Markuse 14
14
Ajoᴋertuijoᴋsuit Jêsusib toᴋotauninganik kajusilerput. Mingoartauninganik Betâniame. Judasib angerninganik pititsomavlugo. Jêsusib nerrininganik saugârsungmik aularviksiorutiksamik, ilijininganiglo Kommunionemik. Tuksiarninganik Getsêmaneme. Pititauninganik pijauninganiglo. Pêtrusib misiutjininganik.
1Uvluk magguk kingorngangne aularviksiorvik, pujusauteᴋangituniglo ᴋakᴋôjaktorvik naliutilerpoᴋ. Ajoᴋertuijoᴋsuillo aglangniglo illisimajut pingitsertorlutik tigunasuarpât toᴋotsomavlugo.
2Oᴋarpulle: Aularviksiorvingme pinago, inuit pikablâdlarᴋonagit.
3Betâniamêngmallo Simonib kalaᴋadlalauᴋtub iglungane, nerrimârvingme iksivatilugo, tagva arnaᴋ tikipoᴋ, publaujatsialijardlune tipitsiariksaumik pivianartoᴋsoarmik imalingmik, publaujarlo serᴋomipâ, imangalo niaᴋoanut kovivâ.
4Tagvanêtulle illangit anûlerput oᴋarlutik: Mingoarut tâmna sôᴋ kovijauvâ?
5Imeᴋ tâmna pisiangonajalaurune, akkeᴋarajarpoᴋ ununersamik kênaujanit 300init, aklujunut tunijaksanik. Oᴋarnerlûtigivâllo.
6Jêsusele oᴋarpoᴋ: Arnaᴋ una ulapinasiuk; sôᴋ kiksartipisiûk? ajungitomik pivânga.
7Aklujunik illaᴋatsainarpose; ajungitulivigijomagupsigiglo pituinariaᴋarpose; uvangale najortigitsainarniangilapsinga.
8Ajugaringitaminik pivoᴋ; sivorngagut timiga mingoarpâ ilijartortauviksara pivlugo.
9Ahamarik Oᴋautivapse: Nane oᴋautsit tussarnertut ukkua oᴋautigijaukpatta silaᴋsoarme ilûnâne, oᴋartoᴋarniarivoᴋ tâpsoma piniarninganik uvamnut, erᴋaumajaujutiksanganik.
10Jûdaselo Iskâriot, 12it illangat, ajoᴋertuijoᴋsoarnut aivoᴋ, tâpkonunga pititsomavlugo.
11Tamanna tussaramitsuk, ᴋuviasulerput, kênaujaniglo tunitjivigijomavlugo oᴋarput. Taipkonungalo pitinasualerpâ.
12Pudjusauteᴋangitunigle ᴋakᴋôjaᴋtorviub uvlungita sivorlingane, saugârsub aularviksiorutiksab toᴋotaujuksauviane, illinniartingita aperivât: Nane âᴋiksoijartorᴋovitigût saugârsungmik aularviksiorutiksamik nerriniartarnîk?
13Maggungniglo illinniartiminit tiliklerpoᴋ oᴋautivlugiglo: Iglugasaksoarnut aileritik, inungmiglo pâksilârpotik, imektartomik, tamna maliktikko.
14Itervigilârtangatalo iglub inuanut oᴋaritik: Ajoᴋertuijub oᴋautjauᴋovâtit: Iglo nauk, nerriviksara saugârsungmik aularvisiorutiksamik illinniartikka illagilugît?
15Iglomiglo angijomik iglub ᴋolâne, atuinaujomik âᴋiksorsimatsiartomiglo unertûtilârpâtik; tagvane piksaptingnik âᴋiksoigitik.
16Illinniartuglo aivuk, pilutiglo iglugasaksoarnut, sorlolo oᴋautilaungmagik, naipipâk, saugârsuglo aularviksiorutiksaᴋ âᴋiksorpâk.
