Mattêuse 23
23
Farisêerit takkormôrningita sakᴋertititauninginik. Jerusalemiut sillugvioninginik.
1Tagva Jêsusib inuillo ilinniartinalo oᴋarvigivait,
2Oᴋarlunalo: Môsesib iksivautangane aglangnik ilisimajut Farisêerillo iksivavut.
3Taipkoa atorᴋojangit ilipsingnut, tamaita nâleklugillo malingniarsigik; piniarningille malingniarasigik; oᴋaralloartut piniaratiglo.
4Erᴋsugaksanigle oᴋumaitunik erᴋsuktaujungnangitunik ᴋelaksivut, inuillo tuinginut ilivlugit; nangminerle aktoromangilait aggangmut atautsemullônêt.
5Suliaksatigle tamaita pivait, inungnut tautuktaujomavlutik. Erᴋaijutiksaᴋotitik siliksivait, annorâmiglo siningit angijorortilugit.
6Nerrimârvingme katimavingnalo issukliolutik iksivajomavut.
7Niuvervingmelo salutitaujomavut, inungnut taijaujomavlutik Rabbimik (ajoᴋertuijomik).
8Ilipsele taijaujomajuksaungilase Rabbimik: atautsemik ajoᴋertorteᴋarapse Kristûsemik; ilipsele ilûnase ᴋatangutigêkpose.
9Kinamiglo atâtamik taisijuksaungilase nuname: atausek atâtagigapsiuk, ᴋilangmêtok.
10Ajoᴋertuijuniglo taijaujomajuksaungilase: atausek ajoᴋertortigigapsiuk Kristûse.
11Illase anginerijok kivgaksauvok ilipsingnut.
12Ingminik angijorortitok, miklilertitauniarmat; ingminiglo miklilertitok, angijorortitauniarpok.
13Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.
14Kappianamêk ilipse, aglangnik ilisimajut Farisêerillo, takkormôrtose! Uigarnerit pingit nungunapsigik, takijunik tuksiarutinik tuksiarutsomavlugit oᴋartose! Taimâk pivlugo pitlartaunersaujomârpose.
15Kappianamêk ilipse aglangnik ilisimajut Farisêerillo, takkormôrtose. Nunakullo imakullo ingergagapse, illaksarsiorluse Judioᴋatiksapsingnik! illagigupsiuglo, tâᴋtomut ᴋitorngautipase, maggûertorlugo ilipsingnit.
16Kappianamêk ilipse, tautungitose tessiornikteojose, oᴋarapse: Gûdib iglunga taiᴋassiutivlugo angertoᴋârpat, tamanna erᴋanangilak; Gûdible iglungata goldinga taivlugo angertok, tâmna pitlaraksauvok,
17Silaitose tautungitoselo! Neliak anginersauvâ? Golde, Gûdib iglungalônêt, ivlernartitsijok goldemîk?
18Tunerguservik taivlugo angertokarpat, tamanna erᴋanangilak; tunergulle ᴋânganêtok tailugo angertok tâmna pidlaraksauvok.
19Silaitose tautungitoselo! Neliak anginersauvâ? Tunergut, tunerguserviglônêt ivlernartitsijok tunergumîk?
20Tamanna pivlugo, tunerguservik tailugo angertok, tâmna tailugo angerpok, ilûnaitalo ᴋânganêtut illaliudligit.
21Gûdiblo iglunga tailugo angertok, tâmna tailugo angerpok, taᴋamanêtorlo illaliudlugo.
22ᴋilaglo tailugo angertok, Gûdib iksivautanga tailugo angerpok, iksivajorlo ᴋângane illaliudlugo.
23Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.
24Tautungitose tessiorniktiojose! Milugiararsuit kamagivase, kamêlinigle êsivose.
25Kappianamêk ilipse, aglangnik ilisimajut Farisêerillo takkormôrtose! Ermgusiarsuillo pôgutallo silatingitigut ᴋeblariksarapsigik, ilungille tattaput arᴋtainermik nerritunermiglo.
26Farisêere tautungitotit, ermgusiarsûblo pôgutablo ilûgik salumarsarᴋâᴋik silatîgik ᴋeblaridlarᴋovlugik.
27Kappianamêk ilipse, aglangnik ilisimajut Farisêerillo, takkormôrtose! Iluvertitut mingoarsimajutitun-inapse; silatingit ânanaujârput, ilungille tattaput toᴋungajut sauninginik mamaitoâlungniglo.
28Taimainivosetauk! ᴋalinipsigut idluartôjârpose inuit takoane; ilupsigulle takkormôrnermiglo idluiluktomiglo tattapose.
29Kappianamêk ilipse, aglangnik ilisimajut Farisêerillo takkormôrtose! Nalautaijut iluvingit sanagapsigik, idluartullo iluvingit ânanausigapsigik.
30Oᴋarluselo: Atâtagilauktavut inôᴋatigilauruptigik, taipkoa illagijomanajalaungilavut nalautaijut aunginik kovisilauktut.
31Taimâk nangminek kigligiutjivose, nalautaijunik toᴋotsijut ᴋitorngaringmase.
32Attê, ilipsetauk sivorlipse ôktûtigilauktangat tattaniarsiuk.
33Kuglugiangojârtose, ᴋuglugiarâlôjârtose, ᴋanok ilivluse erᴋartortaumaneᴋ kappianartolik ᴋemâjomavisiûk?
34Taimaimat, akâk, tilivakka ilipsingnut nalautaijullo, silatujullo, aglangniglo ilisimajut; taipkoalo ilangit toᴋotsomârpase, ᴋejungmut saningajolingmut kikiaktorlugit, ilangillo katimavipsingne issaᴋadlaromârpase, unangmivlugillo iglugasaksoarnit iglugasaksoarnut.
35Tikitaukovluse idluartut aunginut ilûnainut, nunamut kovijaujunut, idluartub Abelib aunganit, Zacharîasib, Baraᴋîasib erningata aunga tikidlugo, toᴋolauktapse katimaviub tunerguserviublo akorngangne.
36Âhamarik, oᴋaupapse, tamakkoa tamaita pivlugit kinguvângoᴋatigêt ukkua akkiniartaujomârput.
37Jerusalem, Jerusalem, nalautaijunik toᴋotsijotit, ilingnullo tilijanik ujarᴋanut milorniktotit! ᴋitorngatit katititsomaᴋattalauralloarpakka, sorlo arnaungub piarᴋane katitingmagit esarᴋominut; pijomalaungitosele.
38Ahâk, igluse (katimavise) inuêrutjaujomârpok.
39Oᴋaupapsele, mattoma kingorngagut takojungnaipapsinga, oᴋarᴋârtinase: Nakoridlartaule Nâlekab atingane tikitok.
ទើបបានជ្រើសរើសហើយ៖
Mattêuse 23: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
