Hesekiel 31
31
1Pijokarporlo jârit 11ingane, taᴋᴋit pingajuata uvlungita sivorlerpângane, Nâlekab oᴋausingata tikingmanga, oᴋarlune:
2Inûb erninga, Farao, Egiptenib ataninga, inugiartoᴋsoangillo oᴋautikit: Kina adsigivisiuk angijônipsingnê?
3Takuit, Assure napârtolauᴋpoᴋ sîdere Libanoneme, piojunik akkerolik, taggalineᴋortôᴋ atâne, poᴋtojorlo, pappingalo nuvujat akornganêpoᴋ.
4Imiub aglisitipâ, itinerub perutsiartipâ; kôksoangit kôkput perorsêvingata avatâgut, kôgarsungillo perorsêviub napârtunginut tamainut kôkput.
5Tamanna pivlugo perorsêviub napârtunginit tamainit poᴋtonerpaulerpoᴋ; akkeroarsungillo unuksivut, akkerungillo takijororput imaᴋatsiarningata nuitingmagit.
6Tingmiat ilûnatik ᴋilaub ikianganêtut ubloᴋarput akkerungita akorngane, naternaublo nergjutingit ilûnatik piaratârput akkerungita atâne, taggalininganelo inôᴋatigêksuit ilûnatik nunaᴋarput.
7Taimak takoranidlarpoᴋ angijônermine, akkerome takiningine, amângit imersoarnêngmatta.
8Sîderit Gudib perorsêvinganêtut ijerungnangilât: ᴋeblariktut tâpsoma akkerungit adsigilaungilait, napârtullo millukattalit adsiutitaujungangilat tâpsoma akkerunginut; napârtullo Gudib perorsêvinganêtut neliallônêt tâpsotunaᴋ takoranidlartigilungilat.
9Takoranidlartilauᴋpara akkerᴋume unurninginut, Edeniblo napârtungita ilûnatik, Gudib perorsêvinganêtut, adsigingilait.
10Tamanna pivlugo imâk oᴋarpoᴋ Nâlegaᴋ Nâlegaujoᴋ: Taimak poᴋtotigingmat, pappingalo nuvujat akornganêngmat, ômatingalo piojoringmat poᴋtoninga pivlugo;
11Tunijomârpara inôᴋatigêksuit pitsartunerpângata agganginut; tâpsoma ila piniarvigilârpâ; idluitoᴋsôning apivlugo ajaktorpara.
12Takorngartallo, erᴋsinarnerpât inôᴋatigêksoarnit, toᴋopât egilugolo; akkerungillo kataksimavut ᴋaᴋᴋane naᴋsarnelo tamaine, akkeroarsungillo serᴋomitauvut nunab kôngine tamaine; inôᴋatigêllo ilûnatik nuname atersârput taggalininganit, ᴋemaklugolo.
13Tingmiallo ilûnatik ᴋilaub ikkianganêtut milârput tungaviviningane, nergjutillo ilûnatik naternamêtut inneᴋalârput akkerungine:
14Imaitoᴋ pivlugo: napârtut imît senianêtut neliallônêt poᴋtonermingnik piojorijuteᴋarᴋonagit, pititsiᴋonagillônêt pappingmingnik nuvujat akornganut, pitsartujungillônêt, miluartut imermik, angijorortiᴋonagit poᴋtojoᴋsônitik pivlugit; ilûnatik tunijaungmatta toᴋomut, nunamut allerpâmut, inûb ᴋitorngangit ilagivlugit, tâpkoa ilagivlugit itersamut atersârtut.
15Imâk oᴋarpoᴋ Nâlegaᴋ Nâlegaujoᴋ: Uvlorme tâpsomane tâmna kanungarmat kapianartovingmut ogguartoᴋartitsilauᴋpunga; tâmna pivlugo itinersoaᴋ matulauᴋpara, kôksoangillo noᴋᴋartilaita, imaksuillo palangairlugit; Libanonelo ogguartilauᴋpara tâmna pivlugo, napârtullo naternamêtut ilûnatik ᴋunolerput tâmna pivlugo.
16Oggoningata pervalungninganut inôᴋatigêksuit sajuktilauᴋpakka, egigapko kapianartovingmut tâpkoa ilagivlugit itersamut atersârtut; Edeniblo napârtungit ilûnatik, Libanonib pioluarningit ânanauningillo, ilûnatik imermik miluartut, manigortauvut nunane allerpâne.
17Tâpkoatauᴋ tâmna ilagivlugo kanungalauᴋput kapianartovingmut, tâpkonunga saviksoarmut toᴋotaujunut; ila, taipkoa tâpsoma taligilauᴋtangit, inneᴋartut tâpsoma taggaliningane inôᴋatigêksuit akorngane.
18Kina tagva adsigiviûk ânanaunerme anginermelo Edenib napârtungita akornganê? Igvittauᴋ kanungartuksauvotit Edenib napârtungit ilagivlugit nunab allerpângane; nelangalârpotit kipisimangitut akorngane, saviksoarmut toᴋotaumajut ilagivlugit. Tamadja tagva Farao inugiartoᴋsoangillo ilûnatik, oᴋarpoᴋ Nâlegaᴋ Nâlegaujoᴋ.
ទើបបានជ្រើសរើសហើយ៖
Hesekiel 31: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.