17Unnulermallo 12it illagillugit tikipoᴋ.
18Nerrimârvingme iksivagamik nerrilutiglo, Jêsuse oᴋarpoᴋ: Illapse illangata nerreᴋatima pitilârpânga.
19Kiksalerdlutiglo aperivât nelekârdlutik: Uvangauniapêk? assialo: Uvangauniarpêk?
20Kiovaille oᴋarlune: 12it illangata misukseᴋatima.
21Inûb Erninga ainiaralloarpoᴋ, sorlo tapsominga aglaksimangmat; inugle tâmna kappianamêk, Inûb Erninganik pititsijoᴋ. Inungmut tâpsomunga idluarnersaunajarpoᴋ, erniangongikune.
22Nerrivlutiglo Jêsusib ᴋakᴋôjaᴋ tiguvâ, ᴋujalivlunelo avgorpâ, tâpkonungalo tunivâ oᴋarlunelo: Tigulugo nerrisiuk, tagva timiga.
23Ermgusiarsuglo tigugivâ, ᴋujalivlunelo tâpkonunga tâmna tunivâ; ilûnatiglo tâpsomangat imerput.
24Oᴋautivaillo: Tagva auga, Testamentitâb (aunga) kovijauniartoᴋ unuktut pivlugit.
25Ahamarik oᴋaupapse, mattoma kingorngagut imerniarungnairpunga napârtub vainiliksab iptinganik, uvloᴋ taimna naliuterᴋârtinago, nutautilugo imileromârupko Gûdib nâlegauvingane.
26Tuksiarutsillo nertordlerutiksat nâgamigit, anivut ᴋakᴋamut orᴋsoktalingmut.
27Jêsusiblo oᴋautivait: Unnuarme tamattomane tamapse sinaungajutigilârpapsinga. Aglaksimangmat: Mianersijoᴋ unatadlarniarpara, saukkallo siamartidlarniarput.
28Makigumale (toᴋungajunit), sivunapsingne Galilêamut aijomavunga.
29Pêtrusible oᴋautivâ: Ilûnamatsiatik sinaungajutigigalloarpatit, uvanga sinaungajuteᴋarniatsangilanga.
30Jêsusiblo oᴋautivâ: Ahamarik, oᴋaupagit: Unnuarme tamattomane, angutauneᴋ niplerᴋârtinago maggoertorlune, misiarutigilârparma pingasuertorlutit.
31Oᴋarivorle ama: Ilâ, toᴋoᴋatigijaksarigupkillônêt, misiarutigijomangilagit. Taimaktauᴋ ilûnatik oᴋarivut.
32Perorsêvingmullo avaluliorsimajomut pivut, Getsêmanemik attilingmut. Illinniartinelo oᴋautivait: Tamaunga ingititse, tuksiariartortilunga.
33Pêtruselo, Jakôbuselo, Johanneselo illagivait, sajudlalerlunelo kappiaktoadlalerpoᴋ,
34Oᴋautivaillo: Tarniga kiksarpoᴋ toᴋo tikidlugo; tagvanêtitse pigârluse.
35Averngoalerdlune nunamut pâmakterpoᴋ tuksiarlarmelo, ajornangipat, naliutoᴋ tamanna ᴋângerᴋovlugo.
36Oᴋarlunelo: Abba, Atâtak, ajugaᴋanginavit, ermgusiarsuk una pêruk uvamnit; pijomajaraungitorle, pijomajat pile.
37Siniktulle tikinamigit, Pêtruse oᴋautivâ: Simon, sinikpêt? stundemik atautsemiglônêt pigâᴋatigijungnangilarmâ?
38Pigârluselo tuksiaritse, ôktortaulungnermut perᴋonase. Anerneᴋ pijomagalloarpoᴋ, uvinigle sangêpoᴋ.
39Ama tuksiariartorpoᴋ, oᴋautsit taipkoatsainait atormilugit.
