Mattêuse 22
22
Atanersub erningata nulianilerninganik. Apertsutinik kênaujat nunaliksiutaukojaujut pivlugit. Makitsomârnermik. Perᴋojamik angnerpâmik. Jêsusib kinausinganik.
1Jêsusib ama oᴋarvigilerpait adsiujutigut, oᴋarlunalo:
2Gûdib nâlegauvia atanersoatun-ipok, ernerminik nulianerᴋojijotut;
3Kivganalo tilivait, nuliarêngnialertungnut nerrimârᴋataujuksat ᴋaiᴋojauᴋovlugit; ᴋaijomalungilallo.
4Ama kivgat assingit tiligivait, oᴋarlunalo: Nerrijartortuksat oᴋautsartorsigik: Ahâk, nerrimâraksavut pijarêrpakka, tukuvaᴋotikkalo ᴋoinijut toᴋopakka, ilûnatiglo pijarêrput; ᴋaileritse, nuliarêngnialertuk nerreᴋatigilaulavut.
5Nachogivâlle tamanna, aularlutiglo, ilangat perorsêvingminut, ilangat sulivingminut.
6Ilangitale kivgangit tiguvait, mitautigivlugillo toᴋopait.
7Atanersûb tamanna tussaramiuk, ningaumajadlalerpok, sorsuktuksaᴋutsoanalo aiᴋovait, inuartut taipkoa nungutsartortauᴋovait, iglugasaksoangillo ikidlugit.
8Tagva kivgane oᴋautivait: Nerrimâraksat pijarêrsimagalloarput, ᴋaikojaulauktulle pijuksaulaungilat.
9Tamanna pivlugo apᴋosiniâlungnut aileritse, ilûnaitalo naipiniartase nuliarêngnialertungnut nerreᴋataujartorᴋolersigik.
10Kivgallo taipkoa apᴋosiniâlungnut aivut, naipitatiglo ilûnaita katitipait, ajortullo ajungitullo. Nuliarêngnialertuglo iglungak nerrimârᴋatauniartunut nimniolerpok.
11Atanersûblo ᴋaiᴋojaujut takojartoramigit, inuk takovâ tagvane annorârsimangitok nerrimârᴋataujuksatut.
12Oᴋautivâlo: Ilannâk, ᴋanok ovunga iternerᴋêt, annorârsimangitotit nerrimârᴋataujuksatût? Tâmnale niplingilak.
13Tagva atanersûb kivane oᴋautivait: Aggangillo itigangillo ᴋelaᴋsorsigik, egidlugolo tâᴋtoksoarmut ungardlerpâmut, tagvane, ᴋeavaksoadlarneᴋaromârpok aglerulârneᴋaromârlunalo;
14ᴋaiᴋojaumajut unudlarmatta, anerimajulle ikiput.
15Tagva Farisêerit ᴋaggimiojartolerput, oᴋausinginut ᴋanok pijauveᴋarmangât.
16Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.
17Tamanna pivlugo oᴋautitigut, ᴋanok issumavêt? Idluarᴋâ, ataniviksoak kênaujanik nunaliksiutaukojaujunik tunitjivigivlugo, idluangilarlônêt?
18Jêsusible pingitsertorningit tukkisileramigit, oᴋautivait: Takkormôrtose, sôk ôktorpisingâ?
19Takolago kênaujak nunaliksiutauᴋojaujok. Kênaujarlo tâpsomunga sakᴋerpât.
20Apersorpaillo: Kia adsinga, kialo aglangit ᴋolânê?
21Kiovât: Ataniviksûb. Tagva oᴋautivait. Taimaimat ataniviksoarmut tunisiuk ataniviksûb pinga, Gûdemullo Gûdib pinga.
22Tamanna tussaramitsuk, tataminiarput, ᴋemaklugolo aularput.
23Uvlorme taipsomane Saduzêerit tikipât, makiviksaᴋangitomik oᴋartut; aperivâllo,
24Oᴋarlutik: Ajoᴋertuijok, Môsese oᴋarpok. Toᴋojoᴋarpat ᴋitorngaᴋangitomik, nukangata (angajugilauktame) nulianga nuliarijaksarivâ, angajune kinguvâksarsivlugo.
25Uvaptingnele nukarêᴋalaukpoᴋ 7 nik. Angajuklek nulianerᴋâlauktok, toᴋovok; ᴋitornginanalo, nuliane nukaminut ᴋemakpâ.
26Taimâktauk tuglia, pingajuaglo, 7 ingat tikidlugo.
27Ilûnatik kingorngatigut Arnak toᴋogivok.
28Makivingmele, taipkoa 7 it naliata nuliarijomârpaûk? Ilûnatik nuliarilaungmatsuk.
