Amos 9
9
1Nâlegak takolaukpara tunerguserviub ᴋângane nangertoᴋ: oᴋarporlo: Annaulerkit napajut nuvungit, tungavingit sajuᴋovlugit; serᴋomilugillo ilûnaita niaᴋungitigut; kingorlingit tagva toᴋotsomavakka saviksoarmut; atautsemiglônêt tagva ᴋemâjoᴋarniangilak, atauserlônêt anigoiniangilak.
2Toᴋungajut ininganut ᴋerdlerutigaloarunik, tagvangat aggangma tigulârpait; ᴋilangmullo ᴋongmuaraloarunik, tagvangat pingujâromavakka.
3Ergojigaloarunik Karmelib ᴋângane, ᴋenerlugillo tigujomavakka tagvangat; ijingmalo sânganit ijeraloarunik imarbiub erᴋâne, tagvangat ᴋuglugiarâluk perᴋojomavara, tâpsomalo kêlârpait.
4Omigijimingnullo aularutijaugaloarunik, tagvangat saviksoak perᴋojomavara, tâpsomalo toᴋolârpait; ijîkalo tâpkonunga sangutitsomavâka ajortomut, ajungitomiglo pinanga.
5Nâlekab Gûdib Zebaotib nuna aktormago, aukporlo tagva, tagvanelo nunalit ilûnatik kiksadlalârput; kôksoatullo kutjilârpok; kôkililermivlunelo Egiptenib kôksoangatut;
6Tâmnauvok ingminut iniksarsoaliortok ᴋilangme, katigoliunganinelo tungatipâ nunamut; imarbiub imangit ᴋaiᴋovait kovilugillo nunab ᴋânganut; Nâlekamik ateᴋarpok.
7Ilipse Israêlib ᴋitorngangit, uvamnut ilingalungilasê Etiopiamiut ᴋitorngangititût? Oᴋarpok Nâlegak. Tikiutjilaungilangâ Israêlikunik nunamit Egiptenemît, Filisteriniglo Kaftoremît, Siriamiuniglo Kiremît?
8Ahâk, Nâlekab Nâlegaujûb ijingita nâlegauvik ajortolik takonârpât, pêjaromavaralo nunab ᴋânganit; Jâkob kinguvângit kissimik nungumarigomângituinarpakka, oᴋarpok Nâlegak.
9Tagva ahâk, perᴋojijomavunga, Israêliblo ᴋitorngangit aulajârtitsomârpakka inôᴋatigêksuit ilûnatik akorngane, sorlo sanaugaksat aulajârtitaungmatta killapatâme, atausiarsuglônêlle nunamut katangniangilak.
10Inuᴋotima idluitulijungit ilûnatik toᴋotaulârput saviksoarmut, oᴋartut: Idluinerub anguniangilâtigut agviarniangilâtigullônêt.
11Uvlorme tâpsomane Dâvidib tupersoanga oggosimajok napartitsomârpara, angmarningillo matulugit; asserorningillo napartitsomârivakka, inertorlugillo itsartut;
12Piksaᴋarᴋovlugit Edomib amiakunginik, oᴋarpok Nâlegak, tamattominga piniartok.
13Ahâk, uvlut ᴋaivut, oᴋarpok Nâlegak, nunamik makpiterijûb angulârmago sanaugaksanik kibluijok, paunganiglo vaineliksanik tullerajârijub ᴋarngasûtiksanik ᴋarngasoijoᴋ; ᴋakᴋallo kuseromârput vainemik mamaktomik, ᴋaᴋkallo ilûnatik aukseromârput.
14Inuᴋotimalo Israêlikut aularutijaujungit utertitsomârpakka, iglolioromârpullo iglugasaksoarnik asserortaumajunik, inigilugillo; perorsêvilioromârpullo vaineliksatalingnik, vainingalo imerlugo; perorsêvilioromârpullo, paungangillo nerrilugit.
15Amâtsioromavakkalo nunamingnut, kingornganelo nusuktauniarungnaiput nunamingnit tunijamnit tâpkonunga, oᴋarpok Nâlegak Gûdit.
ទើបបានជ្រើសរើសហើយ៖
Amos 9: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.