40Ama utermigame, siniktut tikinivait; ijingit oᴋumaimatta uerngarnermut, kigusitiglo tâpsomunga nalovait.
41Pingajuaniglo tikinamigit, oᴋautivait: Mâna sinikluselo merngoêrseromavisê? Nâmaksivoᴋ tagva, stunde tikisimavoᴋ. Ahak Inûb Erninga pititauniarpoᴋ idluitulijut agganginut.
42Makititse aularta; ahâk, uvamnik pititsiniartoᴋ ᴋaglivoᴋ.
43Sullelo taimâk oᴋartilugo, Jûdase, 12it illangat, tikilerpoᴋ inugiartoᴋsuit illagilugit, saviksoalijardlutik ajaupialijarlarmiglo, ajoᴋertuijoᴋsoarnit aglangniglo illisimajunit inuillo angajoᴋânginit pijut.
44Pititsiniartublo nalunaikutaksamik (illitarsijutiksanganik) oᴋautilauᴋpait, oᴋarlunelo: kunilârtara, taimnauvoᴋ! tigusiuk, aulartailitilugolo.
45Tikiname, ᴋanilersârpâ oᴋarlune: Rabbi, Rabbi, kuniklugolo.
46Aktulerpâlle tâva, tigulâllo.
47Sanianêtulle illangata saviksoane amuvâ, ajoᴋertuijoᴋsûblo kivganga ulimavlugo siutairpâ.
48Jêsusiblo kiovlune oᴋautivait: Sorlo inuartomut anivose, saviksoalijarluse ajaupialijalapselo, tigujomavlunga.
49Uvlut tamaita najortigilauᴋpapse katimavingme ajoᴋertuivlungalo, aktulaungilapsingalo; nalautaijulle aglangit nalautserᴋovlugit.
50Illinniartingitalo ilûnatik ᴋemakpât ᴋemâvlutiglo.
51Inôsuktullo illangata malikpâ, sâtomik annorâmik uvineruliub; inôsuktullo tâmna tiguvât.
52Uvinerunele iperarpâ, annorairdlunelo ᴋemâvoᴋ taipkonangat.
53Jêsuselo ajoᴋertuijoᴋsoarmut pitipât; tagvunga ajoᴋertuijoᴋsuit, angajoᴋâllo, aglangniglo illisimajut ilûnatik katimavut.
54Petrusible kinguvasiklune malikpâ ajoᴋertuijoᴋsûb igloᴋsoanganut pilune; tagvanelo kivgat iksivaᴋatigivait, ikomamut kitjaᴋejârlune.
55Ajoᴋertuijoᴋsuille ᴋaggimiojullo ilûnatik pasitiksarsiorput Jêsuse pivlugo, toᴋotsomavlugo, nagvângilallo.
56Unuktut oᴋautigiludlarpât saglovlutik, oᴋausingille adsigêngilat,
57Illangillo saglovlutik pasiklertut sakᴋerput, oᴋarlutik:
58Tussalauᴋpavut, oᴋarmat: Tempele aggangnut sanamajoᴋ asseroromavara, uvlunelo pingasune assianik sanalunga aggangnut sanamangitomik.
59Sullele oᴋausingit adsigêngilat.
60Ajoᴋertuijoᴋsoarlo akornganit nikovipoᴋ Jêsuselo aperivâ oᴋarlune: kiungilatît tamakkonunga ukkua pasiklerninginût?
61Nipleranele kiungilaᴋ. Ajoᴋertuijoᴋsûb ama aperivâ, oᴋautivlugo: Kristuseovêt, nakorinadlartub erningâ?
62Jêsusele oᴋarpoᴋ: Tâmnauvunga. Inûblo Erninga takojomârpase iksivajoᴋ (Gûdib) pitsartujub talerpiata tungâne, ᴋilaublo nuvujangitigut akᴋartoᴋ.