29Jêsusible kiovait oᴋautivlugillo: Tammarpose, aglait nalogapsigik, Gûdib ajugaᴋanginingalônêt.
30Toᴋungajunit makitsomârtut nulianingniangilallônêt, uiningniangilallônêt; Gûdible Engelingititun-itsomârput ᴋilangme.
31Toᴋungajunik makitsomârtunik atuarsilaungilasê, Gûdib oᴋautilaungmase, oᴋarame:
32Abrahâb Gûdigivânga, Isaablo Gûdigivânga, Jâkoblo Gûdigivânga? Toᴋungajulle Gûde Gûdigingilât, inôjulle (kissimik).
33Inuille tamanna tussaramitsuk, ajoᴋertûtinga tataminiarivât.
34Farisêerille tussaramik, Saduzêerit oᴋausiksairutingmagit, atautsemut katilerput.
35Ilangatalo, aglangnik ilisimajûb ôktorpa, oᴋarlunalo:
36Ajoᴋertuijok, perᴋojanit tamainit naliat anginerovâ?
37Jêsusible kiovâ: Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut.
38Tamanna pijariaᴋarnerojok angnerlo perᴋojak.
39Aipangale tâpsotunaᴋ-ipok: Inuᴋatingnik iliktut nagliktuksauvotit.
40Perᴋojângnut ukkungnunga maggûngnut perᴋojat ilûnatik lilagêkput, nalautaijullo aglangit.
41Farisêerille katimangmatta, Jêsusib aperivait,
42Oᴋarlunalo: ᴋanok issumavisê Kristûse pivlugô? Kia ernerivaûk Kiovât: Dâvidib.
43Oᴋautivait: Sôk Dâvidib anernermigut Nâlekaminik taivâuk? Oᴋarame:
44Nâlegak Nâlekamnut oᴋalaukpok: Talerpingma tungânut ingitit, ômigijingnik ilijerᴋârtinanga itikavît ikkogganganut.
45Nâlekaminigle Dâvidib taingmago, ᴋanok ernerivaûk?
46Ilûnatiglo kiovlugo sapilerpât, ilûnatiglo uvlub tâpsoma kingorngagut aperivlugo saperivât.
ទើបបានជ្រើសរើសហើយ៖
Mattêuse 22: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
Mattêuse 22
22
Atanersub erningata nulianilerninganik. Apertsutinik kênaujat nunaliksiutaukojaujut pivlugit. Makitsomârnermik. Perᴋojamik angnerpâmik. Jêsusib kinausinganik.
1Jêsusib ama oᴋarvigilerpait adsiujutigut, oᴋarlunalo:
2Gûdib nâlegauvia atanersoatun-ipok, ernerminik nulianerᴋojijotut;
3Kivganalo tilivait, nuliarêngnialertungnut nerrimârᴋataujuksat ᴋaiᴋojauᴋovlugit; ᴋaijomalungilallo.
4Ama kivgat assingit tiligivait, oᴋarlunalo: Nerrijartortuksat oᴋautsartorsigik: Ahâk, nerrimâraksavut pijarêrpakka, tukuvaᴋotikkalo ᴋoinijut toᴋopakka, ilûnatiglo pijarêrput; ᴋaileritse, nuliarêngnialertuk nerreᴋatigilaulavut.
5Nachogivâlle tamanna, aularlutiglo, ilangat perorsêvingminut, ilangat sulivingminut.
6Ilangitale kivgangit tiguvait, mitautigivlugillo toᴋopait.
7Atanersûb tamanna tussaramiuk, ningaumajadlalerpok, sorsuktuksaᴋutsoanalo aiᴋovait, inuartut taipkoa nungutsartortauᴋovait, iglugasaksoangillo ikidlugit.
8Tagva kivgane oᴋautivait: Nerrimâraksat pijarêrsimagalloarput, ᴋaikojaulauktulle pijuksaulaungilat.
9Tamanna pivlugo apᴋosiniâlungnut aileritse, ilûnaitalo naipiniartase nuliarêngnialertungnut nerreᴋataujartorᴋolersigik.
10Kivgallo taipkoa apᴋosiniâlungnut aivut, naipitatiglo ilûnaita katitipait, ajortullo ajungitullo. Nuliarêngnialertuglo iglungak nerrimârᴋatauniartunut nimniolerpok.
11Atanersûblo ᴋaiᴋojaujut takojartoramigit, inuk takovâ tagvane annorârsimangitok nerrimârᴋataujuksatut.
12Oᴋautivâlo: Ilannâk, ᴋanok ovunga iternerᴋêt, annorârsimangitotit nerrimârᴋataujuksatût? Tâmnale niplingilak.
