Jona 4
4
1Tamannale Jônab angijomik sinaungajutigidlarpâ, ningadlarporlo.
2Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.
3Taimaimat, Nâlegaᴋ, inôsera tigulauruktôᴋ uvamnit; nakuluarmat uvamnut toᴋoguma, inôgiarmit.
4Nâlegarlo oᴋarpoᴋ: Ningarnît idluarᴋa?
5Jôna tagva anivoᴋ iglugasaksoarnit, ingilunelo iglugasaksuit kitâne, tagvanelo oᴋoalineliorpoᴋ ingilunelo atâne taggaliningane, nâlaklunelo iglugasaksuit ᴋanoᴋ pijaularmangâta.
6Gudible Nâlekab perortomik perorsaraidlartomik atuinarupâ, nuitipâlo Jônab ᴋolâgôrᴋovlugo, taggalinâᴋovlugo niaᴋoanik, idluijutinga malungnarungnaiᴋovlugo. Jônablo perortoᴋ ᴋuviagidlarpâ.
7Kaungmalle ᴋaulertainartilugo Gudib ᴋuglugiaᴋ atuinarupâ, tâpsomalo perortoᴋ kapivâ, toᴋoᴋovlugo.
8Seᴋinerlo nuingmat, Gudib kanangâᴋ ônadlartoᴋ atuinarupâ; seᴋinerublo Jônab niaᴋoa akkingmikpâ, tâmnalo ᴋaujimangerpoᴋ, ᴋilanârporlo toᴋogiarmik, oᴋarlune: Nakuluarpoᴋ uvamnut toᴋoguma, inôgiarmit.
9Gudiblo Jôna oᴋautivâ: Idluarᴋâ ningaravit perortoᴋ pivlugô? tâmnalo kiovoᴋ: Idluartuinarpoᴋ ningadlaruma toᴋo tikidlugo.
10Nâlegarlo oᴋarpoᴋ: Igvit perortoᴋ suliaringitat perortingitallo ilapjugivat, unnuangainaᴋ nuijoᴋ unnuangainarlo asserortoᴋ;
11Uvangalo iglugasaksuit tâpkoa, Ninive, ilapjugijaksaringilakkâ, inuᴋtaᴋartut ununersanik 120,000nit, ᴋaujimangitunik talerpingmingnik saumingmingnit, nergjutetaliksuillotaûᴋ?
ទើបបានជ្រើសរើសហើយ៖
Jona 4: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.