Daniel 1
1
1Jojakimib, Jûdab ataningata, atanioningata jâringita pingajuangni, Nebukadnezar, Babilonib ataninga tikipoᴋ Jerusalemut, ilumavlugolo.
2Nâlekablo Jojakim Jûdab ataninga tunivâ tâpsoma agganginut, Gudiblo iglungata piᴋutingita ilangit; tâpsomalo aularutivait nunamut Sînarimut gudingoarmi iglunganut: piᴋutillo ilivait gudingoarmi ᴋimatulivinganut pivianartotalingmut.
3Ataniublo Aspinâsi, aipaitôᴋojami angajoᴋângat, oᴋarvigivâ itititsiᴋovlugo Israêlib ᴋitorngangita ilanginik, tagva ataniub kivgangita iᴋanartullo ilanginik;
4Inôsuktunik ᴋanoingitsiartunik takominartuniglo, issumagiktunik, ilisimajuniglo, silatojuniglo, poᴋituniglo, ilusitsiariktuniglo sapilungitunik kivgartornimik ataniub iglungani; ajoᴋitoraksaringmagillo Kaldêarit aglanginik oᴋausinginiglo.
5Ataniublo tâpkoa niᴋiksaᴋartipait ᴋaut tamât uvlub piksanganik ataniub mamagijanganit, vainimiglo ataniub imiksanganit, inugoijauᴋovaillo jârit pingasut nâvlugit; jârit tâpkoa nâkpatta kivgartortuksauᴋovlugit ataniub sângani.
6Tâpkoalo akornganêput Daniele, Hananialo, Misailelo, Asarialo, Jûdab ᴋitornganginit.
7Aipaitôᴋojaujullo angajoᴋângata attitârtipait; Danielelo atsirarpâ Beltesasaremik, Hananialo Sâdrakemik, Misailelo Mîsakemik, Asarialo Abednegomik.
8Danielili kajusivoᴋ ômatimini ivsornartitsomanginami ataniub niᴋiksanganut mamagijanganut, vainimullo tâpsoma imiksanganut; taimaimallo aipaitôᴋojaujut angajoᴋânga ᴋinuvigivâ ivsornartitauᴋojaujomanani.
9Gudiblo Danieli saimaniᴋsitipâ naglingniᴋsitilugolo aipaitôᴋojaujut angajoᴋângata takoani.
10Aipaitôᴋojaujullo angajoᴋângata Danieli oᴋautivâ: Nâlegara ataniᴋ piᴋojijoᴋ niᴋiksapsingnik imiksapsingniglo sivôragivara; suna pivlugo ataniub Nebukadnezarib kênasi takojaksarivagît takominailuartilugit inôsuktoᴋatipsi kênanginît? Taimâk niaᴋora nangianartomêtinajarpasi atanimut.
11Danielibli piji, aipaitôᴋojaujut angajoᴋângata pairᴋsijungortitanga Danielimut, Hananiamullo, Misailemullo, Asariamullo, oᴋautiva:
12Kivgatit ôktolaukittôᴋ uvlut 10 nâvlugit; tunitjivigilitigullo pirorsianik niᴋiksaptingnut, imimiglo imiksaptingnut.
13Taipsomanilo tautuvut inôsuktullo ataniub niᴋiksanganit nirrijut tautungit ᴋimigojaulit sângni; takojallo maliklugo kivgatit piniarvigilârpatit.
14Tâpsomalo tamattominga nâlakpait, ôktorlaitalo uvlut 10 nâvlugit.
15Uvlullo 10 nângmatta tautungit takominaluarput ᴋuiglaunisauvullo inôsuktunit tamainit ataniub niᴋiksanganit nirrijunit.
16Taimaimat pijib niᴋiksauᴋojaujut vainilo imiksauᴋojaujoᴋ tapkonunga pêrpait, tunitjivigilugillo pirorsianik.
17Inôsuktulli tâpkoa sitamat Gudib silatutilugillo poᴋitipait aglalerinini tamaini ilisimanimilo: Danielilo tukkisivoᴋ takotitjutinik sinnartômaniniglo tamainik.
18Uvlullo ataniub piᴋojijutigijangit tâpkoa saᴋᴋijârtitaugianginut nângmatta, aipaitôᴋojaujut angajoᴋângata ititipait Nebukadnezarib sânganut.
19Ataniublo oᴋaᴋatigivait, ilûnatiglo akorngani naipitaujoᴋangilaᴋ Danielitut Hananiatullo Misailetullo Asariatullo; taimaimat tâpkoa ataniub sângani ᴋikarᴋojauvut.
20Sumiglo ilisimanimiglônêt silatunimiglônêt pijariaᴋartunik ataniub apitsoramigit, tamaini malugivait 10-ertorlutik ilisimanisaungmatta ilisimajunit angakonillo tamainit ataniovingminêtunit.
21Danielilo tagvanêpoᴋ ataniub Koresib jâringita sivorlipângat tikidlugo.
ទើបបានជ្រើសរើសហើយ៖
Daniel 1: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.