63Tâva ajoᴋertuijoᴋsûb annorâne alikpait, oᴋarlunelo: kigligiutsijeᴋariaᴋarungnairpogut.
64Gûdemik oᴋarnerlûteᴋarninga tussarpase; ᴋanoᴋ issumavise? Tâpkoale ilûnatik erᴋartorpât, toᴋotaksaujoᴋ oᴋautigilugo.
65Tagva illangita ᴋetseralerpât, kênangalo natuvlugo erᴋsârpât, oᴋautivlugo: Nalautalertigut. Kivgallo kênanga tiglukpât.
66Pêtruselo igloᴋsûb iluata pârdlerᴋamêtilugo, ajoᴋertuijoᴋsûb kivangita arnat illangata itertub,
67Pêtruse kitjaᴋejârtoᴋ takogamiuk, takunâlerpâ oᴋarlune: Igvittauᴋ Jêsuse Nazaremioᴋ illagivat.
68Misiarporle oᴋarlune: Illitaringilara, oᴋautsitillo nalogivakka. Pâmullo aningmat, angutauneᴋ niplerpoᴋ.
69Arnablo ama takogamiuk, senianêtunut oᴋalerivoᴋ: Tâmna taipkoa illangat.
70Misiarivoᴋ ama. kingornganegalâk, tagvanêtut Pêtruse ama oᴋautivât: Ahamarik taipkoa illagivâtit; Galilêamiogavit, oᴋautsivît nalunailivâtit.
71Ingminulle oᴋarnerlulerdlune (Gûde taivlugo) oᴋarpoᴋ: Inuk tâmna oᴋautigijase illitaringilara.
72Angutaunerlo aipânik niplerpoᴋ. Tagva Pêtrusib erᴋarpait Jêsusib oᴋausingit, oᴋautilaungmago: Angutauneᴋ maggoertorlune niplerᴋârtinago, misiarutigilârparma pingasuertorlutit. Tagva ᴋeasilerpoᴋ.
ទើបបានជ្រើសរើសហើយ៖
Markuse 14: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
Markuse 14
14
Ajoᴋertuijoᴋsuit Jêsusib toᴋotauninganik kajusilerput. Mingoartauninganik Betâniame. Judasib angerninganik pititsomavlugo. Jêsusib nerrininganik saugârsungmik aularviksiorutiksamik, ilijininganiglo Kommunionemik. Tuksiarninganik Getsêmaneme. Pititauninganik pijauninganiglo. Pêtrusib misiutjininganik.
1Uvluk magguk kingorngangne aularviksiorvik, pujusauteᴋangituniglo ᴋakᴋôjaktorvik naliutilerpoᴋ. Ajoᴋertuijoᴋsuillo aglangniglo illisimajut pingitsertorlutik tigunasuarpât toᴋotsomavlugo.
2Oᴋarpulle: Aularviksiorvingme pinago, inuit pikablâdlarᴋonagit.
3Betâniamêngmallo Simonib kalaᴋadlalauᴋtub iglungane, nerrimârvingme iksivatilugo, tagva arnaᴋ tikipoᴋ, publaujatsialijardlune tipitsiariksaumik pivianartoᴋsoarmik imalingmik, publaujarlo serᴋomipâ, imangalo niaᴋoanut kovivâ.
4Tagvanêtulle illangit anûlerput oᴋarlutik: Mingoarut tâmna sôᴋ kovijauvâ?
5Imeᴋ tâmna pisiangonajalaurune, akkeᴋarajarpoᴋ ununersamik kênaujanit 300init, aklujunut tunijaksanik. Oᴋarnerlûtigivâllo.
6Jêsusele oᴋarpoᴋ: Arnaᴋ una ulapinasiuk; sôᴋ kiksartipisiûk? ajungitomik pivânga.
7Aklujunik illaᴋatsainarpose; ajungitulivigijomagupsigiglo pituinariaᴋarpose; uvangale najortigitsainarniangilapsinga.
