋ tamattominga tataminiarpoᴋ.
6Aularviksiorangatale Pilatuse iluseᴋarpoᴋ, parngnanairsimavingmêtut illangat, inuit pijomajangat, aularᴋolugo.
7Parngnanairsimadjaujoᴋarporle Barrabasemik attilingmik, kipalijoᴋsuit illagivlugit tigujaujomik, kipalijoᴋsôvlutik inungmik toᴋotsigamik.
8Inugasaksuillo ᴋagudlarlutik tuksiarvigivât, iluserminik atorᴋovlugo.
9Pilatusible oᴋautivait: Jûdit ataningat uvamnut aularᴋojauᴋovisiûk?
10Nalunginamigit, ajoᴋertuijoᴋsuit idluigosungnermut tagvunga pitilaungmatsuk.
11Ajoᴋertuijoᴋsuille inuit kajungertipait, Barrabasemik ᴋenungârᴋovlugit, aularᴋojauᴋovlugo.
12Pilatusib ama kiovait oᴋautivlugit: Jûdit ataninganik taijase ᴋanoᴋ uvamnut iliortauᴋovisiûk?
13Kagudlarivut ama oᴋarlutik: kikiaktoruk!
14Pilatusible ama apersorpait: Sumîk idluitomik pinialauᴋâ? Nipliluarivut: kikiaktoruk!
15Pilatusible tâva inuit satômaᴋaᴋojomavlugit, Barrabase aularᴋovâ tâpkonunga, Jêsusele aklunânut issaᴋajauᴋovâ, unertutigilâllo kikiaktortauᴋovlugo saningajolingmut.
16Sorsuktuksalle Jêsuse âpât igloᴋsoarmut kiglisiniarvingmut, sorsuktuksallo ilûnaita atautsemut ᴋaiᴋovait.
17Uliksoarmiglo aupaluktamik kapitipât, niaᴋôtiksamiglo kakilautilingmik pergaivut, ilivlugolo niaᴋoanut;
18Salutilerdlugolo oᴋarput: Salutitauvotit, Jûdit ataningat!
19Niaᴋoagullo anaudlarpât ajaupiamut suvlulingmut, ᴋetserarlugo, sêrᴋortorvigilugolo tuksiarvigivât.
20Mitautigijarêramitsuglo, uliksoaᴋ aupalluktaᴋ pêrpât, annorânginik nangmininginik atitidlugo, aularutivâllo kikiaktorniardlugo.
21Inuglo senerᴋotoᴋ aksorôtivât, Simonemik attilik Zirenemioᴋ, perorsêvingmit pijoᴋ, Aleksandriblo Ruffiblo atâtangak; tâpsomunga erᴋsuktautipât kikiaktortauviksanga.
22Apâllo ᴋakᴋamut Golgatamut, imaipoᴋ: niaᴋovinertalingmut.
23Vainemiglo ᴋassilinartomik ilalingmik imertinasuarpât; pijomangilâle.
24kikiaktorêramitsuglo, annorângit avikpait, imerautigivlugillo, kia piksariniarmangâgit.
25Stundîgle pingajuangne kikiaktorpât.
26Kolânelo aglaksimavoᴋ, ᴋanoᴋ pasijauninga: Jûdit ataningat.
27Inuartuglo magguk kikiaktortauᴋatigilugo pivakit, aipâ talerpiata tungânut, aipâlo saumiata tungânut.
28Oᴋautsit aglaksimajut nalautsivut tagva, imailijut: Idluitulijut akornganut pititauvoᴋ.
29Tagvûnalo arvertartut mitautigivât, illeᴋetamârlutiglo oᴋarput: Kuinangnâlukpotit katimavingmik asseroijotit, ama sanalugo uvlune pingasune.
30Ilingnik piulidlarit, seningajolingmit mâna akᴋarit.
31Taimaktauᴋ ajoᴋertuijoᴋsuit mitautigivât ingmingnut oᴋarlutik aglangnik illisimajut illagilugit: Assine ikajulauᴋpait, ingminigle ikajornermik saperpoᴋ.
32Kristuseogune, Israêlitillo atanerikpatsuk, saningajolingmit mâna akᴋarle, tautorᴋovluta okperᴋovlutalo.
33Stundillo 6ingata kingorngagut nuname ilûnâne tâᴋtoksôlerpoᴋ stundit 9ingat tikilugo.
34Stundillo 9ingane Jêsuse nipperᴋortovlune oᴋarpoᴋ: Eli, Eli, lama asabtani? imaipoᴋ: Gûdiga, Gûdiga, sôᴋ ᴋemakpingâ?
35Tagvanêtullo illangita tamanna tussaramitsuk, oᴋarput: Ahâk, Eliase ᴋaiᴋovâ.
36Tagva illangat aᴋpangerpoᴋ, niperᴋumiglo sêrnartotalingmut misuksivoᴋ, ajaupiamullo kapomitârlugo, imertipâ oᴋarlunelo: Ovatsiaro, takunârta, Elîasib akᴋartitsartorniarmangâgo!
37Jêsusele nipperᴋortovlune anernangerpoᴋ.