13Tagva atanersûb kivane oᴋautivait: Aggangillo itigangillo ᴋelaᴋsorsigik, egidlugolo tâᴋtoksoarmut ungardlerpâmut, tagvane, ᴋeavaksoadlarneᴋaromârpok aglerulârneᴋaromârlunalo;
14ᴋaiᴋojaumajut unudlarmatta, anerimajulle ikiput.
15Tagva Farisêerit ᴋaggimiojartolerput, oᴋausinginut ᴋanok pijauveᴋarmangât.
16Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.
17Tamanna pivlugo oᴋautitigut, ᴋanok issumavêt? Idluarᴋâ, ataniviksoak kênaujanik nunaliksiutaukojaujunik tunitjivigivlugo, idluangilarlônêt?
18Jêsusible pingitsertorningit tukkisileramigit, oᴋautivait: Takkormôrtose, sôk ôktorpisingâ?
19Takolago kênaujak nunaliksiutauᴋojaujok. Kênaujarlo tâpsomunga sakᴋerpât.
20Apersorpaillo: Kia adsinga, kialo aglangit ᴋolânê?
21Kiovât: Ataniviksûb. Tagva oᴋautivait. Taimaimat ataniviksoarmut tunisiuk ataniviksûb pinga, Gûdemullo Gûdib pinga.
22Tamanna tussaramitsuk, tataminiarput, ᴋemaklugolo aularput.
23Uvlorme taipsomane Saduzêerit tikipât, makiviksaᴋangitomik oᴋartut; aperivâllo,
24Oᴋarlutik: Ajoᴋertuijok, Môsese oᴋarpok. Toᴋojoᴋarpat ᴋitorngaᴋangitomik, nukangata (angajugilauktame) nulianga nuliarijaksarivâ, angajune kinguvâksarsivlugo.
25Uvaptingnele nukarêᴋalaukpoᴋ 7 nik. Angajuklek nulianerᴋâlauktok, toᴋovok; ᴋitornginanalo, nuliane nukaminut ᴋemakpâ.
26Taimâktauk tuglia, pingajuaglo, 7 ingat tikidlugo.
27Ilûnatik kingorngatigut Arnak toᴋogivok.
28Makivingmele, taipkoa 7 it naliata nuliarijomârpaûk? Ilûnatik nuliarilaungmatsuk.
29Jêsusible kiovait oᴋautivlugillo: Tammarpose, aglait nalogapsigik, Gûdib ajugaᴋanginingalônêt.
30Toᴋungajunit makitsomârtut nulianingniangilallônêt, uiningniangilallônêt; Gûdible Engelingititun-itsomârput ᴋilangme.
31Toᴋungajunik makitsomârtunik atuarsilaungilasê, Gûdib oᴋautilaungmase, oᴋarame:
32Abrahâb Gûdigivânga, Isaablo Gûdigivânga, Jâkoblo Gûdigivânga? Toᴋungajulle Gûde Gûdigingilât, inôjulle (kissimik).
33Inuille tamanna tussaramitsuk, ajoᴋertûtinga tataminiarivât.
34Farisêerille tussaramik, Saduzêerit oᴋausiksairutingmagit, atautsemut katilerput.
35Ilangatalo, aglangnik ilisimajûb ôktorpa, oᴋarlunalo:
36Ajoᴋertuijok, perᴋojanit tamainit naliat anginerovâ?
37Jêsusible kiovâ: Gûdingnik Nâlegarnik nagliktuksauvotit ômatingnut tamânut, tarningnullo tamânut, issumangnullo tamainut.
38Tamanna pijariaᴋarnerojok angnerlo perᴋojak.
39Aipangale tâpsotunaᴋ-ipok: Inuᴋatingnik iliktut nagliktuksauvotit.
40Perᴋojângnut ukkungnunga maggûngnut perᴋojat ilûnatik lilagêkput, nalautaijullo aglangit.
41Farisêerille katimangmatta, Jêsusib aperivait,
42Oᴋarlunalo: ᴋanok issumavisê Kristûse pivlugô? Kia ernerivaûk Kiovât: Dâvidib.
43Oᴋautivait: Sôk Dâvidib anernermigut Nâlekaminik taivâuk? Oᴋarame:
44Nâlegak Nâlekamnut oᴋalaukpok: Talerpingma tungânut ingitit, ômigijingnik ilijerᴋârtinanga itikavît ikkogganganut.
45Nâlekaminigle Dâvidib taingmago, ᴋanok ernerivaûk?
46Ilûnatiglo kiovlugo sapilerpât, ilûnatiglo uvlub tâpsoma kingorngagut aperivlugo saperivât.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.