8Ajugaringitaminik pivoᴋ; sivorngagut timiga mingoarpâ ilijartortauviksara pivlugo.
9Ahamarik Oᴋautivapse: Nane oᴋautsit tussarnertut ukkua oᴋautigijaukpatta silaᴋsoarme ilûnâne, oᴋartoᴋarniarivoᴋ tâpsoma piniarninganik uvamnut, erᴋaumajaujutiksanganik.
10Jûdaselo Iskâriot, 12it illangat, ajoᴋertuijoᴋsoarnut aivoᴋ, tâpkonunga pititsomavlugo.
11Tamanna tussaramitsuk, ᴋuviasulerput, kênaujaniglo tunitjivigijomavlugo oᴋarput. Taipkonungalo pitinasualerpâ.
12Pudjusauteᴋangitunigle ᴋakᴋôjaᴋtorviub uvlungita sivorlingane, saugârsub aularviksiorutiksab toᴋotaujuksauviane, illinniartingita aperivât: Nane âᴋiksoijartorᴋovitigût saugârsungmik aularviksiorutiksamik nerriniartarnîk?
13Maggungniglo illinniartiminit tiliklerpoᴋ oᴋautivlugiglo: Iglugasaksoarnut aileritik, inungmiglo pâksilârpotik, imektartomik, tamna maliktikko.
14Itervigilârtangatalo iglub inuanut oᴋaritik: Ajoᴋertuijub oᴋautjauᴋovâtit: Iglo nauk, nerriviksara saugârsungmik aularvisiorutiksamik illinniartikka illagilugît?
15Iglomiglo angijomik iglub ᴋolâne, atuinaujomik âᴋiksorsimatsiartomiglo unertûtilârpâtik; tagvane piksaptingnik âᴋiksoigitik.
16Illinniartuglo aivuk, pilutiglo iglugasaksoarnut, sorlolo oᴋautilaungmagik, naipipâk, saugârsuglo aularviksiorutiksaᴋ âᴋiksorpâk.
17Unnulermallo 12it illagillugit tikipoᴋ.
18Nerrimârvingme iksivagamik nerrilutiglo, Jêsuse oᴋarpoᴋ: Illapse illangata nerreᴋatima pitilârpânga.
19Kiksalerdlutiglo aperivât nelekârdlutik: Uvangauniapêk? assialo: Uvangauniarpêk?
20Kiovaille oᴋarlune: 12it illangata misukseᴋatima.
21Inûb Erninga ainiaralloarpoᴋ, sorlo tapsominga aglaksimangmat; inugle tâmna kappianamêk, Inûb Erninganik pititsijoᴋ. Inungmut tâpsomunga idluarnersaunajarpoᴋ, erniangongikune.
22Nerrivlutiglo Jêsusib ᴋakᴋôjaᴋ tiguvâ, ᴋujalivlunelo avgorpâ, tâpkonungalo tunivâ oᴋarlunelo: Tigulugo nerrisiuk, tagva timiga.
23Ermgusiarsuglo tigugivâ, ᴋujalivlunelo tâpkonunga tâmna tunivâ; ilûnatiglo tâpsomangat imerput.
24Oᴋautivaillo: Tagva auga, Testamentitâb (aunga) kovijauniartoᴋ unuktut pivlugit.
25Ahamarik oᴋaupapse, mattoma kingorngagut imerniarungnairpunga napârtub vainiliksab iptinganik, uvloᴋ taimna naliuterᴋârtinago, nutautilugo imileromârupko Gûdib nâlegauvingane.
26Tuksiarutsillo nertordlerutiksat nâgamigit, anivut ᴋakᴋamut orᴋsoktalingmut.
27Jêsusiblo oᴋautivait: Unnuarme tamattomane tamapse sinaungajutigilârpapsinga. Aglaksimangmat: Mianersijoᴋ unatadlarniarpara, saukkallo siamartidlarniarput.