38katimaviksûblo upkoksoanga alikpoᴋ maggôlivlune, pikangat ununga tikidlune.
39Sorsuktuksalle angajoᴋângata nalâne nangertub, takogamiuk anernangertoᴋ taimaitomut nippersoarmut, oᴋarpoᴋ: Ahamarik, Gûdib angut tâmna ernerivâ.
40Tagvanelo arnaᴋarivoᴋ, alivasiktomit tamakkoninga takunârtunik; tâpkoa illangit tagva Marîa Magdalêna, Marîalo, Jakôbusib mikinersab Jôsesiblo anânangak, Salomelo,
41Maliktigilauᴋtangit Galilêamêtilugo kivgartulauᴋtullo; assingillo unuktut Jerusalemut majoraᴋatigilauᴋtangit.
42Unnulermallo, uvloᴋ opalungaijaiviongmat sabbatib tuglia,
43Josefe Arimatîamioᴋ tikipoᴋ, kiglisiniarpaktut illangat, ajungitoᴋ issumagiktorlo, Gûdib nâlegauvinganik neriungmijoᴋ; tâpsoma sivôranane Pilatuse itervigijartorpâ, Jesusib timinganik tuksiarvigivlugo.
44Pilatusib toᴋojarêrtoᴋ tussaramiuk, tataminiarpoᴋ, sorsuktuksallo angajoᴋângat ᴋaiᴋovâ, aperivlugo toᴋoᴋammermangât?
45Angajoᴋâmillo tussaumaleramiuk, timinga tunijauᴋovâ Jôsefemut.
46Uvineruksajaᴋsiniaramelo, akᴋartitsartorpâ, imuserdlugolo uvineruksajamik, ilivlugolo iluvermut, ᴋairtomut ilulimajomut; ujaraᴋsoarmiglo aksakârtitsivoᴋ iluviub pânganut matuksamik.
47Marîa Magdalênable, Marîablo Jôsesib anânangata, takunârpâk, namut ilijauniarmangât.
ទើបបានជ្រើសរើសហើយ៖
Markuse 15: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
Markuse 15
15
Jêsusib kiglisiniartauninganik Pilatusemut. Toᴋotaksaunerartauninganik mitautigijauninganiglo. kikiaktortauninganik iluvertauninganiglo.
1Kaulermallo erinesuklutik ajoᴋertuijoᴋsuit, angajoᴋâllo, aglangniglo illisimajut, kiglisiniarpaktullo ilûnatik ᴋaggimiolerput, Jêsuselo ᴋelaᴋsorlugo aularutivât, Pilatusemullo unertujutigivât.
2Pilatusiblo aperivâ: Jûdinut ataniovêt? kiovâle oᴋautivlugo: (Nalâgut) oᴋarpotit.
3Ajoᴋertuijoᴋsuillo angijomik pasidlarpât.
4Pilatusib ama aperivlugo oᴋautivâ: Ahâk, angijomik pasidlarmatit, kiungilatît?
5Jêsusele kiojungnairmat, Pilatusetauᴋ tamattominga tataminiarpoᴋ.
6Aularviksiorangatale Pilatuse iluseᴋarpoᴋ, parngnanairsimavingmêtut illangat, inuit pijomajangat, aularᴋolugo.
7Parngnanairsimadjaujoᴋarporle Barrabasemik attilingmik, kipalijoᴋsuit illagivlugit tigujaujomik, kipalijoᴋsôvlutik inungmik toᴋotsigamik.
8Inugasaksuillo ᴋagudlarlutik tuksiarvigivât, iluserminik atorᴋovlugo.
9Pilatusible oᴋautivait: Jûdit ataningat uvamnut aularᴋojauᴋovisiûk?
10Nalunginamigit, ajoᴋertuijoᴋsuit idluigosungnermut tagvunga pitilaungmatsuk.
11Ajoᴋertuijoᴋsuille inuit kajungertipait, Barrabasemik ᴋenungârᴋovlugit, aularᴋojauᴋovlugo.
12Pilatusib ama kiovait oᴋautivlugit: Jûdit ataninganik taijase ᴋanoᴋ uvamnut iliortauᴋovisiûk?
13Kagudlarivut ama oᴋarlutik: kikiaktoruk!
14Pilatusible ama apersorpait: Sumîk idluitomik pinialauᴋâ? Nipliluarivut: kikiaktoruk!
15Pilatusible tâva inuit satômaᴋaᴋojomavlugit, Barrabase aularᴋovâ tâpkonunga, Jêsusele aklunânut issaᴋajauᴋovâ, unertutigilâllo kikiaktortauᴋovlugo saningajolingmut.
16Sorsuktuksalle Jêsuse âpât igloᴋsoarmut kiglisiniarvingmut, sorsuktuksallo ilûnaita atautsemut ᴋaiᴋovait.
17Uliksoarmiglo aupaluktamik kapitipât, niaᴋôtiksamiglo kakilautilingmik pergaivut, ilivlugolo niaᴋoanut;
18Salutilerdlugolo oᴋarput: Salutitauvotit, Jûdit ataningat!