28Makigumale (toᴋungajunit), sivunapsingne Galilêamut aijomavunga.
29Pêtrusible oᴋautivâ: Ilûnamatsiatik sinaungajutigigalloarpatit, uvanga sinaungajuteᴋarniatsangilanga.
30Jêsusiblo oᴋautivâ: Ahamarik, oᴋaupagit: Unnuarme tamattomane, angutauneᴋ niplerᴋârtinago maggoertorlune, misiarutigilârparma pingasuertorlutit.
31Oᴋarivorle ama: Ilâ, toᴋoᴋatigijaksarigupkillônêt, misiarutigijomangilagit. Taimaktauᴋ ilûnatik oᴋarivut.
32Perorsêvingmullo avaluliorsimajomut pivut, Getsêmanemik attilingmut. Illinniartinelo oᴋautivait: Tamaunga ingititse, tuksiariartortilunga.
33Pêtruselo, Jakôbuselo, Johanneselo illagivait, sajudlalerlunelo kappiaktoadlalerpoᴋ,
34Oᴋautivaillo: Tarniga kiksarpoᴋ toᴋo tikidlugo; tagvanêtitse pigârluse.
35Averngoalerdlune nunamut pâmakterpoᴋ tuksiarlarmelo, ajornangipat, naliutoᴋ tamanna ᴋângerᴋovlugo.
36Oᴋarlunelo: Abba, Atâtak, ajugaᴋanginavit, ermgusiarsuk una pêruk uvamnit; pijomajaraungitorle, pijomajat pile.
37Siniktulle tikinamigit, Pêtruse oᴋautivâ: Simon, sinikpêt? stundemik atautsemiglônêt pigâᴋatigijungnangilarmâ?
38Pigârluselo tuksiaritse, ôktortaulungnermut perᴋonase. Anerneᴋ pijomagalloarpoᴋ, uvinigle sangêpoᴋ.
39Ama tuksiariartorpoᴋ, oᴋautsit taipkoatsainait atormilugit.
40Ama utermigame, siniktut tikinivait; ijingit oᴋumaimatta uerngarnermut, kigusitiglo tâpsomunga nalovait.
41Pingajuaniglo tikinamigit, oᴋautivait: Mâna sinikluselo merngoêrseromavisê? Nâmaksivoᴋ tagva, stunde tikisimavoᴋ. Ahak Inûb Erninga pititauniarpoᴋ idluitulijut agganginut.
42Makititse aularta; ahâk, uvamnik pititsiniartoᴋ ᴋaglivoᴋ.
43Sullelo taimâk oᴋartilugo, Jûdase, 12it illangat, tikilerpoᴋ inugiartoᴋsuit illagilugit, saviksoalijardlutik ajaupialijarlarmiglo, ajoᴋertuijoᴋsoarnit aglangniglo illisimajunit inuillo angajoᴋânginit pijut.
44Pititsiniartublo nalunaikutaksamik (illitarsijutiksanganik) oᴋautilauᴋpait, oᴋarlunelo: kunilârtara, taimnauvoᴋ! tigusiuk, aulartailitilugolo.
45Tikiname, ᴋanilersârpâ oᴋarlune: Rabbi, Rabbi, kuniklugolo.
46Aktulerpâlle tâva, tigulâllo.
47Sanianêtulle illangata saviksoane amuvâ, ajoᴋertuijoᴋsûblo kivganga ulimavlugo siutairpâ.
48Jêsusiblo kiovlune oᴋautivait: Sorlo inuartomut anivose, saviksoalijarluse ajaupialijalapselo, tigujomavlunga.
49Uvlut tamaita najortigilauᴋpapse katimavingme ajoᴋertuivlungalo, aktulaungilapsingalo; nalautaijulle aglangit nalautserᴋovlugit.
50Illinniartingitalo ilûnatik ᴋemakpât ᴋemâvlutiglo.
51Inôsuktullo illangata malikpâ, sâtomik annorâmik uvineruliub; inôsuktullo tâmna tiguvât.
52Uvinerunele iperarpâ, annorairdlunelo ᴋemâvoᴋ taipkonangat.
53Jêsuselo ajoᴋertuijoᴋsoarmut pitipât; tagvunga ajoᴋertuijoᴋsuit, angajoᴋâllo, aglangniglo illisimajut ilûnatik katimavut.
54Petrusible kinguvasiklune malikpâ ajoᴋertuijoᴋsûb igloᴋsoanganut pilune; tagvanelo kivgat iksivaᴋatigivait, ikomamut kitjaᴋejârlune.
55Ajoᴋertuijoᴋsuille ᴋaggimiojullo ilûnatik pasitiksarsiorput Jêsuse pivlugo, toᴋotsomavlugo, nagvângilallo.
56Unuktut oᴋautigiludlarpât saglovlutik, oᴋausingille adsigêngilat,
57Illangillo saglovlutik pasiklertut sakᴋerput, oᴋarlutik:
58Tussalauᴋpavut, oᴋarmat: Tempele aggangnut sanamajoᴋ asseroromavara, uvlunelo pingasune assianik sanalunga aggangnut sanamangitomik.
59Sullele oᴋausingit adsigêngilat.
60Ajoᴋertuijoᴋsoarlo akornganit nikovipoᴋ Jêsuselo aperivâ oᴋarlune: kiungilatît tamakkonunga ukkua pasiklerninginût?
61Nipleranele kiungilaᴋ. Ajoᴋertuijoᴋsûb ama aperivâ, oᴋautivlugo: Kristuseovêt, nakorinadlartub erningâ?
62Jêsusele oᴋarpoᴋ: Tâmnauvunga. Inûblo Erninga takojomârpase iksivajoᴋ (Gûdib) pitsartujub talerpiata tungâne, ᴋilaublo nuvujangitigut akᴋartoᴋ.
63Tâva ajoᴋertuijoᴋsûb annorâne alikpait, oᴋarlunelo: kigligiutsijeᴋariaᴋarungnairpogut.
64Gûdemik oᴋarnerlûteᴋarninga tussarpase; ᴋanoᴋ issumavise? Tâpkoale ilûnatik erᴋartorpât, toᴋotaksaujoᴋ oᴋautigilugo.
65Tagva illangita ᴋetseralerpât, kênangalo natuvlugo erᴋsârpât, oᴋautivlugo: Nalautalertigut. Kivgallo kênanga tiglukpât.
66Pêtruselo igloᴋsûb iluata pârdlerᴋamêtilugo, ajoᴋertuijoᴋsûb kivangita arnat illangata itertub,
67Pêtruse kitjaᴋejârtoᴋ takogamiuk, takunâlerpâ oᴋarlune: Igvittauᴋ Jêsuse Nazaremioᴋ illagivat.
68Misiarporle oᴋarlune: Illitaringilara, oᴋautsitillo nalogivakka. Pâmullo aningmat, angutauneᴋ niplerpoᴋ.
69Arnablo ama takogamiuk, senianêtunut oᴋalerivoᴋ: Tâmna taipkoa illangat.
70Misiarivoᴋ ama. kingornganegalâk, tagvanêtut Pêtruse ama oᴋautivât: Ahamarik taipkoa illagivâtit; Galilêamiogavit, oᴋautsivît nalunailivâtit.
71Ingminulle oᴋarnerlulerdlune (Gûde taivlugo) oᴋarpoᴋ: Inuk tâmna oᴋautigijase illitaringilara.
72Angutaunerlo aipânik niplerpoᴋ. Tagva Pêtrusib erᴋarpait Jêsusib oᴋausingit, oᴋautilaungmago: Angutauneᴋ maggoertorlune niplerᴋârtinago, misiarutigilârparma pingasuertorlutit. Tagva ᴋeasilerpoᴋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.