19Niaᴋoagullo anaudlarpât ajaupiamut suvlulingmut, ᴋetserarlugo, sêrᴋortorvigilugolo tuksiarvigivât.
20Mitautigijarêramitsuglo, uliksoaᴋ aupalluktaᴋ pêrpât, annorânginik nangmininginik atitidlugo, aularutivâllo kikiaktorniardlugo.
21Inuglo senerᴋotoᴋ aksorôtivât, Simonemik attilik Zirenemioᴋ, perorsêvingmit pijoᴋ, Aleksandriblo Ruffiblo atâtangak; tâpsomunga erᴋsuktautipât kikiaktortauviksanga.
22Apâllo ᴋakᴋamut Golgatamut, imaipoᴋ: niaᴋovinertalingmut.
23Vainemiglo ᴋassilinartomik ilalingmik imertinasuarpât; pijomangilâle.
24kikiaktorêramitsuglo, annorângit avikpait, imerautigivlugillo, kia piksariniarmangâgit.
25Stundîgle pingajuangne kikiaktorpât.
26Kolânelo aglaksimavoᴋ, ᴋanoᴋ pasijauninga: Jûdit ataningat.
27Inuartuglo magguk kikiaktortauᴋatigilugo pivakit, aipâ talerpiata tungânut, aipâlo saumiata tungânut.
28Oᴋautsit aglaksimajut nalautsivut tagva, imailijut: Idluitulijut akornganut pititauvoᴋ.
29Tagvûnalo arvertartut mitautigivât, illeᴋetamârlutiglo oᴋarput: Kuinangnâlukpotit katimavingmik asseroijotit, ama sanalugo uvlune pingasune.
30Ilingnik piulidlarit, seningajolingmit mâna akᴋarit.
31Taimaktauᴋ ajoᴋertuijoᴋsuit mitautigivât ingmingnut oᴋarlutik aglangnik illisimajut illagilugit: Assine ikajulauᴋpait, ingminigle ikajornermik saperpoᴋ.
32Kristuseogune, Israêlitillo atanerikpatsuk, saningajolingmit mâna akᴋarle, tautorᴋovluta okperᴋovlutalo.
33Stundillo 6ingata kingorngagut nuname ilûnâne tâᴋtoksôlerpoᴋ stundit 9ingat tikilugo.
34Stundillo 9ingane Jêsuse nipperᴋortovlune oᴋarpoᴋ: Eli, Eli, lama asabtani? imaipoᴋ: Gûdiga, Gûdiga, sôᴋ ᴋemakpingâ?
35Tagvanêtullo illangita tamanna tussaramitsuk, oᴋarput: Ahâk, Eliase ᴋaiᴋovâ.
36Tagva illangat aᴋpangerpoᴋ, niperᴋumiglo sêrnartotalingmut misuksivoᴋ, ajaupiamullo kapomitârlugo, imertipâ oᴋarlunelo: Ovatsiaro, takunârta, Elîasib akᴋartitsartorniarmangâgo!
37Jêsusele nipperᴋortovlune anernangerpoᴋ.
38katimaviksûblo upkoksoanga alikpoᴋ maggôlivlune, pikangat ununga tikidlune.
39Sorsuktuksalle angajoᴋângata nalâne nangertub, takogamiuk anernangertoᴋ taimaitomut nippersoarmut, oᴋarpoᴋ: Ahamarik, Gûdib angut tâmna ernerivâ.
40Tagvanelo arnaᴋarivoᴋ, alivasiktomit tamakkoninga takunârtunik; tâpkoa illangit tagva Marîa Magdalêna, Marîalo, Jakôbusib mikinersab Jôsesiblo anânangak, Salomelo,
41Maliktigilauᴋtangit Galilêamêtilugo kivgartulauᴋtullo; assingillo unuktut Jerusalemut majoraᴋatigilauᴋtangit.
42Unnulermallo, uvloᴋ opalungaijaiviongmat sabbatib tuglia,
43Josefe Arimatîamioᴋ tikipoᴋ, kiglisiniarpaktut illangat, ajungitoᴋ issumagiktorlo, Gûdib nâlegauvinganik neriungmijoᴋ; tâpsoma sivôranane Pilatuse itervigijartorpâ, Jesusib timinganik tuksiarvigivlugo.
44Pilatusib toᴋojarêrtoᴋ tussaramiuk, tataminiarpoᴋ, sorsuktuksallo angajoᴋângat ᴋaiᴋovâ, aperivlugo toᴋoᴋammermangât?
45Angajoᴋâmillo tussaumaleramiuk, timinga tunijauᴋovâ Jôsefemut.
46Uvineruksajaᴋsiniaramelo, akᴋartitsartorpâ, imuserdlugolo uvineruksajamik, ilivlugolo iluvermut, ᴋairtomut ilulimajomut; ujaraᴋsoarmiglo aksakârtitsivoᴋ iluviub pânganut matuksamik.
47Marîa Magdalênable, Marîablo Jôsesib anânangata, takunârpâk, namut ilijauniarmangât.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.